طبق سمك الفيليه مع البطاطس فى الفرن

[الأستاذة هدى]

ألف شكر ليكى يا موجة يا أحلى موجة

طبعا ميرسى على العزومة الشيك
من غير فرخة أو ديك

طبعا السمك أجمل أأمن وأطعم كمان
عاشت إيديكى

عندى طريقة بالبلدى كده أبسط من غير لف السمك بالنايلون أو وضعه بالفريزر وبدون استخدام الزبدة حيث أن الزيت أخف من السمن او الزبد

واليكم الطريقة بسرعة
يقلى السمك نصف قلية ((( حلوة نصف قلية دى ؟؟؟)))

المهم هذه النصف قلية طبعا بعد أن يتم تجهيز السمك وحشوة وتتبيله والذى منه ((حلوة الذى منه دى ما حدش يقول لاء!!!!!))) بأطبخ بطريقة الفلاش باك
يوضع مقدار معلقتين من الزيت ويا حبذا لو زيت زيتون لأنه أصح أنواع الزيوت على الإطلاق ، بعد ذلك يضاف قليل من البصل المبشور حتى يصفر ثم يضاف إليه مقدار من عصير الطماطم ((بدون سكر اوعى حد يحط عليها سكر !!!!))) ويخفق مع الطماطم 4 فصوص ثوم وتضاف حلقات البطاطس والملح وذرة كمون وذرة بهارات سمك وذرة فلفل اسود وتترك الصينية حتى تقارب السواء ثم يضاف السمك النصف مقلى ويترك على النار ثم توضع بالفرن لتحمير الوجه بالشواية العلوية للفرن
وألف هنا

ويادوب أروح أكل لأن أكل موجه حلو اوووووى ومغرى مش فاضية اتكلم