اقتباس:
المشاركة الأصلية كتبت بواسطة dr.rony20082013
على حسب فهمى المتواضع الحتة دى تفسيرها كدة........
ان السريان سريان مستقر تمام ...فيكون السائل دة لية لزوجة
فلذلك حنتخيل السائل دة على هيئة خطوط (طبقات)...واحنا لسة قايلين ان فية لزوجة ؟؟؟
فيكون طبقات السائل الملامسة لجدران الانبوبة سرعتها قليلة لية؟؟؟
علشان اصلا الجدار ثابت وفية قوى تلاصق بين جزيئات السائل وجدار الانبوبة فتقل السرعة تمام كدة ...
وبعدين السرعة كل متبعد عن الجدار كل متفضل تزيد تزيد لغاية متوصل للمنتصف وهى اكتر منطقة السرعة فيها اعلى حاجة ....وبعدين تفضل تقل السرعة تقل لغاية متوصل للجدار التانى
اكيد تمام كدة....ولا اية؟؟؟؟
بالظبط ذى النهر عند الضفتين السرعة اقل مايمكن وفى المنتصف السرعة اكبر مايمكن.....
وعلشان كدة بناخد السرعة المتوسطة.... بدل منحتار ونلخبط نفسنا
بس كدة!!!
|
تمام كدة
زي ما اتخيلتها
بس عجبني مثال النهر دة وضح الموضوع اكتر
شكرا يا روني
01-01-2009, 01:17 AM
العرض الشجري
