ملتقى طلاب صيدلة الاسكندرية

[d.didi]

المشاركة الأصلية كتبت بواسطة taleba me7tasa

سلام عليكم

اولا مبروك مبروك لكل الناس اللي هنا واللي هناك

ثانيا موضوع هااااااام جدا

الحجز يا شعب مصر الحجز
المكان دة محجوز كلمة اتعودت تسمعها للاسف

وزادت جدا الترم دة لان كله ابتدي يفوق من الغيبوبة اللي كان فيها
خصوصا بعد النتيجة

تلاقي مجموعة زحمة جدااا وناس حاضرين في غير مجموعتهم

طيب يعني انت مش حاضر ف مجموعتك ماشي تنور
لكن مش توصل لدرجة ابقى رايحة 8 الا تلت ف محاضرة مش زحمة
واعدي ست سبع بنشات ف الصف الواحد محجوزين

وياريت اللي بتحجز دي بتحجز لواحدة ولا 2
الرحمة حلوة برضه

هو لو كل واحد يحط نفسه مكان التاني ويجرب كدة يبص من منظوره
كانت مشاكل كتييييير اتحلت
لكن ليه
نفسي ثم نفسي

المشاركة الأصلية كتبت بواسطة طـفـلـة الامـس

السلام عليكم

بصراحة انا كنت مترددة جدا فى انى اكتب المشاركة دى ولا لأ
بس لانكم كلكم فى منزلة اخواتى فهو ده السبب اللى خلانى ارد خصوصا لانى فعلا محتاجة انى اطلع اللى جوايا شوية بس يمكن مش بقدر اقول اللى حساه عالطبيعة فبحاول اكتبه....
انا يوم النتيجة ده كان اسوأ يوم بجد مر عليا السنة دى
تقريبا من ساعة ماعرفت النتيجة لحد الساعة 11 او 12 ونا مبفصلش لحد ماجالى صداع مش قادرة اوصفه وده اكيد شىء طبيعى
كنت حسة ان كل حاجة اتدمرت ونا نفسى انتهيت والله العظيم عمرى ماحسيت بمرارة الفشل زى ماحسيتها اول ماشفت درجاتى
هى اصلا مش درجات اساسا
انا فعلا اتظلمت فى درجات كتير جدا بس كنت لازم اجيب الدرجات اللى جبتها دى حتى لو مكنتش بتعبر عن حلى فالامتحان بس لسبب واحد انى ماكنتش بذاكر كويس
يعنى حسيت ان ربنا بيعاقبنى بعدم اجتهادى بالدرجات دى وان كانت فعلا لاتعبر اطلاقا عن حلى فالامتحان
بس الحمد لله على كل حال
تقريبا كانها كانت رسالة وتنبيه من الله ليا والحمد لله هو ده اللى مخلينى حسة بالراحة
عشان احسن من نفسى وحاجات كتير كنت مقصرة فيها ارجع لها تانى
انا بكتب الكلام ده ونا ربنا وحده اللى يعلم باللى انا فيه حتى وان كان غير ظاهر فى تعاملى مع اى حد لانى زى ماقلت فيه حاجات مش بقدر اعبر عنها كلمات فقلت افضفض لكم شوية لانى بعتبركم اكتر من الاخوة
معلش اعذرونى ان كنت ضايقتكم شوية

فى رعاية الله

ربنا يكرمك فى الترم التانى مش ممكن كنتى تجيبى اعلى الدرجات فى الترم الاول وتتغرى بدرجاتك وضيعى الترم التانى وبعدين ماتعرفيش الخير فين يمكن ربنا مخبيلك الاحسن ومش ممكن لا دة اكيد انشاء اللة