منافسة بين فنانين المنتدى

[الشاعر/محمد علي]

الأخ بندق
الأخ نجم
باقى الأخوة
هاتستغربوا لما تلاقونى ضد هذه الفكرة (مش خالف تعرف) ولكن لى مبرراتى:
الشعر ملكة وغوص فى أعماق النفس البشريه لا يمكن إخضاعه لقوانين
يعنى ماتقدرشى تقعد وتستعد وتجيب كوباية شاى صعيدى أو فنجانين قهوه وتقفل عليك الباب وتقول محدش يخبط عليا علشان هاكتب فى موضوع الطفولة والحب يا عمنا أحمد نجم
ممكن أسألكما سؤالاً ؟
لما جيت يا عم أحمد تكتب "عصفوران عاشاقان" قعدت وقلت انك هاتكتب فى العصفورين بقى والنقط والورقه البيضاء
وبندق لما جيت تكتب " تخيلات عاشق "قفلت على روحك وقلت انك هاتكتب التخيلات؟ أو هاتتخيل الكتابات؟
يا أخى بندق هذا لا يستقيم قوله أبداً
الشعر ليس سهلاً
اوعى تفتكر ان كتابة قصيدة شيىء سهل ويسير
اوعى تقول ان الخواطر دى قصائد
اوعى تخلى الشعر يطلع بالريموت
اوعى تقول ان الشعر عبارة عن ألفظ هيا هيا الألفاظ اللى بنتكلمها
إخوانى وأخواتى
الشعر عالم من الأحاسيس التى تضرب النفس البشرية بكل سياط الأمل والألم
الشعر حب والحب شعر
الشعر مش هيصه ولمه ، الشعر له كلماته له أهازيجه ، له لواعجه ، له مآسيه ، له أفراحه
يعلم الشاعر متى يبكى بشعره
متى يغوص فى أعماقه
تكتب شعرك ثم لا ترضى عنه
تجد الفكره ثم لا تستطيع كتابة كلمه
أخى بندق اعذرنى انى أخالفك وأنا أحبك
أخى نجم سامحنى وأنا أحبك أيضاً
مش هاقدر أكتب أبداً فى موضوع يتم تحديه مسبقا
انا لما باجى أكتب عن الفراق مثلاً ماقلتش هاكتب عن الفراق
انتم كدا بتخلوا الشعر شيىء سهل ويسير !!

محمد على

[الجويرية]

السلام عليكم ورحمة الله وبركاته
انا ردى يتفق مع الاخ بندق واستاذنا نجم المشاعر ويتفق ايضا مع الاستاذ محمد على
يعنى جميل جدا الموضوع اللى طرحه الاخ بندق وده هايخلق روح منافسة بين الشعراء
وهايكون فى نوع من اظهرار البواطن وهانستفاد من بعض اوى مع كل قصيدة
وكل مرة اكيد هانتحسن عن اليوم التانى بسبب اننا هانتعلم جديد

وانا ايضا مع الاستاذ محمد على لان مش ممكن حد يجيلى يقولى اعمليلى قصيدة عن الحب مثلا
ولا انا بحب ولا جربته ولا عارفة هو ايه ولا شعرت بيه قبل كدة فباتاكيد انى مش هاعرف اعمل القصيدة لانى مش حسة كلماتها ولا حسة بالشعور تجاهها
ولو نفترض انى عملتها هاتبقى مش حلوة خالص لانى عاملها لطب ما فقط وليس تعبير عن شعورى الشخصى

وبردوا انا مش بقول انا رايحة اكتب قصيدة عن كذا لا
ده انت بتلاقى قلمك بيسرح لوحده وبعد كدة بتحدد وبتستنج انت عملت ايه

هو الموضوع جميل جدا جدا
وفكرته مميزة جدا
بس ماينفعش نجبر بعض اننا نعمل قصيدة عن موضوع معين
فياريت نترك موضوع القصيدة للشخص نفسه يعنى
يعنى هاتبقى المقارنة بين جمال القصيدة فقط يعنى مش من حيث الموضوع

وياريت يبقى الموضوع اسمه افضل قصيدة فى هذا الاسبوع او ممكن افضل شاعر فى هذا الاسبوع
اعتقد ده هايضفى روح المنافسة فى القسم

دى وجهة نظرى
وياريت تكون الفكرة وصلت
وجزاكم الله خيرا