كل طلبه هندسه المنيا

[derstar]

السلام عليكم .. وكل سنة وانتم بخير

يا جماعة انا من الاسماعيلية وجاتلى هندسة المنيا واتصلت بمكتب التنسيق يوم الاربعاء قبل الماضى اللى هو كانيوم 5 فى الشهر قالولى روح قدم ولو تم تحويلك الملف هيتبعت من المنيا للاسماعيلية عن طريق البريد وان كان الاضمن انك تسحبه بنفسك وتوديه .
وقلت استنى التحويلات واروح اقدم بس ربنا هدانى انى اتصل بالكلية رد عليا واحد تقريباً من الامن وشكله مش فاهم حاجة وقالى تعالى بسرعة التقديم ممكن يقفل بكرة . وسافرت يومها بالليل ووصلت المنيا السعة 3 الفجر وروحت قدمت الورق فى شئون الطلبة الصبح وبسألهم على امتى هينتهى التقديم قالولى لسه شوية ده لسه فاتح امبارح .
وقالولى الكشف الطبى يوم 15 و ان المدينة بتاخد من مواليد شهر 7/1992 واللى اصغر من كده . اما اللى اكبر من كده يتصل بالمدينة يوم 20 واخدت رقم المدينة ده 0862366203 لانى من مواليد شهر 12/1991
وقالى هنشوف لو فى مكان فضلى هنقبلك لو مفيش هتاخد سكن .

ده كل اللى حصل معايا .. ياريت كل واحد فى المنتدى يبعتلى ايميله فى رسالة خاصة ( نظراً لمنع اضافى ايميلات فى المنتدى ) بحيث نساعد بعض ولو مقبلناش فى المدينة ممكن نتقابل فى يوم وندور على سكن مع بعض .


بالتوفيق للجميع