بابا مش قادر يفهمنى.... ماما مش عارفة تنزل لمستوى تفكير

[شمس الاسلام]

المشاركة الأصلية كتبت بواسطة لمى 2016

السلام عليكم و رحمة الله و بركاته

وعليكم السلام ورحمة الله وبركاته

ازيكم كلكم؟
بخير الحمدلله
بعيداً عن المقدمات اللى انا اصلاً مش بعرف اكتبها اصلا دى
فانا النهاردة جاية اتكلم فى موضوع لاحظته موجود فى مصر بالذات
و الموضوع دة هو ما يسمى ب "صراع الاجيال"
دايما اللى اكبر مننا سناً
مش فاهمينا خالص
و دايما حاسين اننا تفكيرنا غلط
و احيانا كمان بيحسوا(( اننا مش بنعرف نفكر اصلاً))
و اننا مش لينا حق اننا نبدى راينا
او نناقشهم فى اى قرار هما ياخدوه
حتى لو كان القرار دة يخصنا احنا
والله عندك حق المشكلة دي انا بعني منها كتير اوي
يعنى مثلا تلاقى واحد عايز يدخل كلية ما
يقوموا اهله يقولوله لا
انت هتدخل الكلية دى
و مش يقبلوا منه اى نقاش
كأن كلامهم دة "قرآن" و غير قابل للجدال او المعارضة
انتي عارفة انا في الحتة دي نفسي يكون الاب والام مجرد بيبدوا راي مش فارضين راي اه اوكي هما عارفين مصلحتنا كويس بس احنا ادري هننفه ونفيد في وهنقدر نحقق ذاتنا في ايه ومع كده برده لازم نحترم رايهم ده
و لو حد لقى والده و والدته بيتكلموا فى حاجة
و هو موجود و قال رأيه
للاسف رايه دة لا يُقابل إلا بكلمة واحدة
"اسكت انت ، انت مش فاهم حاجة"
ليه يعنى؟!
و بعدين هو هيفضل لحد امتى مش فاهم
اه دي بقي بتخنق كتير اوي بس احتمال هما شايفين ان عمرهم ما يقتنعوا براينا او انا احنا كلامنا مش هيودي ولا هيجيب لان اللي هما شايفينه هما هيعملوه مهما قلنا
و دايماً لما ييجى حد من أهلنا يتكلم عننا يقولوا
"جيل بايظ مش فالح فى حاجة"
احنا جيل" بايظ"!!
احنا مش فالحين فى حاجة!!
و ليكن
بس مش كلنا
و حتى لو كلنا
المفروض انكم تقومونا و ترشدونا للصح
مش تشتمونا
و بعدين هو احنا لو جيل "بايظ"
ايه اللى خلانا بقينا كدا
مش هما بيقولوا
" هذا الشبل من ذاك الاسد"
و
"من شابه اباه فما ظلم"
يبقى اصلاً الجيل "البايظ" دة
الكبار هما السبب فى وجوده
و فى انه يبقى بايظ
طيب خلينا معاهم انهم شايفنا جيل بايظ وكده طب ما البايظ ده انتو حاولتوا تصلحوه ولا تخلوه كويس ونافع لا كل اللي يتقال انت مش نافعين ولا هتنفعوا وخدي عندك من الكلام ده
رغم اقتناعى التام اننا مش جيل " بايظ " و لا حاجة زى ما هما بيقولوا
لاننا لو جيل "بايظ" مكانش فيه حد مننا قدر انه يبقى دكتور ناجح
او مهندس كويس
أو........أو.........
و الامثلة على نجاح الشباب كتيرة جداً
عندك حق
لكن بردو مصرين يطلقوا علينا لقب و ( وصمة ) الفشل
السؤال بقى اللى بجد اموت و اعرف له اجابة هو :
ليه كل دة؟!!
علمي علمك
ليه دايماً احنا _الصغيرين_ اللى وحشين؟
عشان هما الكبار الكويسين
ليه احنا اللى مش بنعرف نفكر كويس؟
لانهم بيعرفوا يفكروا احسن مننا طبعا
_مش يمكن حضرتك اللى تكون شايف الموضوع غلط_
ليه احنا جيل "بايظ"؟
ليه و ليه و ليه......
اسئلة كتيرة فى دماغى و مش لاقيالها اجابة
ياريت اللى يعرف اجابتها يقولى
(ملحوظة: أنا عارفة ان معظم المنتدى شباب لكن اللى بطلبه هو ان الكبار هما اللى يردوا على اسئلتى و الشباب بردو احب اعرف رأيهم فى التعسف اللى بيمارس علينا و على ارائنا).
اخر كلامى:
solving of the problem is on finding out the people who will solve it

حل المشكلة يكمن فى ايجاد من يستطع ان يحلها!!

بصي انا دلوقتي كل اللي اقدر اعمله عشان احل المشكلة ديه ان احاول اثبت نفسي واني اوريهم انا هقدر احقق اللي نفسي فيه بمساعدة ربنا
وانتي عارفة انا كتير بتناقش مع بابا وماما وبطلي منهم انهم يفهموني احيانا تكون النتيجة بالاجاب والاغلب تكون بالسلب
وميرسي ليكي يا لمي علي الموضوع العسل الده