تعالوا نشوف موضوع اللحية باسلوب علمى بسيط

[BaNZeR]

قد تم الرد علي هذه النقطة فيما سبق وأضيف لماذا تذكر هؤولاء وتترك كل مشايخ قناة الناس والرحمة وأقرأ والحكمة و....... و ....... و ............ ألخ

زي ما في دول في برده عمرو خالد وغيره وغيره
بس مش مشكلة التلفزيون دلوقتي
يمكن دول ناس كبار وممكن تصرفو

لكن انا بتكلم ع العاديين ابسطهم ائمة المساجد
هل دول مش فاهمين الدين ؟
وازاي يخلو واحد مش فاهم الدين يروح يخطب للناس ؟؟


كمان لاحظت في الصورة الرمزية لحضرتك عدم اطلاق اللحية
فهل حضرتك مطلقها حالياً ؟
(معلش سؤال تطفلي في النص)


وبالنسبة لمطلقي اللحية في الجامعة
اقدر اقولك مفيش غير السلفيين
ولو لقيت اتنين تلاتة كده
(ده في المنطقة المحيطة بيا من طلبة ودكاترة)

عشان اكون صريح مع حضرتك

انا مقرتش باقي الرد بتاع حضرتك
لأنه كل اثبابات في مجملها هو نفس المطلوب في موضوع الاساسي
والرد كان طويل
بس بيثبت برده في الآخر نفس الفكرة

عشان اكون صريح معاك برده
الكلام النظري مش حيأثر في حاجة
عن نفسي لو لقيت الفرصة لاطلاقها حطلقها

بس مفيش حل عملي للموضوع

ومعرفش
بس بيتهيألي الواحد شكله بيكون أحلى بدون لحية
وبعدين زي ما انت عارف الاعلام شوه صورة الراجل الملتزم الملتحي

عشان كده اللحية دلوقتي ممكن بدل ما تكون في طريق نشرك للدعوة تكون ضد نشرك للدعوة

والملتحين حالياً للأسف معظمهم او نصهم مثلاً مش كويس
يعني التزام ديني مظهري لا أكثر


ده موضوع اللحية من أكثر من جانب
لو قدرت تحل كل المشاكل ده عملياً
يمكن الشباب كلهم يلتحو

وياريت متزودش من الادلة كتير حتى لا يصاب الموضوع بالملل

[Khaled Soliman]

السلام عليكم أخي الكريم
الرجاء قبل كل شيئ قراءة ردي السابق كاملاً وردي التالي كاملاً فقبل أن أقوم بالرد ترددت وقلت لماذا أرد علي شخص لا يكلف نفسه عناء قراءة ردي عليه وهو الذي شارك بمحض إرادته في الموضوع وأضعت من جهدي ووقتي كي أرد عليه ولا يكمل الرد ولكني أقنعت نفسي انكم ستكملون الرد السابق والتالي بإذن الله فوالله أني أري فيك خيراً عظيم بإذن الله تعالي

المشاركة الأصلية كتبت بواسطة banzer

قد تم الرد علي هذه النقطة فيما سبق وأضيف لماذا تذكر هؤولاء وتترك كل مشايخ قناة الناس والرحمة وأقرأ والحكمة و....... و ....... و ............ ألخ

زي ما في دول في برده عمرو خالد وغيره وغيره
بس مش مشكلة التلفزيون دلوقتي
يمكن دول ناس كبار وممكن تصرفو

لكن انا بتكلم ع العاديين ابسطهم ائمة المساجد
هل دول مش فاهمين الدين ؟
وازاي يخلو واحد مش فاهم الدين يروح يخطب للناس ؟؟

هناك إتجاه عام نحو العلمانيه ولن يقوي هذا الإتجاه إلا بهدم الدين و لن تجد الدولة من يؤيدها من الغرب وامريكا تحديداً إلا إذا قامت بذلك كما أن هناك أوامر بتغير المناهج الدينيه وحذف كذا وكذا وتدريس كذا وكذا فأصبح منهج الدين في التربية والتعليم هزيل لا يرقي إلي أن يتعلم منه مسلم كيفية الغسل أو حتي الوضوء ومنهج الأزهر الأن كتب لا ترقي أن تكون مذكرات كتبها الشيخ طنطاوي و علي ذلك فنحن لا نتلقي الدين من كل مشايخ الأزهر بل من بعضهم فقط (علي الرغم من أني أزهري) او خطباء المساجد فمعظم خطباء المساجد حاصلين علي الثانوية الأزهرية بنسبة 48% و 50 % يعني أفشل طلاب المرحلة الثانوية ثم دخلوا أصول الدين أو كلية دعوة أو شريعة و قانون و بوسيلة أو أخري أنهوا الدراسة بعد العديد من السنوات ثم تم تعينهم إمام مسجد وليس كلهم بالطبع هكذا ولكن أغلبهم

كمان لاحظت في الصورة الرمزية لحضرتك عدم اطلاق اللحية
فهل حضرتك مطلقها حالياً ؟
(معلش سؤال تطفلي في النص)

هذه الصورة لي قبل أن أطلق اللحية لله ولست سلفي أو إخوان أو غير ذلك أو تابع لأي تصنيف أو تنظيم بل أطلقتها عملاً بقول الله والرسول وهذا لا ينفي كون السلف المعتدل علي حق بإذن الله لكني لست تابع لأي جماعة ولكن ليس عندي صور وأنا ملتحي ليس اكثر وقريباً أقوم بتغيرها


وبالنسبة لمطلقي اللحية في الجامعة
اقدر اقولك مفيش غير السلفيين
ولو لقيت اتنين تلاتة كده
(ده في المنطقة المحيطة بيا من طلبة ودكاترة)

أوكي يعني فيه حصلهم ايه؟ بيدرسوا وبيروحوا وبيجوا ومفيش أي حاجه

عشان اكون صريح مع حضرتك

انا مقرتش باقي الرد بتاع حضرتك
لأنه كل اثبابات في مجملها هو نفس المطلوب في موضوع الاساسي
والرد كان طويل
بس بيثبت برده في الآخر نفس الفكرة

عشان اكون صريح معاك برده
الكلام النظري مش حيأثر في حاجة
عن نفسي لو لقيت الفرصة لاطلاقها حطلقها

أعانك الله علي ذلك ولكني اخشي أن العمر ليس مضمون أطال الله عمرك وبارك فيه وأن الموت يأتي فجأة ولن ينفعنا إلا العمل الصالح وأن نلقي الله بوجه يحبه ويحبه رسوله

بس مفيش حل عملي للموضوع

الحل العملي أن تطلقها وتدعوا زملائك لإطلاقها فيزيد العدد فلا يكون عليكم أي خوف

ومعرفش
بس بيتهيألي الواحد شكله بيكون أحلى بدون لحية
وبعدين زي ما انت عارف الاعلام شوه صورة الراجل الملتزم الملتحي

الأحلي طاعة الله ورسوله وليس من المفترض أن يتشبه الرجال بالنساء إن حلاوة الرجل في كونه رجل خشن يتمتع بصفات الرجوله وبعدين اللحيه ستزيدك جمال أنظر أخي الكريم كان الرسول أجمل الرجال وللمحمد حسان ماشاء الله عليه كما أن اللحية زينة الرجال وعدم وجود شعر زينة المرأة

عشان كده اللحية دلوقتي ممكن بدل ما تكون في طريق نشرك للدعوة تكون ضد نشرك للدعوة

طيب مين حيغيير المفهوم دا عن أمر رسول الله عند الناس لو كل واحد عمل ذي حضرتك وقال لا لن أطلق اللحيه عشان الناس تعالي أنا وأنت وفلان وعلان نغير مفهوم أن الملتحي إرهابي لا يفهم الدين وأن كلهم وحشين ومش فهمين الدين كما يقول الإعلام وجعلنا نصدق ذلك نحن الذين تركنا اللحية للنجار والسباك يطلقها ويمثلها (لا ينفي ذلك كونهم خير منا ولكن منهم من يتحدث بغير علم فتفهم صورة الملتحي بشكل خطأ) ولو وجد النجار و السبك من يطلقها ويتحدث بلسانها ما تحدث هو فأساء لها عن غير قصد


والملتحين حالياً للأسف معظمهم او نصهم مثلاً مش كويس
يعني التزام ديني مظهري لا أكثر

حضرتك تعاملت مع واحد أثنين وطلعوا وحشين لا يعني إن كلهم وحشين طيب بلاش كدا عرفهم أذي تكون ملتحي وحلو عرفهم أذاي يكون إلتزامك داخلي وخارجي عشان نبقي عمليين ذي ما حضرتك بتقول
ده موضوع اللحية من أكثر من جانب
لو قدرت تحل كل المشاكل ده عملياً
يمكن الشباب كلهم يلتحو

أنا لوحدي مش ححل لازم تكون معي أنت وغيرك حتي لو مش حتلتحي دلوقت ربنا يهديك وتلتحي قريباً لكن لازم تكون معي تدعوا للحيه وتبحث عن أدلتها وتقول الرسول قال والصحابة الكرام و..... و ....... تقول أنا مش ملتحي ونفسي أكون ملتحي أدعولي ربنا يثبت أقدامي ويقويني علي طاعته تقول أنا من باب الأمر بالمعروف والنهي عن المنكر أدعوا للحيه ألخ

وياريت متزودش من الادلة كتير حتى لا يصاب الموضوع بالملل

بارك الله فيك نصيحتك نضعها نصب أعيننا لكن هناك من يبحث عن المختصر وهناك من يبحث عن الدليل

[wafa2y]

تم الدمج بإذن الله