الى كل من حصل عل أكثر من 98% ؟؟؟

[angel_girl]

انا جايبة 402.5 بس بصراحة مستبعدة طب دي اوي اقعد يطلع عيني:abdoog8: كل ده اخلص كلية وعندي 27 سنة ولا حاجة وده طبعا طوالي من غير ماافكر اسقط ولا سنة طبعاااااااااا علي الرغم من انها صعبة موووووووووت وف الاخر وبعد 9 سنين دراسة ابقي طبيب ممارس( عام يعني ) وانا والدي ووالدتي شغالين تبع وزارة الصحة وتلاقي المريض داخل يقولك لالا لا لا انا مش عايز ممارس انا مش هادخل غير لاخصائي وبس ويحسسوك بعد 8 ولا 9 سنين دراسة انك خريج اداب ده غير ان ماما معاها دكاترة بيقبضوا 150 جنيه (يا حلاوة ) وبالنسبة للبنات انا اعرف ف عيلتنا 3 دكاترة بين 26 و27 ومش مخطوبين حتي مع انهم طبعا اخلاق وحلوين ده غير كمان اراء ناس كتير جدااااااااا زي اخواتي مثلا ف هندسة يقولك لا بلاش دكتورة دول بيبقوا معقدين (مجرد اراء ) وبالنسبة للبنات فيه نبطشيات بالليل وكده يعني وبصراحة كل اللي دخلوها عندنا قالولي ابعدي عن طب دي خالص مع ان ماما عنيها تطلع وادخل طب

اما طب اسنان كويسة كنت بفكر فيها ولكن بصراحة انا مش متخيلة اني اشتغل دكتورة اسنان وكده واخلع واحشي والكلام ده كله
ده غير ان اسنان نظامها زي الثانوية العامة كده تقعدي تدرسي طول السنة وهو امتحان واحد بس اخر السنة ودي حاجة انا مش بحبها وبيخليها صعبة شوية :abdoog8:

وقررت ف الاخر صيدلة دراستها ان شاء الله تكون لذيذة ونقعد نحط حاجات علي حاجات وتجارب وكلها دراسة عملي انا بالنسبة لمستقبلها فليها 3 حاجات

1- انك تمسكي صيدلية ف مستشفي حكومي
2- انك تفتحي صيدلية ودي بتكسب علي فكرة او ع الاقل خالص ممكن تبيعي اسمك وبرده هتكسبي
3- انك تشتغلي ف شركة ادوية ودي انا شايفاها حلوة اوي انتي اللي تعملي ادوية مش تبقي بياعة ولا حاجة

ده غير ان دراستها اسهل من طب واسنان و5 سنين وبس