محتجلك تبقي ليا ...

[الشاعر/محمد علي]

المشاركة الأصلية كتبت بواسطة prisoner of grief

حبيبي ليه ابكي ليالي وأنت ولا حاسس باللي فيا

ليه احبك وانت مستكتر عليااشوفك بس بعينيا
ليه كل ما اشوفك احس انك مش داري باللي بيا
ليه كل ما قرب منك تحسسني انك مش ليا
كل دا تمام بس لازم تكون قوى فى مطلع قصيدتك :
أقصد ماتبكيش من أولها لأن البكا جى جى
ممكن تقول: حبيبى ياللى انت مش دارى اللى بيا
حبيبى ياللى مستكتر اشوفك
وتخبى عنى عيونك
وانت مش حاسس النار اللى فيا
ايه رأيك؟

ياريت تقولي ليه كل ما اشتقلك مشوفكش جنبي
ليه كل ما احنلك محسش بك حضني

عارف ليه لأنه مش عاوزك مش عاوزك تبقى حبيبه
بك حضنى=== تقصد بك فى حضنى صح؟

دانا نفسي والله كل نفسي اشيلك جوى عينيا
ولازم تعرف ان قلبي ماعدش ليا
وخلاص بقي ملكك انت

مش لازم يعرف كل دا المهم خليه جوه فى بالك فى عقلك فى خيالك فى وجدانك جوه عيونك خبيه

اوقات كتير بتعدي عليا وانا ملهوف عليك
وفي يوم سرحت فيك ... ولقيت نفسي حضنك وماسك ايديك
ولقتني جنبك ولقيتك حضني بقلبك
ساعتها حسيت باللي ياما حلمت أنى أشوفه وأحس بيه في عينيك
وحسيت بشوق مالي قلبي ليك
ياه لدرجة دى حلمت انه فى حضنك؟! بالرغم انه مش طايقك ؟ّّّ!!!!
وبعدين مش قلبك خلاص مش معاك؟ ازاى حسيت بشوق ماليه وهوه مش معاك وبعدين ماهو كدا كدا مليان شوق ومحبه ليه
حقيقي قولي ليه مش قادر اتكلم وانا معاك
ليه بنسي كل الكلام اللى شيله ليك وانا وياك
ليه بنسي الدنيا لما قلبي يحس بهواك
ما تقولي ليه بنسي كل حاجه
حتي وانا بحلم انى معاك
لأنك مش فاكر انه مش عاوزك تحبه

حبيبي ليه وانت بين ايديا احس انك بعيد
ليه وانت جنب مني تعذب قلبك بأيديك
وليه لما تشتاق ليا تحرمني من انى احس بيك

ما خلاص يا شاعرنا هوه قالك من غير مباشرة انه هوه مش ليك

دانا يا حبيبي جوايا ليك كلام كتير
نفسي تسمعه ويحس قلبك بيه
جوى منى احساس اتبني ليك
ولقيت نفس الاحساس جوى عينيك
طب ليه وانت معايا متبقاش جوى حضني
وليه محسش بقلبك جوى منه واخدني

حبيبي خلاص انا تعبت من غيرك
وحقيقي هموت لو سبتني لغيرك
ما تقولي ساكت ليه
وياريت اعرف هتعمل ايه
دانا وقلبي حقيقي اشتقنا ليك
وكل يوم بيعدي علينا بنبكي
بنقول يمكن دموعنا توصل ليك
وتعرف منها اننا ملناش حد فى الدنيا بعديك

حبيبي قولي انك مش هتغيب عني تاني
وانك هتعيش معايا وقلبك بقي ليا من تاني
دانت والله أحلى حاجه حصلت ليا
وحقيقي محتجلك تبقي ليا
لأنك الوحيد اللي هعيش معاه
عمري وسنيني الجيه

أخى أحمد
بعد الحب
التحيه
أحيى أخلاصك لحبيبك لحبك لعمرك
ولكن لى وقفه مع كلماتك أولا
كما قال لنا أخونا أحمد نجم لابد من التأنى ولا بد من التدقيق أنا عارف ان كلامك جميل مشاعر جميله كلها تفيض بالحب والشوق والاحضان ولكن لابد من الصقل والثقل وان تعى جيداً ما قلته مراراً فى هذا المنتدى وما جعل معظم الناس بتزعل من نقدى ومن كلامى
بس عارف انك بتحبينى وأكيد هاتسمعنى
التجربة الشعرية شيىء رائع تحتاق للتأنى لإخراجها
لا تخرجها حتى تنضج
وبعدين ماتتحيلشى على حبيبك قطعت قلب اخوانك القراء وأشفقوا عليك
الحب عزه
الحب قوة
الحب عظمة
أكيد لو هوه حبك وهيا أحبتنى لجعلك ولجعلتنى أملك ثلثى العالم وأبقشش بالثلث الآخر على اخوانا وطبعا عمنا أحمد نجم ياخد الثلاثة أثلاث كلهم
اقبل مرورى
وأهمس فى أذنك
لسه عاوزنى أنقد باقى القصيده والا كدا خلاص؟

الشاعر محمد على