بنات ايه رأيكم ندعو للاسلام؟؟؟؟

[هنا الفقي]

بسم الله
بسم الله ماشاء الله
والله يا ايروكا انا عاجبني نشاطك الرائع جدا جدا جدا ده
وماشاء الله عليكي عندك حماس ان دل انما يدل على حبك للدين وغيرتك عليه
لكن يا حبيبتي الموضوع مش هايجي كده
ما ينفعش اخد واحده مش مقتنعة بالاسلام واكلمها عنه على طول
ما ينفعش ابعتلها ايات من القرآن اللي هيا اصلا مش مقتنعة بيه
انا لما اكلم واحدة غير مسلمة وعاوزة ادعوها
يبقى اول حاجة اعملها اخليها تحبني وتثق فيا وتثق ف رايي
تعجب بأخلاقي
بتفوقي ف دراستي
بحكمتي ف التصرف
وده ممكن ياخد وقت طويل جدا ..لكن طالما في استحضار نية
وفي الحماس الجميل ده على طول
ربنا هايكون معانا وهاييسر علينا باذنه تعالى
بمعنى هانحتاج صبر كتير
كتير اوي
يعني لما نتعرف على واحده ما نكلمهاش عن الاسلام على طول
ولا نحطها ف مقارنة
ولا نستخدم اسلوب المناظر
لان وقتها كل اللي هايتكون عندها عننا
اننا ناس متعصبين ولا نقبل التفاهم مع الاديان الاخرى
ان شاء الله يا ايروكا انا معاكي لما تحتاجي اي خدمة
واستمري على النشاط والجمال الرائع ده
ربنا يحميكي ويحفظك ويجزيكي كل خير