رسائل إلى ........ من مواطن مصرى

[أ/رضا عطيه]

وضع المرشحين لرئاسة الجمهورية فكرتنى بحكاية كدا -

واحد مسكين هدومه مقطعة ومفيش فى جيبه ولا مليم -
دخل أفخم وأشهر محل ملابس
وراح لصاحب المحل وقاله :تفسى ألبس الطقم الجميل ده -

فقاله صاحب المحل :دا أغلى طقم فى المحل بحوالى سبعة ألاف جنيه - ...

قاله نفسى ألبس ملابس نضيفه ولو ساعه أحس بالفرح-

فكر صاحب المحل وقال لنفسه :لو أنا أعطته من باب الصدقة هلاقى طوابير من العرى والمساكين واقفين أمام المحل كل يوم -
فطرده من المحل

فخرج المسكين ووقف أمام المحل يبكى بحرقه !!!!!!!

فسأله المارة: إنت بتبكى كدا ليه؟

قال لهم : دخلت المحل ده اللى بيبيع الطقم الواحد بسبع ألاف جنيه أطلب من صاحب المحل جنيهان أشترى بيهم عيش وطعمية- ـأفطر -
طردنى وخلى رجالته ضربونى ورمونى فى الشارع

فدخلوا بعض المارة المحل غاضبين وواجهوا صاحب المحل وسألوه عن قسوته مع هذا المسكين وسألوه أ من أجل جنيهان هكذا يهان

فتعجب صاحب المحل وقال لهم :أنه كان يريد هذا الطقم والذى يبلغ ثمنه سبعة ألاف جنيه

فتعجب المسكين تعجب لئيم

وزاد غضب المار ة فاشعلوا النيران فى المحل وخرجوا فى زهو المنتصريين

جاتكم طين

اللى شايف إن البلد دى تستاهل ومعاه مهرها
(تأييد الناس - مصاريف الفرح)
يايتقدم ويترشح يايسكت وينقطنا بسكاته