ملتقى طلاب صيدلة الاسكندرية

[Dr.ahmed91]

سلام عليكم يا جماعة

وعليكم السلام

دلوقتي كان عندي شوية استفسارات في شابتر 7 خواص مادة
دة اول طلب ليا واستجدعو معايا بقى
في كتاب الفيزيا

اتفضلي اسألي...احنا جدعان اوووووووووووي

1- ص51 في استنتاج معادلة الاتصال افترض انه v ثابتة واستنتج عادي وطلع انه A1V1=A2V2
بعدين قال
the assumption that v of the fluid is constant is not quite true, as v changes from the wall of the pipe to the center, for this reason we consider the average v
بدل v
مش فاهماها

هي بسيطة ومش محتاجه تركزي فيها كتير

هو كان مفترض ان السرعة المفروض تفضل ثابتة في كل حتة في الانبوبة بس الكلام ده
مطلعش صح لانه لقى السرعة بتختلف من سطح الانبوبة عن منتصفها..بس سرعة السائل ككل
اللي هيا السرعة المتوسطة ثابتة..يعني داخل بكذا خارج بكذا لو المقطع ثابت

مش تغير في السرعة لدرجة انه يخليه يتحول من سريان هادي لمضطرب

عارفه ليه سرعة المياه بتتغير؟؟؟ عشان المياه دي طبقات وفيها حاجة اسمها لزوجه وسرعة كل طبقة بتختلف عن التانية

بس زي ما قولت السرعة ككل ثابته لما خدناها بالمتوسط

2- في شكل 7.4 رقم c مش عارفة بيوضح بيه ايه بالظبط
وبيقول عنه we can imagine a tube of streamlines as in fig 7.4c

ايه الاهتمام بالتفاصيل ده......مش ليه اي لزمة

المهم الشكل A .B بيوضحوا سريان هادي بس فرق عدد

C دي الانبوبة اللي ممكن يتحرك فيها خطوط السريان المنتظمة

D سريان مضطرب يعني السرعة مختلفة بين خط انسياب والتاني

3- يعني ايه جملة no fluid flows into or out of the sides of the tube
وانه وفقا لدة ممكن نطبق علي التيوب معادلة الاتصال where AV is the same at all points in the flow tube

معادلة الاستمرارية بتنطبق على السريان الهادي المنتظم ولما يتحول لمضطرب مينفعش نطبقها

عشان كده بيقولك نقطتين ....... ان خطوط الانسياب مبتقطعش بعضها

وان الانبوبة دي مش مخرومة يعني مفيش سائل بيطلع من اي فتحة في النص

يعني اللي بيدخل من هنا بيخرج من هناك عشان اعرف اطبق المعادلة

عشان لو مثلا داخل 100 ضاع منهم 20 في النص...حطبقها ازاي..فيه تغير في الكتلة

4- ص56 الفقرة قبل eqn 7.15
it's necessary to have the surface of contact between the saline soln and the manometer fluid either at the same level as the insertion point of the cannula, otherwise one has to correct for height difference
مش فاهماها برضه

هو بيقولك ان المانومتر فيه سالاين وفيه المانومتر فلويد فالسطح الفاصل بينهم

اما

يكون في نفس المستوي اللي داخله منه الابرة وساعتها النقطتين يبقوا على نفس الارتفاع
والضغط هنا بيساوي هنا واجيبه على طول .. يعنى عند المستوى اللي فيه الخط المنقط اللي طالع من الانبوبة لللكانيولا - - - - - -

يا اما

لو مش في نفس المستوى زي الرسمة عند يبقى لاز اخد فرق الارتفاع عندي في القانون عشان اجيب الضغط

5- في نفس الصفحة اخر فقرة بيقول عن ال electro manometers
this signal drives a recorder that automatically gives a continuous record of the blood pressure

يعني لما MEMBRANE ده بيحله انقباض او انبساط ده بيتحول لاشارة كهربية... الاشارة الكهربية بتتحول
لاشارة رقمية تظهر على سكرين والجهاز يسجل القيم ونقدر منها نعرف الضغط بتاع الدم

اللي فاهم ولو حاجة واحدة بس من دول يقولها مش شرط كلهم
ومحدش يطنش بعد ما تعبت ف الكتابة

الحمد لله..جاوبت كله...وياريت يكون قصدي وصلك..ولو فيه حاجة مش اوضحها..اسألي

انا متاح النهارده بس......نصيبكم اني بذاكر عملي الفيزياء من الكمبيوتر والسليدات برضه