وزارة مـــــ تــمــت ـــــا

[أسيل رزق]

ميرسى على الوسام .. بس معلش أنا هاخدو ليا .. بلا ياسمين بلا بانزير
صح اللى يلحق ياخده

نيجى بقى لنتايج الاختبارين النفسيين اللى حضرتك قمت بيهم

الاختبار الاول إختبار التوازن النفسى و حضرتك حققتك رقم كويس و بالفعل عندك إتزان نفسى كافى
طب ادينى رقم طيب
كان 75 تقريباً
الإختبار التانى و هو عن الشخصية بشكل عام عن طريق خيالك
اشجينى اشجينى
أنت شخص مستعد للمشاركة و دقيق في اختيار الأصدقاء و تصادق من يشبهك
تمام لحد كدا
و حياتك ليست مكتملة
ناقص يعنى احم
.. ضعيف في التحكم بحياتك
اكيد الريموت محتاج حجارة قلم
و عاطفي جداً جداً جداً و لديك القليل من الأصدقاء الحقيقيون ..
هههه وماله
علاقاتك السابقة كانت فاشلة و مؤلمة
ياساتر يارب مين اللى قال كدا
.. أنت لا تجامل الآخرين في وجود شريك حياتك! و لا تتردد في مجاملة الآخرين في غياب شريك حياتك !
احم الله اعلم
.. شعورك بذاتك ضئيل..
لا انا حاسس بنفسى كوي دا راجل كداب اللى قاللك كدا
شخص عنيد لديك رابطة اعتيادية بأصدقائك و بنفسك ايضاً ..
كل شىء جايز
شريك حياتك طيب و نقي في نظرك .. شريكك بيتوتي و متواضع ( مين بيتوتى ده !! )
والله ما اعرفه يمكن تكون من البيت يعنى مبيخرجش برة اكيد مشلول واللا حاجة
ولا يمكن سخسية جديدة فى ديزنى مثلاً
.. الحصان هو شريك حياتك واختيارك لهُ يعني أنت ستركض لشريك حياتك لتجد عنده الراحة و الحلول لكل المعضلات
يعنى هو يرتاح ويمرمطنى معاه وربنا لما اشوفه ...
ربنا يصبره

إختبار عجيب جداً .. عدا على خير .. ألف مبروك معاليك عقبال أولادك إن شاء الله
ربنا يخليهوملك يارب

سؤال بقى خاص بالبرنامج و الكاست كله ..
إيه رأى معاليك فى برنامج وزارة ما تمت ؟؟
لا البرنامج خفيف كدا زى صحبته
أنا أنا

لا بجد برنامج كويس اهو عيشنا جو الوزرا ومصر والايام الكحلى دا
متميز وحلو اظن كفاية بكش
دايماً تحط على المشبك ملح
و رأيك فى المذيعة الفظيعة دى ؟؟
اهى تنفع بتوع موجة كوميدى مستنيانها على باب القسم دا
موجة كوميدى .. ربنا يسامحك
كويسة والله بس بتزودى الاسألة شوية ودا فى حد زاته خطر عليكى
الحصانة هتتشال خلاص
لا ان شاء الله ليكى مستقبل باهر
مُتشنكرة

و من وجهة نظر معاليك شايف إيه اللى ينقص البرنامج ليحقق نجاح أكبر ؟؟
أو إيه إيجابياته و سلبياته ؟؟
مش عارف بجد بس هو الى حد ما كويس
بس بيتهيألى يبقا فيه كمان مزيعة علشان الناس زهقت منك
ماتستعجلش
لا برنامج كويس وهو كدا تمام

و عايزين نعرف كمان من معاليك .. لو فاعل خير وصلك رسالة إنك هتقدم إستقالتك بكره من المنصب هيكون إيه آخر قرار هتصدره من على كرسى رئاسة وزراء المنتدى ؟؟
اولا هرفد عم عبدو من الوزارة علشان ميقولليش فين الحساب
لا ما انا عندى عم مخيمر لسه جديد
هرفد كل من دخل الوزارة وقصر فى حقها بعد ما دخلها
هدعى ان ربنا يسامحنى على تقصيرى
واخر حاجة هعملها هأمر بعتقالك لانك زودتيها معايا لانك لطعتينى ونتى بتصيفى ومجبتليش مشبك
الناس بقت حشة أوى .. تعتقلنى علشان المشبك دا لو كل وزير فات فكر زيك كده كان زمانى معدومة 11 مرة
بما إنك عايز مشبك فا هفكرك إنى دمياطية يعنى هقولك
منيييين؟؟ دا الحال واقف و العيال كان نفسهم فى المشبك و الكيلو بقى ب 7 جنيه و مقدرتش اجبلهم ..
هبقى أديك الاسطوانة تسمعها براحتك

على فكرة المنتج مبسوط من معاليك أوى
ونا كمان مبسوط منه وهولع فيه قريب بقا ميجيبليش مشبك
راجل طفس بقى أكله كله لواحده .. عالم ماعندهاش دم
عموما كانت حلقة كويسة ولذيذة كدا بس متقمصتش انا الشخصية كويس
أكتر من كده إيه ؟؟!!
بس اهو ادينا رغينا شوية
يارب بس مكونش تقيل على حد ولا عليكى ولا تكونى بس زهقتى منى
كتر خيرك إنك إستحملتنا الفترة دى كلها و الأسئلة الكتيرة اللى سألتهالك
شكرا يا مها على اللقاء
الشكر لله
سلام عليكم
وعليكم السلام ورحمة الله وبركاته

بما إن معاليك عانيت من كتر أسئلتى و رخامتى المتواضعة و خصوصاً إن المنتج ماجبلكش المشبك فا مش هخليك تدفع الحساب ولا هشغل عم مخيمر و جمعة الحلقة دى و رمضان كريم بقى و كل سنة و انت طيب
و بجد شرفتنا يا حاج محمود فى الحلقة و كانت حلقة لذيذة و ظريفة و كنت سعيدة جداً بلقائى معاك و معلش بقى قومناك من على كرسى الوزارة بس هى كده الدنيا يوم ليك و يوم عليك
و دلوقتى هسيب الجمهور يقول رد فعله و نسمع آرائهم فى حكومة محمود طه

و لنا لقاء جديد مع ضيف جديد و غير متوقع و إن شاء الله هتكون حلقة مختلفة تماماً عن الحلقات السابقة أتمنى إنكم تشرفونا فى الحلقة القادمة بإذن الله و يا رب تكونوا إستمتعتوا بلقاء الحاج محمود

و نختمها بمقولة الحاج محمود

دمتم زى مانتم
و فوتكوا بالعافية