انا بجد اتخنقت ...كفاية كده حرام

[أسيل رزق]

غداً ألقاك .. فى معتقل غوانتانامو
يوم الجنازة كانت المحور فاتحة
كان شغال برنامج المسلمون يتساءلون
فا الكل بيتصل بيعزى الريس و إبنه
إتصل واحد بقى عزاه وبعد كده بيقول هو طفل ومات و القنوات كلها عاملين ليه حداد و قال رقم كبير كده ..... طفل ماتوا فى العبارة محدش إتكلم عليهم ولا حزن عليهم بالشكل ده .. تيت تيت تيت .. الخط قطع طبعاً وده الطبيعى
الله أعلم دا عقاب من ربنا لجده ولا رحمه منه بيه يمكن زى ما قال عمرو خالد يمكن موته هو اللى هيدخلهم الجنة ويشفعلهم ويمكن لو كانوا عاشوا عمرهم كله ماكانوش وصلوا لدرجة من درجات الجنة
أنا عن نفسى كنت بحب الواد ده أوى كان عسول كده .. ربنا يرحمه .. و بصراحة أبوه وأمه مالهمش ذنب أبداً إذا ده كان عقاب من ربنا .. ربنا يرحمه ويرحم أموات المسلمين و شهداء المسلمين فى كل مكان و يرأف بالغلابة والمساكين اللى بيموتوا كل يوم من الجوع
حقيقى أنا شفت ناس فى مصر ربنا ما يجعلنا منهم ويلطف بيهم .. الحمام بتاعهم حفرة فى الأرض .. بيوتهم فتحة فى الجبل .. أكلهم التراب .. مايعرفوش يعنى إيه فلوس .. شغالين بالمقايضة ..
دول مين اللى هيتحاسب عليهم؟؟
ونرجع ونقول لعله خير مفيش شىء من ربنا وحش .. الحمد لله على كل حال و ربنا يصبر أمه و أبوه
يلا ربنا يهدى الجميع و يجعلها عبرة و عظة

قال تعالى:-{أَيْنَما تَكُونُوا يُدْرِكْكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ}.صدق الله العظيم