ممكن تعرفنا بحضرتك ؟ ممكن ؟

[محمد.فوكس]

سلام عليكم..
الموضوع حلو و فيه فكرة..
انا محمد مسلم مصري عربي و على فكرة الترتيب ده هو ترتيب انتمائي فأنا مسلم قبل ما اكون مصري و مصري قبل ما اكون عربي.
فكري السياسي هو ليبرالي بس فيه تحفظات..يعني ممكن اتقبل اي فكر بشرط انه ميكونش خطر على البلد و ميكونش فكر هدام يأثر بالسلب على عقول الناس و بالذات الشباب..يعني من الاخر مش اي حد قاعد عالبحر وجاتله فكرة يقعد ينشرها بدعوى حرية الرأي..و طبعا قبل كل ده عدم اساءة للاديان بدعوى الحرية الفكرية.
انا شايف نفسي مثقف بس مش متعمق في الاقتصاد .. لكن على حد فهمي البسيط للانظمة الاقتصادية شايف زي معظم الناس ان النظامين لهم عيوبهم..و احنا اساسا في مصر بندعي اننادولة اشتراكية مع ان عندنا اغنى رجال الاعمال في العالم(و انا مش معترض على ده)..بس ازاي نبقى دولة اشتراكية و 90% من الثروة العامة في ايد 10% من الشعب..يعني انا مش مع اي من النظم الاقتصادية دي لان الرأس مالي ظهرت عيوبه مع الازمة المالية العالمية.
انا عمراوي (اي من مستعمي عمرو دياب).
انا شخصية مضطربة نفسيا .. يعني ليا حالة نفسية و مود مختلف كل فترة .
بحاول اواجه نفسي كتير بيني و بين نفسي لكن قدام الغير بتصرف عادي.
اسرار كتير محبش اقولها حتى لاقرب الناس ليا.
بالنسبة للفكر الاجتماعي شايف ان في ناس موجودة في مجتمعنا متستحقش الحياة و عايشة تاكل و تشرب و تهرج و تبلطج مع الناس.
الارادة موجودة بس قليل..يعني الاحباط بيجي كتير.
الثقة في النفس 70% من الوقت ببقى واثق من نفسي.
بقلل من اي انجاز عملته و بحس اني متعبتش في تحقيقه.
تناقدات كتير جدا متعدش..اعمل حاجة و اقول انا عارف ان دي غلط بس اعتقد ان اللي زيي كتير جدا.
انا رغيت كتير بس الموضوع اصله مفتوح و مش متحدد ايه بالضبط اللي اقوله عن نفسي فقعدت احكي بقى.
سلام..