أنهي الأسهل هندسة قسم حاسبات ولا كمبيوتر ساينس؟

[محمود خاطر]

المشاركة الأصلية كتبت بواسطة ananoo

السلام عليكم

انا بما اني في حاسبات اقدر اقولك ان الكلية محتاجة دماغ نظيفة جدا عشان تبقى حاجة كبيرة(مش عشان تعدي و خلاص)
احنا في سنة اولى بناخد فزيا في الترمين بس الترم الاول الفزيا عبارة عن ميكانيكا و الترم التاني الفزيا بتتكلم عن الموجات
و في فالترم التاني مادة اسمها الكترونيات بناخد فيها كهربية هية صحيح تقيلة بس لذيذة و فيها عملي و بنعمل دواير كهربية بادينا و بناخد فيها حاجات زي الفزيا الحديثة بتاعت السنة اللي فاتت بس مفهومة اكتر منها (هوة تقريبا في حاجات متعادة)

و بناخد رياضة(تفاضل و تكامل)نفس بتاع الثانوية العامة بس زياده عليه شوية حاجات
و الدراسة عندنا كلها انجليزي بس مش بتفرق كتير لان الكل بيتعود في حدود شهر بالكتير اوي

على فكرة الكلام ده في حاسبات عين شمس مش عرفة بقيت الجامعات بتاخد ايه بالضبط
بالنسبة للهندسة انا معنديش اي فكرة بصراحة و مش عاوزة افتي

بالنسبة بقى لاجابة سؤالك فأنا بحب الكلية بتعتي جدا و شيفها احسن كلية بالنسبالي تعتبر سهلة للي بيحبها و صعبة جدا للي داخلها عشان مجموع وما الى ذلك


يارب اكون افدتك
و لو في اي اساله هبقى احاول اجاوب عليها ان شاء الله

انا طالب في مودرن اكاديمي حاسبات ومعلومات وعندنا نفس النظام الدراسي ،،،اعتقد ان كل حاسبات سنه اولى نفس المواد بس انا مختلف معاكي في حاجه واحده وهي ان ماده الالكترونيات صعبه جدا والكتاب عندنا كبيييييير اوي لذلك الماده مش لذيذة خالص.