إيه رأيكم فى أسيل رزق؟؟

[أسيل رزق]

المشاركة الأصلية كتبت بواسطة –•(-• KABBOW •-)•–

مين اللى يقدر يقول كده
الناس دى بتدخل تشوف الموضوع تلاقيه جامد اوى كده
تخرج تشحن نفسها كلامى وتدخل تانى اصبرى بس على رزقك
ام هند طبعا انت مش عاوزه كلام او مدح من اى حد
انتى بسم الله ما شاء الله نشيطه ردودك ليها تأثيرها ليكى جو لذيذ فى ردودك
ممكن تحصل خناقه صغيره كده فى الموضوع لرد من ردودك بس الحمد لله الخناقه مبتعديش مرحلة الدبابات الميركافا والصواريخ العابره للقارات وطبعا ميتوزع على كل واحد داخل بازوكا ولو اخدت اتنين تاخد رشاش aks-47 هديه
ههههههههههههههههههههههه
المهم علشان مطولش ( ده على اعتبار ان كل الكلام ده مش كتير انت خنقتنى ..أخلص ..أخلص بدل ما اولع فيك واندم انى عملت الموضوع اساسا)
ما أنا ندمت خلاص
حاضر حاضر
المهم انك مثقفه مؤدبه ردودك جميله ومؤثره وبجد وجودك فى المنتدى مؤثر جدا
كفايه كده بقى على قد فلوسكم
ههههههههه
سلام عليكم وربنا يوفقك يا رب
وعليكم السلام .. يا رب و يوفقنا جميعاً

شكراً على رأيك و إهتمامك

أيون صح .. ماتبقاش تحط صورة جاكى شان تانى .. أنا اللى ببلغ عنها

المشاركة الأصلية كتبت بواسطة MohameD MadkouR

السلام عليكم
وعليكم السلام ورحمة الله وبركاته

تعرفى انا اول مرة شوفت فيها الموضوع دة كنت بحسب حد تانى بيقول أية رأيكم فى اسيل رزق انها تبقى مشرفة او حاجة زى كدة
أعوذ بالله من غضب الله .. ليه سيرة الإشراف دى .. مش عيب كده

بس الصراحة عمرى متوقعت أنك انتى الى عملتى الموضوع دة
ولا أنا

بصى من الاخر قوليلنا عايزة اية هههههه

بصى انتى مش واثقة فى نفسك ؟؟؟
المفروض .. بس بعد رد بسام اكتشفت إنى شكيت فى ثقتى دى
خلاص
كبرى الدى وروقى الجى
بلاش لخبطة إسمها كبرى الجى وروقى الدى .. دبور كده يزعل

انا الصراحة مليش خناقات او مصلحات او قفشات او احتكاكات او حكات او افتكاسات او أى حاجة معاكى

بس بجد بجد بجد يا أسيل قصدى يا مها

مش هقول رأيى فيكى كفاية الى فاتوا قالوا رأيهم وزيادة والمفروض الى زيك عمرة ميهمة كلام حد
كلام أن كان حلو او وحش
على رأيك

فى الاخر تقبلى مرورى
لا مش هتقبل .. يلا من هنا مش عايزين ازعاج

السلام عليكم
وعليكم السلام ورحمة الله وبركاته

شكراً على إهتمامك

من الأخر أعرف عنك أنك حد محترم أوى فى ردوده ومواضيعه
بس من غير خناق ياقمر

شكراً يا رحمة .. و من غير خناق أهو .. دا أنا هادية وغلبانة خالص

لا يا مها بجد شخصية شيك قوى
مهذبة - مثقفة - مرحة - خلوقة - شخصية تجبر الإخرين على احترامها - لا تنقاد - قيادية
عسولــــــــــــــــة بجد
حاجة كدا أكثر من رائعة
تنفعى سفيرة - علاقات عامة - سيدة مجتمع من الطراز الأول
إستمرى مها ربنا يبارك فيكى وأشوفك أكبر من كدا
كفاية عليكى كدا بقا
هههههههههههههههههههههههههههههههه
لا بجد تستهلى كل خير وانا أحب اتابع مواضيعك الهايلة
فى أمان الله

شكراً

انا لوكال ؟
طب لما اشوفك
هوريكي وخطيبتك فسخت الخطوبه

طيب هاتى الدبل و الشبكة

أنا مقرتش عنك موضوعات كثيره بس أنتى محترمه جداً جدا

حضرتك بصراحه من انشط الاعضاء الى شفتها فى المنتدى
وبجد مواضيعك جميله جدا ورائعه

شكراً

فكرة جميلة

بس سوري لاني لا اعرف حضرتك

بس واضح من كلام السادة الاعضاء والمشرفين اللي ردوا
انك شخصية مهذبة

متشكرة جداً

السلام عليكم

وعليكم السلام ورحمة الله وبركاته
والله انا شايف واحدة زى العسل عاوزة تعرف غلوتها عند نا حبتين
بس معلش نستحملها
ربنا يخليك .. معلش استحملونى .. هى حالة كده بتيجى فى زيارة وبتروح على طول
بجد يا اية؟ متحدديلك اسم بالضبط اية دا
مها و أسيل و فى ياسمين لو عايز .. اللى يجى على بالك
عموما بجد انتى انسانة محترمة جداااااااااااااااا
يمكن انا معرفكيش كويس بس من الظاهر انك حقيقى على خلق
واحترام عالى جداااااا بس دا الى اقدر اقولة بجد من غير مجملة
كفاية كدا سلام

ربنا يخليك .. شكراً على ذوقك

المشاركة الأصلية كتبت بواسطة Mosh farqa

ايه ده
دي موضة جديدة بردو
أيون .. أصلى فتاة عصرية .. بكره هتلاقينى منزلة موضوع برجاء حذف العضوية .. مش بعيد عليا والله
ما علينا
عادي أسيل رزق حلوة
و دمها خفيف
بس عندها مشكلتين اتنين
1. الكيبورد بتاعتها
2. ايدها اللي بتكتب ع الكيبورد دي

مش كده ؟؟
هو كده

متشكرة يا مرمورتى .. نجاملك فى الأفراح

لو كنت عملت موضوع طبيعى يستفاد منه الكل .. ماكنش وصل للصفحة التانية .. إيه اللى خلانى أعمل الموضوع .. ربنا يهدينى