طلبات الاعضاء ( لو متنفذتش هنمشى معاكو )

هو غالبا يامحمود الموضوع اللي انت عامله ده مبيعملهوش غير الناس المحترمه بس
وبتفكرني بزيزو واستاذ جمعه والناس الكويسين دول
انا في الغالب مش شاغلني المنتدي في أي شئ سوي الاعضاء الكويسين والله
ولو المنتدي ده مفيهوش أعضاء كويسين وبيفيد الناس
كان ليا بليون طريقة وطريقه إني ازعل استاذ أشرف اللي مش بيسمع لحد
وده الحمدلله مش كلام في الهوا
لاء والله ده كلام واحد بيعرف يتجبر بالنفوذ بالفلوس بالبلطجه بالثقافه بكل حاجة الحمدلله
من ضمن مهمتنا أصلا هو التجبر علي أي واحد يستاهل اننا نتجبر عليه
واللي بيمنع الواحد بس من التجبر الأخلاق ومراعاته لربنا مش اكتر
أما بالنسبة للطلبات
فأنا وبندق وكام واحد محترم كدا
كنا بنتكلم اننا عايزين إنتخابات إدارية ويبقي فيه علي الأقل 50 % من الإدارة منتخبين والـ 50% التانيين معينين بقي او اي حاجة
والخمسين في الميه المنتخبين ليس من حق الإدارة حذف إشرافهم إلا بعد عمل استفتاء ومحاسبة المنتخب ده قدام الأعضاء
أنا شايف الحكايه هتبقي عدل بالشكل ده
إنما الكلام الفاضي اللي بيحصل
وأشرف يغلط في الناس وميعترفش بغلطه ومحدش يعرف يعمل معاه حاجة
سواء استاذ عصام او غيره
ده مش نافع واظن ان ده مش وسط محترم لقعاد الناس المحترمين
وعايز أفكرك بردو واقولك هاتلي واحد مش محترم ومشي مع الناس اللي مشيوا
دور كدا هتلاقيهم كلهم محترمين
سواء زيزو ولا استاذ جمعه ولا يوري ولا ايفان ولا قباني اللي رجع مؤخرا لاشتياقه لجو الناس اللي كانت موجودة
فطبعا لو الطلب متنفذش يبقي هقول استاذ عصام يحذف عضويتي وكل حاجة عشان بصراحه مش مستعد ابقي ( عضو قدوة ) ولا زائر حتي في منتدي لا يحترم الناس وبالطبع هيبقي غير محترم
شكرا

( احمد رضا )