من حقنا نحلم ..............

المشاركة الأصلية كتبت بواسطة fares_gent

أستاذ محمود القالع أرجو أن تنأى بنفسك عن الإصغاء إلا للعدل وعدم التناغم مع ذو مصلحة إذا كنا نلتمس الديمقراطية وأنا أرى أن الإنتخابات هى الملاذ لنا وأرشحك محمود القالع بالرغم من فارق السن إلا أننى أرى من يخطو خطوة بداية الإشهار هذه التى إتخذها الأستاذ محمود هو أجدر حتى منى أو من أى أحد بالترشيح

وأن يكون هو الرئيس المؤقت للرابطة لما أعرفه عنه من نزاهة وحسن خلق وشفافية يفتقدها الغالبية العظمى

إوعى حد يزعل ومش على شان أنا عارف أ/ محمود وهوة من القليوبية زيى بس لكن والله الأستاذ محمود هو أقدرنا على قيادة الرابطة
وبدون حساسية ومع إحترامى لمن وضع نفسه رئيسا دون ترشيح أحد

وأكرر من غير زعل كلها آراء وأنا متأكد من مواقة 90%على إقتراحى هذا

فارس فؤاد محمود

استنانى بقى
مش بقولك حضرتك مش عارف الموضوع ماشى ازاى
حضرتك بتقول ان صوت الحق وضع نفسه رئيسا للرابطة
ده مش صح
الحقيقة يا سيدى الفاضل
ان حصل جدل ما بين الاعضاء على الترشيح
فتم اجتماع حضره معظم مشرفين المنتدى
واعضاء بالمنتدى
وكان الاجتماع فى الغرفه الصوتية
وطلب كل من فى الغرفه من صوت الحق أن يكون رئيسا للرابطة لحين الاشهار
حتى لا يحدث صراع على مناصب حاجه لسه مبقتش حقيقة
واشهد الله ان الرجل كان رافض
ولكن بضغط من كل من فى الغرفة وأمام اصرارهم وافق لحين الاشهار
وبعدين يعنى خلينى اقولك حاجه
هى لو اتعملت انتخابات من اولها فى مصلحة مين
مش فى مصلحتك انت للعلم
لأنك عضو جديد مش قديم
عدد مشاركاتك بيقول كده
وعدد المشاركات هى رمز الفاعلية فى المنتدى
يعنى بمعنى ادق لو اترشح واحد جديد حيسقط سقوط رهيب
ليه بقى
اقولك انا .... عشان مثلا انا عندى اكثر من 75 مدرس انجليزى فى القسم بتاعى
كلهم حبايبى ... يعنى حاخد اصواتهم ( لو اترشحت بس للعلم انا مش حترشح مش عشان الترشيح حاجه وحشه لا سمح الله ولكن لانى مش فاضى ارد على مواضيع ......... )
ده غير باقى مدرسين المواد اللى علاقه ممتازة بيهم
يعنى برسايل بسيطة على الياهو اجيب 200 صوت
يعنى انجح وانا نايم فى بيتنا
وعشان كده قلنا لا
نخليها تعيين حتى وقت الاشهار
عشان يبقى كله بعد كده عنده فرص متساوية
وبعدين هو مين اللى محتاج تعيين
صوت الحق
انت عارف هو محبوب قد ايه بين مدرسين ومشرفين وطلاب المنتدى
ده لو اتعملت انتخابات واترشح
حيكسب وهو نايم فى بيتهم
( مش باقولك حضرتك جديد فى المنتدى )