لو فاضيين أدخلوووووووووووا

[مشتاقة لرضا الله]

المشاركة الأصلية كتبت بواسطة baskoota

1-إتخانقت قبل كدا خناقة كبيرة؟؟
تقريبا
2-طيب مع مين؟؟
مع ناس فى المنتدى
3-وايه سببها؟؟
اتحشرت فى اللى مليش فيه
4-مزعل حد منك دلوقتي ونفسك تقوله حاجة؟
ايوه
5-ايه هي الحاجة دي؟
ونفسى اقوله انا ااااااااااااسفه جداااااااااااااا

6-طب انت زعلان من حد معين؟
بصراحة زعلانة من ناس كتير
7-قلت قبل كدا كلمة آسف؟
بقولها لما احس انى غلطانة - قولتها كتير-
8-بتعتبر نفسك محبوب؟؟
بصراحة لالالالالا
9-قول كلمة واحد لكل من: مامتك
ربنا يخليكى ليا وما يحرمنيش منك ابدااااااااا
صديقك الانتيم
مليش صديقة انتيم
حد مخنوق منه
مفيش برضه
10-طيب الحاجات دي بتفكرك بإيه؟ :
الشمس
بتفكرنى بزمان لما كنت صغيرة وبروح مدرسة الابتدائى (معرفش ايه العلاقة بس افتكرت كده)
الفول
ههههه مش بطيقه لله فى لله
حاجة كده بتاعة ربنا بس بيفكرنى برمضان لاننا زمان كنا بنتسحر بيه لكن انا خلاااااااااص احتجيت وبطلت اتسحر بيه العربية الماتريكس
والله ماعرفها
الشتاء
مش بحبه ابدااااااا
المدرسة
احلى ايام ياريتها ترجع

هي حاجات ملهاش علاقة ببعضها بس اللي افتكرته بقى
ولا يهمك احنا هنستحمل برضه هههههههههههههههه
11-ايه مقاييس الشاب المحترم بالنسبة ليكي؟
يااااااااااه كتير اوى بس مثلا انه يكون مش بيشرب سجاير وبيحترم والده ووالدته ويكون مؤدب طبعا يعنى بيحترم نفسه وبيحترم غيره وطبعا يكون بيصلى وبيخاف من ربنا
12-ايه هي اكتر مكالمة تليفون عمرك ما هتنساها؟
مفيش انا اساسا مش فاكرة كلت ايه امبارح هههههههههههه
13-إيه اخبار معلوماتك الدينية؟؟
بصراحة ضعيفة جدا بس بحاول اقرا وكده عشان اعرف اكتر ان شاء الله
14- طب تعرف مين هو الشهيد الطائر؟؟
مش عارفة
15-تفتكر الطبيب النفسي ليه لازمة في البلد؟
الله اعلم بس طالما المهنة دى لسه موجودة يبقى اكيد ليها لازمة عند بعض الناس
16-زهقت من الاسئلة؟
يعنى
17-بالنسبالك النت بيشكل كام في المية من حياتك؟؟
10%
18-تقدر تعيش كام يوم من غير النت؟؟
عادى كتير ايه المشكلة
19-ايه رأيك في هوجة المسلسلات التركية؟؟
ماهو ده الانفتاح والعولمة اللى بيقولوا عليها
احنا -مصر يعنى- بقينا عاملين زى سلة وكله بيرمى فيها كل حاجة
يعنى ناس مش عارفة تغنى فى بلدها تيجى تغنى علينا هنا
ناس مش عارفة تمثل يمثلوا علينا برضه
والناس اللى هنا اصلا مابتفرقش تلاقى الناس عماله تقلد الحلو والوحش عمال على بطال
20-الحلم اللي حلمته ومش ممكن تنساه؟؟
مفيش -هى الاحلام احسن من مين يعنى ما كله بيتنسى هههههههههه-
21-نفسك في ايه على مدى ال10 سنين القادمين ان شاء الله؟؟
اتخرج واشتغل واختى تاخد الدكتوراه بعد الماجيستير اللى لسه ما اخدتهوش اساسا هههههههه مانتى بتقولى 10 سنين بقى
22-لو مصر دخلت حرب ايه هيكون موقفك؟؟
مش نعرف الحرب ضد مين الاول ؟
هتدافع عنها ولا هتقول يا رب نفسي؟
ان كان ضد اللى مفروض يبقى ضدها يبقى هعمل اللى يقدرنى عليه ربنا انما لو كانت حرب ضد حد تانى فربنا يعلم بقى هيبقى الموقف ايه
23-طولت عليك صح؟
لا مش اوى
24-إيه رأيك في الشات؟؟
انا رايى انه كويس فى حاجات ووحش جدااااا فى حاجات تانية
25-ايه اسوأ موقف وأحسن موقف حصلوا قبل كدا ليك في المنتدى؟؟
مفيش
26-تعتقد انك في يوم من الايام هيكون اسمك ليه رنين وشنة ورنة كدا؟؟
جايز مين عارف
27-لو بقيت صحفي تحب تحرر اي قسم في الجريدة؟؟
محبش ابقى صحفية اساسا
28-بتقراأ جرايد اصلاً؟
على خفيف
29 -ايه اكتر قناة بتحب تتابعها؟؟
التلفزيون كله قناتين اساسا الاولى والتانية هههههههههه
30 -تعبت مش كدا؟؟
اه
طيب كفايه كدا ونكمل بعدين ان شاء الله
يلا مستنية اجاباتكم الجاااااااامدة

حلوة الاسئلة دى تسلم ايدك