هتعمل ايه قبل إمتحان العربى ؟؟

[sama_es]

انا هبدا مذاكره العربى من يوم 5\6 لحد 12\6 كل يوم فرع بس النصوص ع يومين ويوم 12 باليل هذاكر دين وربنا معاك ومعانا

[Mezooo]

المشاركة الأصلية كتبت بواسطة sama_es

انا هبدا مذاكره العربى من يوم 5\6 لحد 12\6 كل يوم فرع بس النصوص ع يومين ويوم 12 باليل هذاكر دين وربنا معاك ومعانا

شكرا ليكى سما على ردك ، نورتى التوبيك

المشاركة الأصلية كتبت بواسطة مااااان

والله انا زيك مش باخد درس ومعتمدة على الله بس انا هذاكر العربى من اول 1_6 عشان انا كنت سايباه وربنا يوفقنا جميعا

إن شاء الله ربنا يوفقنا
ومتقلقيش العربى بيتلم ، لإنى مجرب السنه اللى فاتت كويس

المشاركة الأصلية كتبت بواسطة عاشقة للحياة

بصوا انا فكرة التوبيك عجبتني فحبيت اقولكم جدول مراجعة ليالي الامتحان اللي انا باذن الله همشي علية
يمكن يفيد حد ويقدر ينفذة لو عجبة وتماشي معاه

1/6 :: نص غربة وحنين _ مدرسة الاحياء والبعث_درس قيم انسانية_الفصل 1 :4 _حل قطعة نحو وبلاغة
2/6:: نص المساء_الرومانسية لخليل مطران_القدس_الفصل5:8 _ حل قطعة نحو وبلاغة
3/6:: سيد قرارك _المقال_اسلوب واسلوب_الفصل11:9 حل نحو وبلاغة
4/6:: الشاعر وصورة الكمال _ الديوان _ العلم في الاسلام _ الفصل 3:1 _حل نحو وبلاغة
5/6:: صخرة الملتقي _مدرسة ابولو _ قضية السكان _ الفصل 6:4 حل نحو وبلاغة
6/6:: الصغيران _ الفصل 10:7 _ والتاكيد علي النحو والبلاغة كتييييييير
7/6:: النسور _ المدرسة الواقعية _ الارقام العربية _ الفصل 11 _ حل بلاغة ونحو
8/6:: كم تشتكي _ مدرسة المهاجر _ سقط القناع _ الفصل 4:1 _ حل نحو وبلاغة
9/6:: قصة نظرة _ القصة القصيرة _ الفصل 8:5 _ حل نحو وبلاغة
10/6:: مسرحية كيلوبترا _ المسرحية _ لمحات من حياة العقاد _ الفصل 11:9 _ حل نحو وبلاغة

وبعدين هيبقي فاضل يومين
11/6:: هبتدي اول اليوم مراجعة النحو كلة + بلاغة + تعبير ( متستهونوش بية )
وبعدين هبتدي اراجع النصوص اللي بتيجي اجباري + واحل امتحانات كاملة

12/6:: هقعد اقرا كل القراءة هتبقي سهلة لانك ذاكرتها بالتفصيل + وبعدين هقرا الملخص بتاع القصة
والمعاني بتاعت القصة عشان علي طول بتلغبط فيها
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::

الجدول مش صعب لانك اكيد عندك معلومات من اول السنة وكمان انت هتتفرغ للعربي وبس
ولما تيجي تذاكر اي درس او نص بعد ما تخلصة امسك امتحانات الثانوية العامة وحلها علي نفس الدرس
ومتياسش من رحمة ربنا انا واقع مني حاجات كتير في مواد تانية بس هحاول قبل 1/6 اخلصها عشان افضي للعربي
نفسي اكون ساعدتكم بحاجة

عاشقة الحياه
جدول منظم جدا وجميل
واشكرك على النصائح الغاليه
ربنا يوفقك

المشاركة الأصلية كتبت بواسطة ياسمينايا

والله كل واحد هينظم جددوله على قد ماهو ذاكر....
انا لسه مرتبتش هعمل ايه...
وبجد ياعاشقه الحياه ساعدتينا ياقمر تسلمي...
وميرسي ..

هو ده هدف الموضوع
ان حد يقدر يفيد حد
مع ان كل واحد له ظروفه لكن ممكن نستفيد من بعض
وشكرا ليكى ياسمينا على المرور

المشاركة الأصلية كتبت بواسطة fox41

الى عاشقة الحياة لماذا تناسيتى الدين فلنبدا به يوميا قبل مذاكرة اى جزء من الجدول او نختم به حتى يبارك اللة

فوكس
شكرا ليك على ردك
انا بالنسبه لى مش بفكر اساسا انى افتح الدين نهائيا وبكل صراحه
ولا حتى يوم الإمتحان
لسبب بسيط ... عمرى ما شوفت واحد سقط فيه

المشاركة الأصلية كتبت بواسطة sondossad

كل واحد يذاكر ذى ما هو عايز يبدا من الاول او من الاخر بطريقه الى تريحه ولكن المهم اننا نذاكر ونخلص المذاكره قبل الامتحان وربنا يوفقنا جميعا

اكيد كل واحد يذاكر على حسب ظروفه الخاصه
انا مش بقول اننا نذاكر زى بعض
انا بقول كل واحد يقول هيزاكر ازاى
وزى ما شوفت ان فى اعضاء استفادوا من الموضوع

وشكرا ليك يا جميل على ردك