معنا ومعكم الان عبر منتدي بوابه الثانويه الاستاذ سعيد مدني

[شمس بياض]

المشاركة الأصلية كتبت بواسطة m.leader

ماتتاسفيش علي راي قلتيه وانتي مقتنعه بيه طالما قلتيه في سياق من الاحترام وبغرض البناء لا الهدم والتدمير...كل واحد له الحريه في التعبير عن رايه ولكن بضوابط ودون التهكم والسخريه من الاخرين ..
المهم
عاوزك تفهمي حاجه مهمه يا هدي...فيه حاجه اسمها الغيره المهنيه..ود شيء بيجمع كل مدرسي المنتدي...يعني اي شيء يمس اي معلم بنعتبره مساس شخصي بينا كمعلمين...والمنتدي فيه موضوع لمشاكل وقضايا المعلمين...موضوع فيلم هنيدي هو سم مدسوس في العسل...وجبه كوميديه لذيذه بنشوفها وبنضحك لكن بعد كده بترسخ في مفهوم الصغير قبل الكبير ان المعلم ده شيء تافه واقل من ان يقام له وزن او قيمه ومنظر هنيدي نفسه ولبسه هو اكبر دليل علي كده ...ولما يمشي وفي جيبه قلم احمر وازرق يبقي لازم يكون معلم لان الاعلام الحقير عاوز يقول كده...فمسرحيه مدرسه المشاغبين نفس الكلام بس جيلنا كله تقريبا كان طلبه ومكنش لينا صلاحيات التعبير عن هذه المسرحيه التي هدمت جيلا باكمله وخلقت شبابا مشوشا فكريا وجعلت من الطالب السفيه (سعيد صالح ) ومن الطالب المجتهد اضحوكه (احمد ذكي )
انا وقت ما شفت المسرحيه دي وانا صغير ده اللي جه في بالي....علشان كده مش عاوزين نكرر اخطائنا تاني....بابا لو طبيب اساليه عن رايه في اي عمل فني بيسخر من الطبيب وبيشوه منظره...هي دي الغيره المهنيه اللي اقصدها ...
ولو ماكنش لينا كمعلمين موقف موحد هتلاقي كل من هب ودب عاوز يسترزق علي حساب المعلمين بعمل فني سطحي وتافهه..لكن لو وجدوا قضيه مرفوعه علي الفيلم وقضاء وسكه اللي يروح مايرجعش كل واحد فيهم هيعرف حجمه وهيعرف انه وقع في شر اعماله انه تحدي المعلمين وقام بالسخريه منهم....فيه جهات في الدوله لايجرؤ اي كاتب ان يسخر منها مثل رجال القضاء لانه يعلم عاقبه ذلك جيداا..
ماقام به الاستاذ سعيد هو رساله موجهه الي الجميع.....
نحن كمعلمين نرفض وبشده سخافات هذا الفيلم...
ونطالب من نقابتنا الموقره ان تتحرك ولو لمره واحده وتفعل شيئا ....
نطالب الجميع ان يصل صوتنا الي كل جهات الدوله....
كل معلمي مصر يرفضون فيلمك السخيف ياهنيدي....
رساله قالها بكل شياكه ومن خلال قطعه نحو...
رساله قالها وبكل احترام....
وكان علينا جميعا ان نؤيده وندعمه...
اتمني ان تكوني استوعبتي مغزي كلامي... واهلا بيكي ومحدش يقدر يصادر علي رايك طالما عبرتي عنه بكل شياكه واحترام....

اولا اهلا وسهلا بالاستاذ سعيد مدنى ونعم الاختيار

لاسمك بالمنتدى

وربنا يرزقك الخير كله

وربنا مع حضرتك لان حضرتك مظلوم تجاه ما فعل من خلال ادارتك التى لاتعرف عن القانون شيئا فانت لم تخالف القوانين فكيف يفعلون هذا

ثانيا يا مسيو وليد بارك الله فيك اخى
دايما جنتل فى التعمل مع الكبير ومع الصغير ياريت نتعلم منك
فن التعامل مع الاخرين جزاكم الله خيرا