|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
22-08-2009, 12:38 PM
|
||||
|
||||
بسم الله الرحمن الرحيم
تكملة مرحلة الثانوى معانا باذن الله ======================= _ كان عندنا مدرس فرنساوى اخوان مسلمين ..ولما جه وقت انتخابات مجلس الشعب ..اتمسك  ...المهم جه وقت حصة الفرنساوى ومش كان فى مدرس ...وبصفتى الرائد كالعادة نزلت اشوف ايه الوضع ...الناظر قالى الاستاذ عثمان ها يجيلكم ....انا طلعت الفصل قولت كده العيال ماتت م الضحك ...اول ما دخل قام واد قاله ...الللللللله عثمان البواب  .....وموتنا م الضحك ..الغريب انه ما علقش ...شوية وقالك اللى مش معاه الكتاب يخرج بره ...قولتله ليه كده يا استاذ عثمان ما تخليك حلو ...برضو ما ردش ...الواد صاحبى اتضايق قام قاله انت منفضلنا كده ليه يا عثمان ...ومع ذلك ما ردش ....طلع السبب ف الاخر انه اساسآ اسمه يوسف ..واحنا فاكرينه عثمان ..._المدرسين بتوعنا كننا مسمينهم شوية القاب كده ها اعرضها عليكم الانجلش كان مدرس سفروت كده سميناه ...عادل انيميا الرياضة ...جيمى تبريقة ...سبق ذكره الدين ...مدرس كان بيعمل حركة غريبة بايده وهو قاعد كده...سميناه ابراهيم حقنة الجغرافيا ...سيد خريطة العربى ....تحسين المتين ...كان ضخم شوية الفيزياء ...شاكر كروكوديل ...كان شبه التمساح _اخر مواقف اولى ثانوى رغم انهم كانوا كتير والله الا ان الذاكرة بقى ها نعمل ايه .... كننا مرة بننط من على السور ....والحياة عادية خالص ...ننزل على الارض ...نلاقى المدير مستنينا تحت ...بابتسامة هادية ...اقتادنا الى مكتبه ...بابتسامة اهدى ...اساميكم ...بابتسامة اهدى واهدى واهدى ...فصل 3 ايام _ندخل بقى على بعد مرحلة اولى ثانوى ..... ف 2 ثانوى كنت امين اللجنة العلمية ف اتحاد الطلاب ...المهم انا كنت باقعد ف البيت اذاكر ومش باروح المدرسة الاستاذ كان يكلمنى ف التليفون معلش يا محمود عايزينك ربع ساعة ...سورى مش فاضى يا استاذنا ....طيب معلش ..يا عم قولتلك مش فاضى ..بعدها ب10 دقايق امين الاتحاد اسمه ابراهيم بس حبيبى قوى ...معلش يا محمود عايزينك ساعة...انت تأمر يا هيما وانزله على طول . ...الاخصائى الاجتماعى كان بيبقى عايز يولع فيا _ف يوم روحنا مسابقة بنى عبيد ...المهم الاتحاد كان كله ناس غريبة وما ينفعش يمثلوا مدرسة اطلاقآ ....المهم قعدنا مع لجنة التحكيم ...بيسألنا ف مبادىء اتحاد الطلاب والحاجات دى ...واحنا ابييييض ...كان فى بحث المفروض احنا عاملينه ....بيسألنا فيه ...ابيييييض ....شوية وواد معانا قام قاله عايزين استراحة يا استاذ ...قاله استراحة ليه يا حبيبى ...قالع اولع سيجارة ....التانى وشه قلب الوان قاله تعمل ايه يا حبيبى ...المهم غلوشنا ع الموضوع ....جه دورالمعلومات العامة ف المسابقة ...بيقولنا طنطا عاصمة ايه ...نفس الواد بتاع السيجارة قاله البحيرة.....طيب كام رئيس مسك مصر ...الواد نفسه قال 3 ...قولتله انا اخرس ...وبكل ثقة 4 يا استاذ ....التانى قالك لا 5 ...انا قولت الراجل هيس ع السيرة ...قالك بعد موت السادات ..صوفى ابو طالب رئيس مجلس الشعب ..مسك الحكم شوية .....المهم خلصت المسابقة وخرجنا ...الاخصائى عملتوا ايه يا ولاد ...كله تمام يا مستر  تظهر نتيجة المسابقة ...الاخصائى جاى لينا ...هو انتوا قولتوا ايه للراجل يا ولاد ..اشمعنى يا مستر ....اصلكوا المدرسة الوحيدة اللى اخدت صفر ف المسابقة ..._فصلنا كان فيه واحد اسمه محمد عبد الوهاب...مش كننا بنطيقه خالص ....المهم كنت باروح انا عامل ايه ...اى حد تبعنا يزوغ ...اكتبه مكانه ف الغياب ...جاله انذار ب7 ايام وهو غايب يومين بس ....وكانت مشكلة بقى ...وانا اتبعت المبدأ القائل ...ما اعرفش ما شوفتش ما سمعتش ....وبالطبع عدت على خير _فصلنا كان تحت قريب من السور ...ف احدى الحصص مش فاكر لمين بصراحة ...واحد صاحبنا جه وكان ع السور ...وعايز يدخل الفصل من الشباك ...المهم اول ما المدرس لف وشه ..اديته ايدى ...ومسك ف الشباك ...ودخل ...طبعآ الاستاذ شافنا ....وهوبا بقى لازم ع المدير ولازم يفصله ....يا جدع ما ينفعش صاحبنا الراجل ده...والتانى ايه ابدآآآ...فين وفين على ما حليناها _ كان عندنا مدرس العاب اسمه عبد الناصر ...المهم كان اشتغالة جامدة ...قابلتة مرة ....اازيك يا استاذ عبد الناصر والنعمة واحشنى ...انت ما بتجيش ليه ...ابقى تعالى . ...هو سمع الكلمتين دول ونزل مسكنى من القميص ...وقدامى ع المدير ...يا عم الحاج هدى نفسك صحتك ...مافيش خالص ....نزلنا للمدير ...يا محمود انت سلوكك الايام دى بقى مش كويس ...وانا اقوله شوفت ازاى ...وكالعادة بعد المفاوضات انتهت باعتذار لعبد الناصر ...وخلصنا _ها اختملكم بقى بالمرة الوحيدة اللى كنت فيها مظلوم ....المدرسة ليها مبنيين ...على سطح المبنى الفرعى كان شوية من الطلبة بيشربوا حشيش ...اه والله بجد ..المهم كنت انا وواحد صاحبى طالعين السطح بالصدفة ...لقيناهم ...هوبا بقى مدرس من المبنى الرئيسى شافنا ...وجه اخدنا من المبنى التانى ...ويقولنا ها اوديكم ف داهية ...يا عم الحاج انا ما كنتش معاهم ...يقولك ابدآآآ...يا جدع ما تضايقنيش ...المهم فين وفين على ما قدرت افهمه انى مش كنت معاهم ...والعملية عدت على خير ...واحب اقولكم انى طول 3 سنين ثانوى ...ورغم كل اللى كنت باعمله ...الا ان ده الموقف الوحيد اللى حسيت فيه انى خايف  كده يبقى انا خلصت ....اتمنى انكم مش تكونوا اتضايقتوا منى ...وانى اكون ضيف خفيف عليكم ....وكل سنة وانتوا طيبين ..رمضان كريم
__________________
الفرقة الرابعة-كلية الحاسبات والمعلومات-جامعة المنصورة آخر تعديل بواسطة الاسطورة ، 22-08-2009 الساعة 12:43 PM |
|
#2
22-08-2009, 03:58 PM
|
||||
|
||||
|
اقتباس:
ههههههه حلوين الأسامي دول هما دول مدرسين ؟؟ اقتباس:
الأول كان بيقول ربع ساعة ترفض التاني ساعة توافق كنت معترض على المدة يعني مش السبب اللي قلته فوق اقتباس:
كانت حلقات جميلة فعلاً
كل سنة و حضرتك طيب شكراً على موافقة حضرتك بالاستضافة و بكده متابعينا الكرام تكون انتهت حلقة من أجمل حلقات البرنامج  و إن شاء الله الاعلان عن الضيفة الجديدة بعد صلاة التراويح عندنا مش عندكم كل سنة و انتم طيبين رَمَضَان مُبَارَك
__________________
 أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#3
23-08-2009, 02:12 AM
|
|||
|
|||
|
اقتباس:
هو ده التميز ..
.. .. .. .. مرمر سيادتك بتشتغلينا ولا ايه  آخر تعديل بواسطة Rien ، 23-08-2009 الساعة 02:42 AM |
|
#4
23-08-2009, 03:31 AM
|
||||
|
||||
|
اقتباس:
طبعاً ده جزء
و مال فاكراني بشتغلك عدلتي الرد يا كسولة كسوووولة
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:03 PM.
