للاعضاء و الادارة و الناس كلها ياريت تدخلوا

[أسيل رزق]

ههههههههههههههههه
لالالا انا عندى الحاسة السادسة
قبل ما أدخل الموضوع عرفت إنه عن الملل
شريف الخضرى بذات نفسه بيدعو جميع فئات المنتدى لدخول موضوع فى القسم العام هيكون ليه؟؟
أكيد زهق من ملل المنتدى
بص يا حاج شريف انت زى أخويا الكبير ( خد بالك من الكبير دى )
أنا ياما قلت المنتدى بقى ممل و السادة المشرفين الاداريين يفضلوا يعملوا فيها عامل النشاط ويحفزونا و هما من جواهم عايزين يولعوا فى المنتدى ( شاكرين أفضال الادارة و نسمع أحلى سلام )
من كام يوم دخلت موقع واحد كده (خد بالك من واحد كده دى ) لقيته شغال الله أكبر مع إن المتواجدين 20 بس و منتدى الثانوية بجلالة قدره فيه دشليون عضو و دخولى الصبح زى دخولى بليل نفس المواضيع نفس الردود .. هههههههه قاعدين فى متحف شمع .. دا لو متحف شمع فى الجو ده هيسيح لكن إحنا ثابتين ( هير كود )
تصدق بالله أنا خلاص فاضل إنى أبوس إيدين الناس علشان يدخلوا قسم كلية الآداب أهو بدل ما هما قاعدين فى المنتدى يدخلوا يعملوا شغل ويستفيدوا ويفيدوا بجد .. دا انا من خنقتى من القسم ده قلت كفاية شغل فيه و أفيد طلاب ثانوى و أنزلهم مراجعة علم نفس فى قسمهم تصدق بالله محدش عبره واللى دخل كتب مشكور .. و يمكن مايكنش طالب ثانوى أصلاً
حقيقى ناس كتير ملت من المنتدى
لو على أسباب الملل .. كتير .. أولاً مش هنقول المشرفين مالهمش دخل .. لأ دول السبب الرئيسى فى الملل ده .. لو كنت شفت الموضوع كنت سبت التوقيع اللى كنت حطاه من يومين
و برده هقول كل واحد فينا مسئول عن الملل ده .. مبدأياً المواضيع كلها دلوقتى تعتبر منقولة ، قليل لما نلاقى موضوع كويس عضو كاتبه و 100% بيكون عضو قديم .. بسبب المواضيع اللى مش مواضيع و الأعضاء اللى مش أعضاء بقينا نكسل نكتب رد ولا حتى ندخل موضوع .. وكفاية أوى الموضة الجديدة اللى طلعها إسلام جايد ، كل واحد عايز يمشى يفكر يوقف نفسه و بكل بساطة الادارة توافق ..بفكر أنا كمان فى الحكاية دى بس هل يا ترى مع الوقف فى كارت شحن هدية ؟.. ربنا يوفق الجميع
لو على الحلول أنا شايفة نسيب الحكاية دى للصيف .. يمكن كل ده يتغير و لو ماتغيرش نبقى نتكلم نغيره إزاى

رغيت كتير .. بس هروبنا من المنتدى مش هو الحل ولا كلامى غلط ؟؟