الراجل ميعيبوش الا جيبة .. العيب فى الجيب والجيب مقطوع

[اوركيديا]

اممممممم
الردود ادتنى شويه امل
بس انا شايفه حاجه تانيه
دلوقتى لو حبينا نتكلم بواقعيه
لو شاب مثلا بيقبض 200 جنيه هل حيقدر يفتح بيت
و يتجوز و يخلف
بواقعيه و منطقيه شديده
لا
و بالتالى اساسا مش مسموح ليه انه يفكر فى الحب او الجواز او الكلام ده

ده الكلام بواقعيه و منطقيه
لانتفاء القدره الماديه على الجواز
بس للاسف اللى بيحصل حاليا
الاتنين بيفتكروا انهم اذكى و اكتر حبا لبعضهم من كل اللى عدوا
و فى الاخر بيتصدموا لازم بالواقع
ان هى مش حتقدر تستناه
و ان هو مش حيقدر يتجوز قبل التلاتين
و انا فاكره حاجه كده لشاعر

ككل قصة حب أخرى لابد أن تفنى .. تفنى بالفراق أو الزواج .. المهم أنها تفنى .. كان هو الذي أدرك أن الحب جميل لكن تبعاته مستحيلة قاسية .. حسابه في المصرف بضعة جنيهات .. إنه طالب لم ينه دراسته بعد .. والده مدير شركة كبرى لكنه مدير شركة لم يختلس قط، لذا كان حسابه في المصرف أسوأ من حساب صاحبنا .. لماذا أطلب منك الانتظار من أجل حلم قد لا يكون أبدًا ؟.. صديقاتك يظفرن بالزيجات الثرية .. صديقاتك ينلن كل شيء .. فرسان الأحلام يحلقون في السماء من حولكن .. أنتن كبيرات ناضجات أما نحن فبعد أطفال نتلقى المصروف من آبائنا، ونتشاجر على لفافة تبغ وجدناها في درج أحدنا .. طيري مع صديقاتك .. طيري .. أتركيني هنا في الوحل .. ولا تعودي أبدًا ..

تبكي .. تدفن عينيها الجميلتين في منديلها فيصرخ فيها: طيري !!... طيري !

اليوم يعرف كم كان حكيمًا في قراره هذا عندما لم يستطع أن يتزوج إلا بعد سن الثلاثين ..

من دونك لن أزعم أبدًا أني أتنفس من دونك ..

من دونك أهذي .. أتثاءب .. أكتب أوراقًا .. أتعثر ..

ولبضع ثوان أتمادى ..

ولبضع قرون أتقهقر ..

أحيانًا أضحك .. أتناسى

أهمس ألفاظًا وسنانة ..

وأخط عبارات الشكوى من فوق جدار الزنزانة ...

بس
دى دايما بتبقى النهايه
لو الجيب مش كان موجود خالص زى ما حضرتك قولت

بس رغم كده
مش عارفه انا حعمل ايه بالظبط لو اتحطيت فى موقف زى كده

يلا فى رعايه الله
اه موضوع جميل فعلا