كرسى الاعتراف

[أسيل رزق]

المشاركة الأصلية كتبت بواسطة همس

يا نهار ابيض كل دا في قلبك

وكل دي اتهامات

احنا بنكره بعض

؟؟

يا نهار ابيض

واضح جدا جدا جدا

انكم مش عارفين حاجة يا جماعة

ازعل ليه يا ستي ؟؟

على فكرة الالوان الكتير دي احنا مش لينا علاقة بيها دا اولا

ثانيا

محدش فينا بيتكلم على التاني من وراه

خلي بالك ( انا بتكلم على المشرفين الاداريين)

وقولي الي انتي عوزاه ولا يهمك

وعلى فكرة انا مش بعامل حد والله باجتناب وبكره وكلام من دا

لاني اصلا

فترة الدراسة دخولي ونشاطي بيكون قليل جدا

والحمد لله الادارة عارفة كدا

والادارة موافقة على كدا كمان

ومش بكون فاضية

لا للمنتدى ولا للميل ولا اي حاجة

ودا ربنا يشهد عليه

بالنسبة للخناقات

اولا احنا لما بنلاقي خناقة بنحاول نحلها ودا شئ مش فيه نقاش وعمرنا ما سبنا خناقة كدا تولع وقعدنا نتفرج

بس عارفة الغلط على مين ؟؟

اقولك انا

على الناس الي بتعمل المشاكل مش احنا

وكون ان في مشاكل ناس بتفتعلها دا مش دليل على فشلنا

وباقي الكلام مش عندي رد عليه

بس بيني وبينك زهقت صراحة من حكاية انتوا زفت وانتوا وحشين

والجديد اننا طلعنا بنكره بعض

يا جماعة حاسبوا نفسكم قبل ما تقولوا الكلام دا لو سمحتم

يا ريت يعني

وزي ما قلت قوس قزح الي بيبقى في المتواجدين والالوان الكتير دي

مش احنا المسئولين عنه على فكرة

ولا لينا اي سلطة اننا نعين حد ولا نشيل تعيين حد

ولو كان الغلط على الي بيعمل كدا ومخلي الدنيا كلها الوان

دا مش معناه اننا نقول على الادارة كلها فاشلة ياريت يعني نحدد كلامنا بالظبط على مين

وكون اني بزعل من اقل حاجة

دا مش من ساعة ما بقيت ادارية

دا من زمان اوي

وانا حساسة جدا

وكل الناس في حياتي الشخصية عارفين عني كدا

وماما واختي وبابا كل الناس عارفة كدا

اني حساسة جدا

وبتأثر بسرعة

للأسف اني كدا

بس الحكاية دي استفدت منها في حاجة

اني قبل ما بقول كلمة لحد بفكر فيها ميت مرة وبتخيل انها اتقالت ليا

عشان مش ازعله

دا كل الي عندي

ولا اقولك

ان شاء الله كل الامور هتتضح

وكل رد منكم بيخليني اجزم اني اعمل الي في بالي

وبيشيل التردد الي جوايا ناحيته

وان شاء الله قريبا هعمله

بصى يا حاجة هند أنا مش بجيب كلام من عندى اللى بسمعه بقوله .. وفعلاً فى ناس فيكم مش طايقه بعض
وياستى الكلام ده قلته علشان حاسبت نفسى ولقيت إنى كنت بعمل كده أنا كمان وشغالة نميمة الله ينور( ماتعمليش كده تانى يا مها فاهمة؟ )
نسيب الحتة دى علشان هدخل فى كلام تانى

أنا ماقلتش المشرفين الاداريين زفت ولا حاجة السؤال كان على الإدارة وبما إن الإدارة هى المسئول الاول فا مينفعش اول نص نص ولا حلوة ..أحسن تعبير يناسب هو زفت مع إحترامى لكل المشرفين الاداريين وكل الناس اللى شغالة بجد

بس الحسنة تخص والسيئة تعم
ولو الكلمة دى إتقالت عليا و الله العظيم مش هزعل لسبب واحد إنى عارفة قبل ما أمسك أى منصب إن الإدارة من يومها وهى كده وهحاول بجد أثبت إن الكلام دا كله غلط .. بس الكلام ده لو كنت دخلت الإشراف أصلاً
ولو مضايقاكى الكلمة يا هند ماتزعليش يا ستى مايهنش عليا انى ازعلك أبداً

المشرفين الإداريين زى الفل وعشرة على عشرة ومجهودهم مشكورين عليه

بس كلمة صغيرة للناس اللى عارفة نفسهم وعارفة ان كلامى عليهم ..صفوا نفوسكم ناحية بعض شوية

و أسمع أحلى سلام لطاقم الإدارة

نورتى يا هند