وزارة مـــــ تــمــت ـــــا

اوركيديا · #10 05-07-2009, 09:20 PM

[quote=أسيل رزق;1385272]

ربنا حليم ستار
ههههههه
اصل بقالى فتره بحاول اتخانق بشتى الطرق
بس مش فيه فايده
بس حتخانق بردو

اقتباس:

فى سؤال حضرتك نسيتى تجاوبيه أو مش عايزة تجاوبيه
بس لازم تجاوبى عليه

ايه الجبروت ده
عامه مش اخدت بالى منه

اقتباس:

شخص يوم ما تعينيه فى الوزارة تعزليه منها .. يا ترى مين هو الشخص ؟؟ و هتعينيه و تعزليه من وزارة إيه ؟؟ و سبب إختيارك له ؟؟

اممممممم
حعين نفسى وزيره على التعليم العالى
و بطبيعه الحال حاخد اول قرار انى اقفل كل كليات التربيه على مستوى الجمهوريه
اساسا مش مبوظ البلد غير خريجى تربيه
و فى الاخر بيستعينوا بناس من تربيه عشان يصلحوا المناهج اللى هما اساسا بوظوها
طاب ده بيتسمى ايه ؟؟

و بطبيعه الحال انا كرئيسه وزرا حرفض الحكايه دى
و انا كوزيره حصر على رايي و اقدم استقالتى
و انا حفبلها
بس
فركش

اقتباس:

عايز اعرف ايه هى خطة معاليه الخماسية للتطوير والنهضة
وايه هو الدور اللى ممكن نقوم بيه فى ضوء التطورات اللى بتشهدها الساحة الاقليمية والعربية وازاى يكون ليها الريادة فى ده

اولا بصفتى رئيسه وزرا حاخدك فى البلاك ليست
ايه المواطنين دول
كمان عايزين يعرفوا خططى
مواطنين اخر الزمن
شكلى حشيل احمد رضا من وزاره الدخليه
مش عارف يعين مخبرين عدلين

عامه يلا اهو كله بثوابه
نرد و امرنا لله

اولا على خططى فى التطوير
حاليا اى مقومات للتطور بتعتمد على التكونلوجيا الحديثه
و بالتالى على مقدار الثروه المعرفيه اللى فى البلد
و مصر دلوقتى بقت من اكبر الدول الطارده للعقول على مستوى العالم
بقت بتنافس الاتحاد السوفيتى فى المجال ده

و بالتالى اول خطوات التطور اننا نعتمد على مقومين
اولا التعليم للاطفال
ثانيا التدريب المهنى للكبار
بمعنى اننا نحاول نبدأ نطور مناهجنا بشكل موسع و منظم فى نفس الوقت و االاعتماد على العقول المصريه اللى لو فعلا لقت ان الحكومه عايزه تصلح حترجع
لو طورنا الاتنين دول
طبعا مع تغيير جوهرى فى السياسات الحكامه
و اتباع مبدا من اين لك هذا مع البطانه الفاشيه اللى متحكمه حاليا عشان نقدر نجيب فلوس للتمويل
و الاهتمام بافلاحين و شكاويهم و بكليات الزرعه و الرجوع لعهد ان خريجى الزراعه ياخدوا قطع ارض يستصلحوها
لو اشتغلنا على المجالات دى
ممكن فى فتره قياسيه لو فيه اداره واعيه ( المتمثله فيا طبعا

) ممكن على الاقل يبقى الجيل الجاى احسن مننا
يعنى دلوقتى بيحضنى المثال اللى دايما احمد خالد توفيق يقوله
على امريكا و ازاى السوفيت سبقوها فى طلوع اول سفينه فضائيه القمر
سيعتها حصلت زلزله فى الكيان الامريكى
ازاى السوفيت يسبقونا
عملوا نهضه شامله فى التعليم و غيروا المناهج تماما مع زياده نسبه الصرف على التعليم فى الميزانيه العامه
سيعتها فى غضون سنوات قليله
قدروا يسبقوا السوفيت
و يكونوا اول مين وصل للقمر

اما على السؤال التانى
بتاع دورنا فى الوضع العربى
انا مقتنعه جدا بكلمه العروبه
و مش بعتبرها مكانها فى كتب التربيه الوطنيه بس و لا محل نكت
انا مقتنعه ان هى فعلا كلمه بتدل علينا ناس بتجمعهم نفس الدين و العادات و التقاليد و القيم
ناس مهما حصل فالشعب بيحب بعض
مش بتكلم على الحكومات و رغبات الحكام فى اطماع هبله
انا بتكلم على التقارب الروحى اللى تلاقيه فى ابهى صوره بين اى اتنين عرب فى اى دوله غربيه

على دور مصر فمهما كان و مهما كانت الاراء فهى فعلا الكبيره اللى فيهم
و لو مصر اتظبطت صح
حيبقى ليها دور ضخم فى انها تظبط الباقى
العلاقات الاقتصاديه و السياسيه بينا
و اكيد من ضمنها اننا نحاول فى خطوات جاده للوحده
فى حاجات كتير ممكن تتعمل
بس تكون مصر فى الاساس كويسه

يلا بس و اكمل الرد فى البتاع الجاى
انا رغيت هنا اوى

يلا فى رعايه الله