بيبسي وكوكاكولا دهن حمير ولا خنازير ؟؟ هام جدا

[أسيل رزق]

بص يا حاج عمرو
بصيت؟؟
طااااايب
بعيداً عن دهن الخنازير اللى دلوقتى متوقع يتحط فى أى منتج سواء سمنة أو بيبسى أو صابون إلخ
الضمير الميت موجود كتير اليومين دول يعنى توقع أى شىء يحطوا فيه أى حاجة من الخنازير ( أمال هيودوا الخنازير و بواقى لحومها فين ؟؟ .. انت بتقول إن لحمتهم غالية يستحيل هيفرطوا فيها بسهولة )
و برده بعيداً عن كلام إن البيبسى مقاطعة والكوكاكولا مقاطعة وإريال مقاطعة و سجنال تو مقاطعة و الكمبيوتر اللى انت قاعد ادامه مقاطعة و البتنجان اللى بيتباع فى السوق مقاطعة ( إحنا الحل الوحيد نعمل زى غاندى .. نتصوف و نعيش فى البدائية )

مش بقول إننا ما نعمل مقاطعة هى برده ليها عامل إيجابى لو قاطعنا منتج واحد بس هنخرب بيتهم فعلاً

و بعيداً عن الشعب المصرى اللى انت عارفه جملة تتقال فى بورسعيد توصل سوهاج فى دقيقة ( أسرع من الصاروخ و ال إف 16)

ام هند بقى بعيداً عن كل ده

أنا مابقتش بشرب لا كوكاكولا ولا بيبسى ولا سفن ولا مياه غازية ليه؟؟ .. علشان أضرارهم كتير .. فيها إيه لما نعيش على الحاجات الطبيعية بتاعتنا .. ماله العصير الطبيعى ؟؟ مالها الميه بتاعة الحنفية ( ملوثة؟؟!! ) مش أحسن من اللى محطوط فى البيبسى

و بعدين اللى نعرفه أحسن من اللى مانعرفوش .. إحنا مش بنشوفه وهو بيتعمل يبقى لا نقول دهن خنازير ولا دهن كلاب و فى نفس الوقت مانفضلش نشرب فيه وإحنا مانعرفش إيه اللى فيه ( طبيعى إن الحاجات الكيماوية بتضر الجسم .. بلاها بيبسى وكوكاكولا ) .. وفى ظروف زى ضرب غزة ليه مانقاطعش أهو نحسسهم إننا نقدر نستغنا عن بلاويهم اللى بينتجوها .. و فى ظروف زى دى برده إنفلونزا الخنازير البلد بقت مليانة أوباش و حرامية ونصابين يعنى نتوقع إنهم يحطلنا الخنزير ذات نفسه جوا الكانز
بالنسبة لكنتاكى .. بجد بيعملوا حاجات عجيبة و هقولك أمثلة حية .. يوم عمى الله يمسيه بالخير حب يتغدا جاب تيك أواى كنتاكى المهم كان عازم أصحابه فا هما إتأخروا حط الأكل فى التلاجة ساعة واحدة لما جه يفتح التلاجة شم ريحة حيوانات ميته جوا من شدة الريحة القذرة ساب الشقة ومشى و مارجعهاش إلا لما إتنضفت كلها
و فى يوم خرجت مع أصحابى ليا واحدة صحبتى مابتاكلش إلا من كنتاكى المهم جابت وجبة وجاية تاكل لقت فى دم فى الفراخ و بقايا ريش وحاجات تقرف .. معنى كده إنهم فعلاً مش بيدبحوا الفراخ ولا عندهم إهتمام ولا نضافة ( وكنا فى سيتى ستارز ) يعنى مكان سياحى محترم صعب إنك تلاقى حاجة زى كده
بــس كفاية رغى

و إبقى شيل صورة عمرو دياب دى بدل ما أبلغ عنك
مايرضنيش إن أخويا الصغير أبهدله فى المحاكم
لقد أعذر من أنذر

و شكراً على الموكوع