ازاى تعرف تنام .....مع الخرفان

[الاستاذ محمد سرور]

المشاركة الأصلية كتبت بواسطة amour_amour88

المشكله يا استاذي ان كان عندنا كان عندنا يعني من سنتين كده فريق يعتبرالاول الافريقيا علشان كانت مكتمله فيه كل العناصي مش العاناصر البشريه دول نصهم اصلا مركز ابو طشط مش يرضي يشتريهم بخروف انما كانوا مكتملين بدعوات هؤلاء الاناس الطيبيبن والامهات وقدر كبير جدا من الحظ والتوفيق واحيانا المجهود المتناهي

اعتقد ان منتخبنا لازم يحصل فيه تحويل جزري يعني مثلا عمرو ذكي (وانا زملكاوي ع فكره ) ما ينفعش يلعب كوره خالص دا انسان محظوظ وليس حريف ازاي اعتمد عليه دا مش عارف وكابتن شحاته مش عارف بيفكر ازاي بقي الدوري المصري ما فيهوش الاتاكر اللي يعرف يجيب جون امال فين العجيزي وجمال حمزه اللي ضيع روحه وفيه شيكابالا وعمر جمال ناس كتير بس هم حيفضلوا كل ماتش يلعبوا احمد حسن وشادي والناس دي ...............اكيد مش حنكسب لازم نبص ابعد من قدامنا يمكن نلاقي حفره ع بعد نعرف نتفاديها

الموضوع جميل

انت اللى اجمل
انت اخدت الموضوع من وجهة نظرك ولمعاصرة الاحداث
والهبل اللى بيحصل فى المنتخب
بلاش نتكلم على حد علشان متبقاش غيبة
لكن ممكن نقول ان فى كتير موهوبين فى مصر من اللاعبين لكن لا يحصلون على فرصة
واحد مثلا زى اسامة حسنى ...بينزل يخلص اى ماتش فى دقايق وللاسف مش واخد حظه مع انه فى الاهلى
وغيرهم وغيرهم كتير

المشاركة الأصلية كتبت بواسطة moaz1993

ما اكثر الخرفان ياستاذنا في البلد

وده فيها خرفان كبيرة كمان يعني

ولا اعرفك

فعلا سبحان الله احنا بنحاول ندفن امكانياتنا بادينا خاصة الشباب اللي بطلع في البلد يجي يعمل اي حاجة بيطلع تربيت عينه وياريته يحققها في الاخر بيعمل حاجة من الانتان يروح ينتحر وده غالبا يا اما يهاجر وده دائما
ربنا يصلح احوال بلدنا ويهدي البلد ع بعضه

وجهة نظر نحترمها قصدك ان الاحباط بيبقى اقوى من الاحلام فى بلدنا

ا

المشاركة الأصلية كتبت بواسطة صوت الحق

موضوع كبير جدا زعميق جدا مش هظار يحتاج نفكير وخلاصة عمر تجاوز مش مهم السنيت
احجز مكان للرد ولى عودة

منتظرين عودة خبرة السنين للرد
بس واضح ان الكيبورد بعافية شوية

المشاركة الأصلية كتبت بواسطة bosy 3

شكرا يا مستر على الموضوع

gooooooooooooooooooooood

ان شاء الله بعد الامتحانات نفكر في اسباب المشكله ونحلها

شوفى انتى بالذات لو ما جبتيش 50/50 فى رياضة 2 بعد كل اسئلتك اللى مغرقه بيها القسم هناك
حنعلقك على باب الموقع جنب تسجيل الدخول كدة بشوية

منتظرين ردك بعد الامتحانات ...وربنا يوفقك

المشاركة الأصلية كتبت بواسطة شهدالجنة

بجد احييى حضرتك على الموضوع الاثر من رائع

اولا الخرفان فعلا تير زى ماقالوا بس بصراحة انواع

يعنى ممكن يكون واحدراكن عقله عشان مفيش حد

مهتم بيه او بيسمع له وواحد تانى بيقولك ياعم انا

اروح اسافر بره هلاقى اللى يهتم بيا وواحد تانى

بيقول البلد كوسة انا مش هرفعها لوحدى

بس بجد احنا محتاجين حاجة زى صناع الحياة لعمرو خالد

وحاجات تانية كتير

احنا محتاجين فعلا حاملة ضد الاحباط يمكن بالامل نقدر نغير حاجات كتير فى البلد دى
ما هو مش معقوله ان شوية هم اللى بيتحكموا فى الملايين دى كلها وحتى دة لو حصل مش هيبقى على طول اكيد هتيغيروا ودور الشباب بقى انه يمسك مكانهم ويغير ...احسن ما هم قاعدين على القهاوى بيغيروا فى حجر الشيشة

المشاركة الأصلية كتبت بواسطة _تملى غتيت_

ومالها الخرفان دى حتى لا بتهش ولا بتنش وكمان الصوف بتاعها ممكن يدفى الواحد فى الشتاء

_ تملى غتيت _

تحس انك برىء ولا فاهم حاجة
دة انت كنت اول واحد بينتقد اى خروف قبل كدة

المشاركة الأصلية كتبت بواسطة أ/ ممدوح مصطفى الانصارى

__________________________________________________ _______________

صوت الحق موضوع كبير جدا وعميق جدا مش هزار

________________________________________________

وعليكم السلام ورحمة الله وبركاته
1- هو فى ناس فى تفكريها لم تصل الى المستوى الذى تتكلم عنه.
فى ناس تفكر بطريقة الكوابيس ، بتفكر فى احلام واشياء خارج حيز التنفيذ وأعتقد ان هذه الشريحة من البشر خارج موضوع المناقشة وان كانوا يمثلون مرض اجتماعى يفتك بالمجتمع ويثقله.

تمام مستر ممدوح ...الفئة غير المنتجة

2- وهناك شريحة أخرى تفكر فقط وتحلم فقط
بطريقة بحته ،افكار وأحلام قابلة للتنفيذ والتحقيق ، ولكنهم لا يملكون اليات التنفيذ

وما اكثرهم انا اعرف واحد عمل بحث فى تبديل طريقة تعاطى الانسولين لمرضى السكر
بدل الحقن يبقى بخاخ وكانت دة بحث التخرج بتاعه
وخد فيه امتياز من اللجنة ولما سأل الدكتور اللى ساعده فى البحث هو اخد امتياز ليه مع انه كان متوقع بالكتير جيد جدا وكان حلم
قاله اصل اللجنة محدش فيهم كان فاهم بحثك
فبدل ما يتم احاجهم حطوا ثقتهم فى ووافقوا على رأى انك تاخد امتياز ... ومازال البحث فى الادراج

لعدة اسباب (يمكن لانهم ليس لهم خبرة او يمكن لانهم نصبوا انفسهم حالمون ومفكرون فقط ، ويمكن ناس غاوية كلام والسلام )

بعد اذنك انا قسمتهم لونين
علشان اقول ان اللى باللون الموف بيغرروا باللى باللون الاخضر.لانهم لسه خضر وبيوهموهم انهم حيققوا احلامهم وبيفوق الشاب من دول على سراب بعد ما يكتشف انه ضيع عمره مع ناس فاضية من كل حاجة
والغريب ان الاعلام هو اللى مخلى الاشكال دى ظاهرة امام اعين الشباب باستمرار
ويقولك مش عارف المفكر الفلانى والخبير العلانى
دة فى مرة جابوا حتة عيل كدة قال المذيع انه المفكر والقارىء النهم وهو قارىء جيد وحيشاركنا النهاردة فى قضيتنا ( الخلع ) وفى الاخر عرفت انه طبيب اسنان وابوه ممثل معروف
واللى عاجبنى حتة انه قارىء نهم على اساس اننا مش بنعرف نقرا ... والله بقت حاجة تقرف

وهذه الشريحة من كتاب الاغانى والشعارات ولو بطلنا نحلم نموت ويكفينا شرف المحاولة
وكلها اشياء دمرت سور الخرفان ، وطرق الامل، وجعلت النوم عميقا

واى عميق دة احنا قربنا نوصل لمركز الارض

ولب موضوع حضرتك العقول الجميلة المتفتحة المبتكرة التى تقف عن حد معين من التفكير يوقف النجاح.
واعتقد ان هذه العقول لا تقف عن حد معين
من التفكير ولكن تقف عن حد معين من التنفيذ.

وفى كمان بيوقف عن التفكير لما بيوصل لحالة من الاحباط

ومعوقات التنفيذ لا يسال عنها المخططون والمفكرون ،ولكن هى مسؤلية المنفذون
وهذا يدخلنا الى سؤال قد يحتاج الى موضوعات اخرى وهو
ما هى معوقات التنفيذ لاى عمل او فكرة؟؟

حرد على دى فى اخر كلامى فى رد خاص لى

أعتقد ان الشريحة 1 ، 2 هم من اهم المعوقات فضلا عن الفساد وعدم المتابعة
وانعدام الرقابة ، وعدم الاستمرارية وعدم الاقتناع
التام بالفكرة ،وكلها معوقات تؤثر بصورة سلبية ومحبطة على الشريحة الثالثة اللى
حضرتك تكلمت عنها .
اعتذر عن الاطالة
وشكرا جزيلا لحضرتك

لطرحكم الجاد لهذا الموضوع الرائع .

جزيت خيرا مستر ممدوح
بس حضرتك كدة سيبت ايه نتكلم فيه دة انت جبتها من جذورها

المشاركة الأصلية كتبت بواسطة komanda

خلاص كنت هموت من الضحك

المشاركة الأصلية كتبت بواسطة komanda

بعد مااتخيلت ان منتخبنا منتخب خرفان

وإن حسن شحاتة هو المدير الفنى لمنتخب الخرفان

يا سلاااااااااام

على كدة بقى عصام الحضرى يبقى إيه

حارس الزريبة الأول فى مصر .. !!

هههههه

دة مثال مش اكتر من امثلة كتير فى بلدنا

المشاركة الأصلية كتبت بواسطة m7modsadek

الفكرة مش فى الاستمرار الففكرة كلها فى الطموح فى الاصرار

المشاركة الأصلية كتبت بواسطة m7modsadek

فين ده كله واصلا ما فيش دافعية

المجتمع بتاعك بيقول وانا مالى
طب مستنى ايه
وشكرا

الاحباط ظهر مرة اخرى

الاحباط ثم الاحباط ثم الاحباط
مرض فى مجتمعنا محتاجين نتعالج منه بسرعة ونفوق بقى خلاص بقينا فى ذيل قائمة العالم
حتى الصينين بقوا عايشين معانا زى اهلنا ...احتلوا البلد
انا فاكر مرة الباب خبط لاقيت واحدة صينية بتقولى عايز حاجة
المفروض انا اللى اسألها خير عايزة حاجة ...لأ هى اللى بتسألنى فى بيتى ...
خلاص بقوا اصحاب بيت واهل
انا كنت صاحى من النوم ساعيتها ولما ركزت فهمت انها بتسألنى لو عايز اشترى منها حاجة

المشاركة الأصلية كتبت بواسطة ghada55

شكرا جزيلا استاذ محمد سرور

المشاركة الأصلية كتبت بواسطة ghada55

الموضوع جيد حقا

فتوجد والحمد لله فى مصرتا عقول وكفائات جيدة ومبدعة

ولكنها للاسف الا تستطيع ان تكمل مسيرتها فى السمو وذلك لما تعانيه من ظروف خارجة عن ارادتها

كالبيروقراطية والروتين بعض العناصر الفاسدة التى تقتل النجاح فى مهده

واكثر الامثلة على ذلك

هجرة الكثير من العقول المصرية البراقة ونجاحها فى الخارج وتألقها واستفادة الغرب منها اكبر استفادة

امثال د. احمد زويل د.مجدى يعقوب د.محمد البردعى ووووووو والعديد من الناجحين فى الخارج من ابناء الوطن

ما دعاهم الى البحث عن بلد او نظام يقدر ابداعاتهم ما لاقوه من احباط ومعاناه واهدار لمواهبهم فى وطنهم

وشكرثانى للاستاذ ممدوح

ما هى معوقات التنفيذ لاى عمل او فكرة؟؟
أعتقد ان الشريحة 1 ، 2 هم من اهم المعوقات فضلا عن الفساد وعدم المتابعة
وانعدام الرقابة ، وعدم الاستمرارية وعدم الاقتناع
التام بالفكرة ،وكلها معوقات تؤثر بصورة سلبية ومحبطة على الشريحة الثالثة اللى
حضرتك تكلمت عنها .

رد اكثر من رائع

احنا فعلا محتاجيين آليات كتير لتفعيل دور العقول دى والاستفادة منها
منها التخلص من الموروث الثقافى للموظف المصرى وشكل القيادة الداخلية للعمل
محتاجين نتغير بجد والامل فى الشباب القادم

شكرا لردك الرائع مس غادة

كدة ممكن نقسم الردود لثلاث انواع
الاول ماسكين فى مشكلات الكورة لنموذج مصغر للمشكلة وما فيها من دفن للمواهب والمجاملات على حساب المصلحة العامة

الثانى
الاحباط ثم الاحباط والذى اصاب شباب المجتمع

الثالث
التغيب الفكرى والتضليل لعقول الشباب وايهامهم باحلام لا يمكن تحقيها
او التغرير بهم للاستفادة منهم لمصالح شخصية
وغياب دور المسئول عن آليات التنفيذ