استفسارات للضرورة

[محمد.فوكس]

ازيك travel مش بنشوفك معانا من فترة..عموما حمد الله عالسلامة.
و بالنسبة للي طالعين بمواد انتي جيتي عالجرح.
المهم..
انا في كلية علوم اسكندرية زي ما انتي عارفه و عارف الاقسام و التخصصات كويس .. يا ترى مين قالك ان في قسم او تخصص كيمياء نووية عندنا؟!
انا شايف كمان ان مش بس الاقسام و التخصصات.. لا دي المقررات كمان مفيهاش اي حاجة في الكيمياء النووية.
في بس فيزياء نووية و فيزياء ذرية و دي كمان مش تخصص دي مقررات.
الا لو كنتي بتتكلمي على الدراسات العليا لكن ما اعتقدتش لان دي لسه عليها بدري و ممكن تعمليها في اي جامعة.
بالنسبة للتحويل بين الكليات .. طبعا اللي اعرفه انه اللي عايز يحل لازم يكون طالع نضيف..و كمان لازم يكون التحويل خاضع لقواعد التوزيع الجغرافي..و لو في استثناء يبقىعلى الاقل لازم يكون الطالب مجموعه جايبها في الثانوية العامة.
هو انتي قسمك ايه بالضبط حاليا؟..انا اعرف انك في علوم القاهرة بس مش فاكر شعبة ايه.