خد الندى من اخوك الجعيدى

[فرسان الحق]

هو الكلام اللى انا قلته ده الكلام اللى انا مخطط انى هعمل له بدايه من التيرم التانى و قلت برده افيدكم لانى فى التيرم التانى كنت متخبط كل شويه اسل حد اكبر منى اللى يقولى ذاكر من الكتاب و كان كل واحد يقول حاجه شكل
لكن فى الاخر خالص اكتشفت ان احسن حاجه تحضر محاضراتك و بعدين تشترى مذكرات المركز الهندسى لكل المواد معادا الاداره تجيب مذكرات تامر العشرى من مكتبة خطاب و تذاكرها

[a_2007]

المشاركة الأصلية كتبت بواسطة فرسان الجحيم

لكن فى الاخر خالص اكتشفت ان احسن حاجه تحضر محاضراتك و بعدين تشترى مذكرات المركز الهندسى لكل المواد معادا الاداره تجيب مذكرات تامر العشرى من مكتبة خطاب و تذاكرها

بص الى انته قلته ده جميل بس بجد خدها نصيحه منى اوعى تجيب تامر العشرى ده وابقى هات المركز الهندسى لانى جبته وكنت هضيع لانه مختصر جدااااااااااااا ولولا انى كنت بحضر المحاضرات وبذاكر من الكتاب مكنتش عديت ولعلمك انت كلامك صح جداا ع طريقه المذاكرة انا فعلا عملت اكتر من كده كمان فالاقتصاد بالذات لانى كنت خايفه منه جداااا بس سعيد طلع راجل محترم وجاب الامتحان حلو الحمد لله

[فرسان الحق]

انا لاحظت ده فعلا انا بائن الله قررت انى فى المذكرات لكل ماده فى حد هجيب منه زى مثلا
الاداره محمد رضا من الفتح و الاقتصاد عبد السميع من المركز الهندسى و محاسبه من مكتبة m2mللاستاذ محمد يوسف (المعلم الكبير قوى) و بقيت المواد بتاعة التيرم التانى هسال الناس اللى اكبر منى و هما هيدبونى و اول حاجه هعمله انى هبص فى الكتب لانى اكتشفت فى الاخر خالص ان كتاب المحاسبه كان رائع بمعنى الكلمه و الدكتور سعيد فعلا طلع صادق و كويس و جاب امتحان كويس و لكنه للاسف من طبيعة الناس اللى الفلوس بتغير النفوس
و بامانه شديده و الله العظيم هو اللى فى كل الدكاتره اللى ادونه هو الدكتور محمد حماد و الله كان كنز بمعنى الكلمه و محدش عرف قيمته غير فى الاخر و جاب امتحان جميل
ربنا يستر التيرم التانى اصعب بكتير من التيرم الاول ده كفاية السلوكيه و القانون الدولى و الاداره العامه مواد قاتله ربنا يستر