|| لماذا أنتِ بالذاتِ || بقلم / أحمد رضا

[احمد رضا]

المشاركة الأصلية كتبت بواسطة مشتاقة لرضا الله

كلام جميل وكلام معقول مقدرش اقول حاجة عنه


تسلم ايدك والله كلام حقيقى مش محتاج تقييم
ويارب دايما تمتعنا بالقصايد العظيمة دى
وياريت تعمل كتاب كده تجمع فيه كل القصايد بتاعتك وانا اوعدك انا اول واحدة هشحته من اللى هيشتريه
ههههههههههههههه
لا بجد ياريت تفكر فى الموضوع ده حتى لو كتاب الكترونى او ملف ورد مثلا تجمع فيه كل قصايدك عشان ماتدوخناش لما نحب نقرالك حاجة من زمان

سورى على الرغى الكتير ده
ملاحظة اخيرة معلش

مين الاسم الغريب ده وده جالك من ايه يعنى
معلش الجهل عامل عمايله بقى
ياريت لو تقولنا نبذة عن عم برومثيوس ده لحسن الجهل استفحل معايا اوى
وهنيالك يافاعل الخير والثواب

ميرسي اوي ياهالة
إن شاء الله عن قريب هنقح بس الحاجات
وانزل كتاب إلكتروني واجبهولكم هنا إن شاء الله
ربنا يبارك فيكي يارب شكرا ع المجاملة الجميلة ددى
--
بالنسبة للإسم
فأنا نمت زعلان وصحيت لقيت نفسي برومثيوس

برومثيوس ده ياستي كان احد جبابرة المثولوجيا الإغريقية وسرق سر النار من الآلهه - اللي انا بشبهها دايما بالنظام الحاكم - وأداها للبشر وطبعاً ده أثار سخطهم وفزعهم لان حسب تقسيم آلهه المثولوجيا ففيه إله مخصص للموضوع ده ( النار ) فالراس الكبيرة بقي ( زيوس ) عاقبه بإنه يعلقه ما بين جبلين ويستني كل يوم طائر كبير متسلط عليه اسمه ( الرخ ) عملاق بيجي ياكل جزء من كبده كل يوم وهكذا فباخده مثلا في كتاباتي رمز للي ملهوش مهمة غير انتظار العقاب وباخده بردو رمز لتضحية كدا يعني شخصية معجم برسمها
دي نبذة مختصرة

شكرا لمرورك