هل الذهاب الى انجلترا سهل؟

[جواد عوض]

الحمد لله انا سافرت لانجلترا وكنت فى نيو كاسل- جامعة نورثمبريا وكانت البعثة جميلة جدا ومفيدة من كل النواحى
بس اخى الفاضل السفر مش بالسهل يعنى ماتقولشى انا مسافر الا لما توصل انجلترا لان الامتحان صعب جدا بس الحمدلله عديت منة
ثانيا ممكن تعدى الامتحان والمشكلة تكون فى الاختبار الطبى
ممكن تعدى الاختبار الطبى واسمك يتشال من السفارة لدواعى امنية
ممكن اسمك ينزل فى السفارة ويكون كلة تمام ويحصل ان حد يكون مشتكيك فى مدرستك زى ماحصل لواحد زميلنا من الشرقية والله اسمة اتشال على اخر لحظة لان واحدة ادارية كانت شكياة ورافعة علية قضية فى النيابة الادارية ههههههههه يعنى حاجة ولا كانهم بيختاروا ملكة جمال العالم ههههههههههه
المهم اخى الفاضل تصور انا عديت من دا كلة والحمدلله
وتصور ان مسئولى مطار هيثرو فى انجلترا كانوا عايزين يرجعونا مصر تانى علشان مفيش مندوب من الجامعة كان مستنينا فى المطار وفين وفين على ما ادارة الجامعة اتصلت بهم وقالت لهم الناس دول تبعنا هههههههه
بااقولك اية خليك فى مصر احسن والله هههههههههه وبالتوفيق ان شاء الله وعلى فكرة الروابط اللى فى المشاركة السابقة مفيدة جدا