*____{{{حوار مع عضو}}}___*جديد

[أسيل رزق]

المشاركة الأصلية كتبت بواسطة rose 2010

على فكره الحوار لسه ماانتهاش

بس مش جريمة للدرجة دى
انا ماقولتش جريمه
انا بقى عوزاكى تكلمينا شويه عن الشباب دول وهى ازاى عاديه براحتك
بالتفصيل المستفز
وازاى شاب فى جامعه يعنى وصل لحد كبير من التعليم يتكلم اللغه دى

وياتقنعينى انه عادى
يا تموتينى وتخلصى
لا أموتك أرخص
بضحك معاكى خخخخخخ
بصى يا ستى .. ماتقدريش تقنعينى إن فى حد من الشباب كل كلامه عربية فصحى
هتقوليلى أه .. طيب يعنى إحنا بنتكلم بالعامية .. هتقوليلى أه .. طيب هى العامية دى مش هتبوظ اللغة العربية ؟؟ .. هتقوليلى إزاى؟؟ هقولك دلوقتى معظم الطلبة فى أى مكان موتهم و سمهم النحو و يمكن العربى كله بس خلينا فى النحو .. إحنا أصلا لا بنحب نتعلمه ولا عايزين نتعلمه و يمكن المناهج أصلاً عايزة الحرق .. طب مافكرتيش إحنا ليه مش بنحب النحو ؟؟ عارفة أنا لما فكرت لقيت الإجابة هى إننا طول الوقت بنتكلم عامية و بوظنا اللغة و كرهناها .. لكن لو شوفتى الناس فى سوريا مثلاً هتلاقيهم فظاع فى النحو و الصرف وا لكلام اللى مش بيأكل عيش ده .. يبقى هى كده كده بايظة .. مش فارقة لغة روشنة ولا لغة شباب تيجى تبوظ الدنيا .. عاملين بالظبط زى القرعة اللى إسترت مشط علشان تسرح شعرها .. و على رأى المثل ضربوا الأعور على عينه قال خربانة خربانة .. و كل جيل زى ما قلت بتختلف ثقافتة فى الكلام و كل مدى بيقل التمسك باللغة الأصلية
بصى بقى علشان تفهمى تأيدى للغة الشباب و عدم تأيدى ليها
أنا بأيد لغة الشباب .. أه فعلاً بأيدها لإننا بقينا بنفهم بعض بيها كلمة زى طنش اللى ذكرتيها .. الكلمة دى كبير و صغير بيقولها أقولك حاجة .. الدكاترة عندنا فى الكلية حافظين لغة الشباب دى كلمة كلمة و بنتعلمها منهم كمان .. بالرغم من إنهم مطالبين بإلقاء المحاضرات بالعربية الفصحى لكن هما عايزين يوصلولنا بسهولة و ده طبعاً مش هيحصل إلا لو إتكلموا باللغة بتاعتنا و أنا مش شايفة فى الكلام ده أى عيب خالص إننا نقوله بس المهم نعرف نقوله إمتى ومع مين .. مش أروح أكلم رئيسى فى الشغل ولا دكتورى فى الكلية ولا مدرسى - ولا بلاش مدرسى دى -باللغة دى .. لو عملت كده تبقى قلة أدب لكن عادى لما أكلم أصحابى بيها لإننا زى بعض
بالنسبة للجزء التانى إنى مش مؤيدة اللغة فى حاجات معينة يعنى مش أقول كلمات مش محترمة لحد أو أتكلم باللغة دى مع حد أكبر منى زى ما قلت و لا إنى أقلب العربى إنجليزى و أتكلم فرنكو .. لغة عقيمة جداً و بكرهها موت .. هى دى فعلاً اللى تبوظ اللغة بكل ما فيها من كلمات وت عبيرات .. تعرفى إن فى شباب مش بيعرفوا يكتبوا إلا فرنكو مع إنهم عرب و مصريين .. بس تقولى إيه للروشنة
لما نشوف أخرتها معاكى عمالة تودينى يمين و شمال

ماتزعليش ياستى بافسحك اهو ببلاش
وبالمره متزهقيش من الكلام

طيب قبل ما ابداء الاسئله
مش ممكن يكون اللغه اللى بيدرسوهلنا فى المدرسه هى السبب
الواحد بيحس انهم مصرين يكرهونا فى اللغه
يكرهونا ايه ده يخلونا ننتحر من اللغه

سبحان الله قلت الكلام اللى فوق من غير ما أشوف كلامك ده

ما علييييييييييييييييييييينا
المهم بقى
يا بنتى اللغة دى مش جريمة يمكن تكون غلط و مبوظة اللغة تماماً بس مش جريمة للدرجة دى

اللغه دى مش موجه وعدت,‏ وانما علي العكس بدات تكتسح‏,‏ افقيا وراسيا‏,‏ شرائح مختلفه من المجتمع المصري وفئات عديده واعمارا متباينه‏,‏ مما يوكد ان لغه الروشنه ليست مفردات فارغه بدون معني وانما هي تعكس ثقافه معينه ونمطا في التفكير اصبح سائدا بين شباب المجتمع‏.‏ وبدون دراسه ما وراء هذه اللغه وهو الفكر سيظل حديثنا محصورا بين والادانه والسخريه من هؤلاء الشباب

ايه رايك فى الكلام ده

ما أنا قلتلك كل مدى اللغة بتبوظ عن لغة الجيل اللى قبلها
و بعد كده الطلبة ممكن يقترحوا تدريس لغتهم بدل مناهج العربى العجيبة بتاعتهم

و

سؤال
هل هؤلاء الشباب سياتى اليوم عليهم ليفقدوا اسلوب الحوار بينهم وبين المجتمع؟؟
هما لسه هيفقدوها !! .. بس الحقيقة مش كلهم .. اللى مأفورين - جاية من over - الحكاية هما اللى هيفقدوا اسلوب الحوار بينهم وبين المجتمع
وهل هما عاوزين ده من وراء هذه اللغه؟؟؟
أكيد لأ .. مفيش حد بيسعى لهدم علاقته بالمجتمع أبداً
بعد سنه او اتنين او تلاته او اكتر الله اعلم
ممكن تكون اللغه دى هى اللغه العاميه المصريه؟؟؟
او تكون
لغه الالفيه الثالثه؟؟
مش بعيد بس زى ما قلتى .. الله أعلى و أعلم
يعنى بعد ماكان بيتكلم بيها الصنايعيه والهنجرانيه
والتافهين
و.....و.......
استنى استنى .. صنايعية و هنجرانية مين؟!! .. هى دى لغة الروشنة فى نظرك؟!!
هيتكلم بيها الجيل الجديد بدل العاميه؟؟

على فكرة انتى مدخلة حاجات غريبة فى بعض

يا ريت بس تقوليلى حاجة .. هى طنش و لول و تيت و سيس و غيرهم .. دى لغة صنايعية ؟؟

فى فرق بين الكلام السورى يعنى البيئة اللى هو بتاع الصنايعية اللى بتقولى عليهم و بين الكلام اللى المفروض أنا بتكلم عنه اللى هو لغة الروشنة

انتى كده هتخلينا فى كلامنا نقسم اللغة نصين

نص للكلام اللى خارج من ناس مش محترمة و إنتشر بين فئة معينة من الشباب اللى هما برده مش محترمين أو جاهلين و متخلفين
و نص للكلام اللى خارج من كذا لغة و أكترهم الإنجليزى و الشباب عربوه بطريقتهم زى لول و برب و غيرهم بالإضافة للغة الفرانكو