قرب قرب حاجة ببلاش كدة تعالى متفوتش الفرصة من ايديك

[شمس الاسلام]

المشاركة الأصلية كتبت بواسطة آية من الله

السلام عليكم ورحمة الله وبركاته
وعليكم السلام ورحمة الله وبركاته

ازيكم يا جماعة؟
بخير والحمدلله
يارب تكونوا كلكوا بخير
انا كنت عاوزة اتكلم فى موضوع مضايقنى اووووى بجد
قولي يا حبيبتي كلنا عندنا مواضيع مضايقانا جدا
مش عارفة هو لسه فى فى زماننا ده حياااء؟؟؟
لا ان شاء الله هتلاقيه في زمانا اصل زمانا ده بقي فيه كل حاجة تتخيليها او متتخيلهاش
انا حسة ان الكمية نفذت خلاص
كمية !كمية ايه
اللى خلانى اعمل الموضوع ده
اننا فى الجامعة الواحد بيشوف مصايب بجد
اه انا بصراحة في تالتة ثانوي بس خفت من الجامعة قبل ما ادخلها
ربنا يستر قولي قولي
والعلاقة بين البنات والولاد اتطورت اوووى لدرجة ماتتوصفش
بقت حاجة رهيبة
جدا جدا جدا
الوضع اتغير ياجماعة البنت اخدت دور الولد اللى بيعاكس وبيهزر
ايوة
والولد هو اللى واخد دور البنت الوسيمة اللى بتتقل
كنت زمان بسمع مقولة بتقول
يتمنعن وهن الراغبات
انا دلوقتى بعكسها وبقول
يتمنعوا وهم مش الراغبون
كانت البنات زمان بتتمنع دلوقتى العكس هى اللى بتجرى ورا الولاد
ومش بتتكسف
والولد بيهرب من البنت دلوقتى
فعلا انا سمعت حكايات من دي كتير
لان فى غيرها كتييييير يعنى من ناحية اللبس فى معرض ازياء فى الجامعة
واللى مايشترى يتفرج
انا حسة لو كنت ولد مكنتش هاتزوج
بجد هاتزوج ليييه؟

كل حاجة متاحة قدامى فى كل مكان وبثمن بخس
ربنا يسرررررررنا
والله البنات هيا اللى بقت بتعاكس الولاد
وبردوا الولد بيعتبر البنت اللى قدامه دى مش بنت لا دى كائن زيها زيه
يعنى نفس الهزار نفس المعاملة كل حاجة مفيش فرق
وانا ماشية فى الجامعة بقى
لاقيت ولدين وبنتين مع بعض فعادى الولد بيهزر مع البنت ازاااااى؟؟
هيا بشعرها مسكها من شعرها وفك التوكة اللى فى شعرها ورماها على الارض
انا قولت هاتزعل ولا حاجة
اتارى انا فهمت غلط وكان بيهزر الله
قامت موطية وجابت التوكة من الارض ولبستها وهيا فى منتهى البهجة والسعادة
وقعدت تضحك ضحك كان بتقوله هل من مزيد
ياه ده كل اللي عملته انا برده لو مكانك كنت هفهم غلط
ربنا يرحمنا

وبردوا بنت فى المدرج راحت قعدت جمب ولد فلاقيتهم بيهزروا فجاة
ايديه هاتنزل على وشها وهيا تضحك وبيتسابقوا
ياترى هايقدر يضربها ولا لا؟
ايه رائيكوا هايقدر ولالا؟
اعتقد هيقدر

وبردوا فى اخ بعضلات كدة ماشى ف الجامعة فبنت ماشية وراه
فبتقوله انت لابس تيشرت اخوك الصغير ولا ايه(معاكسة يعنى)
فبصلها كده وطبيعى جدا جابها من شعرها وطحنها
لا بجد شهم ولد مايقبلش المعاكسة
هى فوضة ولا ايه؟
ايوة هي دي الرجولة امال ايه
وكتير
كتير
كتير
بجد انا مبقتش طايقة حاجة اسمها جامعة من كتر اللى بشوفه
والله والله بقعد اعيطلهم بيصعبوا عليا البنات المساكين دول
ياه لو يعرفوا وجهة نظر الولاد اللى ماشين معاهم دول ايه مكنوش عملوا كل ده
هايهزقوا نفسيهم اكتر من كدة ايه
والله بقت حاجة صعبة اوى
ربنا يهدى بجدد
معرفش هو اللى بيخليهم يعملوا كدة ايه؟
مممكن يكون علشان كل واحدة خايفة من العنوسة
ولا عاوزة تقلل من قيمتها وخلاص؟
ولا عدم وعى وجهل بالدين؟
ولا ممكن بسبب كترة الفرجة على الافلام والمسلسلات؟
صح يا اية هو فعلا البنات بتعمل كده بجهلها بدينها وفكرها الخاطئ
انها بالطريقة دي ممكن اي يولد يفكر فيها كزوجة
لا طبعا هو ممكن يمون اه يتسلي بيها شوية اما عمره ما هيختار واحدة مشي معاها او هزر معاها عشان تبقي ام لاولاده
انا نفسي بجد كل بنت تفهم كده ويا تري الولد اللي بيهزر معاها وكده يرضي ان حد يعمل كده مع اخته
فعلا ربنا يهدي بنات المسلمين
فياريت كل بنت تتقى الله وتخاد بالها من نفسها
وربنا يسترنا ويحفظنا بجد فى عصر الفتن دى
وجزاكم الله خيرا

ميرسي يا قمر علي الموضوع الجميل ده ويارب كلنا نستفيد وناخد بالنا من نفسنا كويس ونعرف ان الاسلام صان البنت كويس لو مشيت علي تعاليمه
لان الاسلام جعل البنت ملكة متوجة
وكمان البنت زي الجوهرة لو الجوهرة اتشرخت بس خلاص ضاعت قيمتها

في رعاية الله