حبيت قمر

[الشاعر/محمد علي]

المشاركة الأصلية كتبت بواسطة hadeer20

ده كلام كتبته مش عارفة هو ايه
بس كنت مخنوقة ومش لاقية حد احكيله
قمت جبت الكشكول اللى بكتب فيه الشعر وكده
وحكيت للورق وعيطت للقلم
ومن غير كلام كتير اسيكم تقروا

عشت فوق القمر
لمست النجوم
ضحكلى القمر

صور جميل يا هدير أن تعيشى فوق القمر وتمسكى النجوم ويضحك لك القمر أكيد فيه جى بعد دا كا هو أكبر يعنى مش معقول المقدمة دى والموضوع هاينتهى؟؟
ممكن المطلع يكون: عشت فوق القمر
ولمست كل النجوم
ضحكلى نور القمر
و.............

وحضن عيونى وقالى بحبك

دا القمر؟؟

ايوه القمر قالى بحبك

صادقه ماقولتش حاجه أنا

انسان فى صورة قمر

آه قولى كدا أصل بصراحة كنت لسه هاقولك ازاى انتى عايشه فوقيه وهايقولك بحبك لازم هايزهق

عنيه بريئة
ايديه رقيقة
ضحكته سعيدة

ممكن تكون: له ضحكة سعيده
علشان الوزن بس

همسته جميلة

تنفع تكون: له ضحكه سعيده

ايوه حبيته ايوه
اتعلقت بيه
وعشت ليه
ويوم صحيت لقيت الحلم كابوس
القمر باعنى و سابنى

هايسبك ازاى وانتى عايشه فوقه؟؟
ماهو هوه دا اللى باقول عليه م الأول

سابنى ودموعى فى عيونى
سابنى بعد ما نسيت اللى راح

قصدك هوه اللى نسى اللى كان؟

سابنى فرشت السما دموع

بلاش فرشت السما دموع ممكن تكون:سابنى دموعى زى المطر

وعشت اجمل جراح

ياه هى الجراح جميلة؟؟؟؟!!!!

من أول هذه السطور

قلتلك من الاول انا كلى جراح
قلتلى انسى اللى راح
وعيشى معايا
ودوبى فى هوايا
هتلاقى غنايا
ساكن سمايا
ومشيت معاك
ولقيت جفاك
بس انا هنساك
وهنسى يوم لقاك

يا اجمل كدبة عشتها

لغاية الآخر
وعايزة صياغه تانيه خالص

حاسس ان خلاص كل همك عاوزه تنهى الخاطره

أشكر صبرك على نقدى
الشاعر محمد على

[hadeer20]

انا اشكرك على نقدك بس انا مش كاتبة الموضوع ده عشان الردود ولا بقى كتباه عشان اقول انا بعرف اكتب شعر انا اصلا مش بعرف اكتب شعر ولا حاجة ولا كاتباه عشان حد ينقده ويعدلّى فيه انا كاتباه لانى حاسة ان المنتدى ده كلنا بنعتبر بعض اخوات وبنحاول نقف جمب بعض فى حزننا وفى فرحنا يعنى بنشارك بعض ودى اجمل حاجة فى الموقع ده وبحب ادخل عليه عشان كده وانا بصراحة معنديش حد احكيله اصحابى القريبين منى جدا متخاصمة معاهم ومش لاقية حد احكيله قلت اكتب وفى المنتدى هلاقى حد يشاركنى حزنى

[hadeer20]

شكرا على نقد حضرتك يا استاذ محمد نقدك على عينى وراسى