ببلاش اه بس حتشتريه برده

[ا/احمد عبد المنعم]

[/b]حكاية النت دي حصلت معايا وبقي لها كتير بتحصل والواحد مبيحرمش وبرضة بخش علي النت طب انا ححكيلكوا حكاية لا اعتقد انها حصلت معي حد من حوالي 5سنين ايام اللي كان معاة موبايل ملون يبقي باشا كان معايا موبايل نوكيا 7210 وكان ساعتها النت بتاع الموبيل اسمة لايف وعشان تدخل علي النت من الموبيل لازم كان يبقي معاك رصيد اكتر من 5جنية المهم انا كان معايا رصيد 6جنية وكنت زهقان فقلت ادخل علي النت بالجنية دة انزل لعبة ولا صورة ومقلكومش علي اللي حصل فضلت انزل في اغاني وصور ولعب وانا مستني النت يفصل من الموبيل لكنة مكنش بيفصل وطبعا انا مبسوط وقلت في نفسي تلاقية عرض ولاحاجة بمناسبة العيدالماسي لجمهورية واق الوق مثلا .......وفضلت علي الحال دة يومين والفترة دي كنت ليل نهار نايم علي النت لا بتصل بحد ولا برد علي حد.........وفي لحظة اتزنقت في الباب _اصدي في مكالمة_ولما جيت اتصل لقيت الموبيل بدل ميرن علي اللي انا طالبة بيديني صفارة طبعا استغربت وحسيت ان الموبيل حينفجر وحاولت مرة واتنين وعشرة وعشرين ومية متين لكن الحال كان زي ما هو فقلت اكلم خدمة عملاء فودافون من التليفون الارضي طبعا لاني حبقي مجنون لوكلمتهم من موبيل لانهم حيخلصوا ساعتها الرصيد بتاع الموبيل اللي بتكلم منة ورصيد الجيران كمان...........ولما كلمتهم كانت الصدمة .........قالولي الكمبيوتر حصل فية عطل وبدل مايوقف دخولك علي النت اول الرصيد ميقل عن ال5جنية خلاك تدخل ويتسحب رصيدك بالسالب قلت لهم يعني اية بالسالب انا ضعيف في الرياضة ويالريت تفهموني قالولي اني عليا لشركة فودافون 90جنية بالسالب.......طبعا حسيت اني (....)علي رأي عادل امام ومن الصدمة قفلت من غير اي محاولت ولكني بعد استجماع قواي العقلية اتصلت تاني وتالت ورابع وكان كل مرة نفس الرد.......لحد لما ربنا رزقني بواحدة اسمها يسرا في خدمة العملاءعمري ماهنسا(طبعا مش عشان حلاوة صوتها)قالتلي انها متعاطفة معايا لان حصل معاها نفس المشكلة وقالتلي حقدملك طلب للادارة عشان يخصموا المبلغ......عدي يومين لحد مالقيتها تتصل بي وتقولي ان خلاص المشكلة اتحلت.........طبعا مصدقتش وافتكرت انها لعبة عشان اشحن تروح الشركة تسحب رصيدي وكام ساعتها حكاية تحويل الرصيد اسة منزلتش وكان اقل كارت فودافون كارت ال25 قلت اشترية عشان لو جت في 25جنية اهون ما تيجي في اكتر ولما شحنت لقيت انة لم يسحب شئ من الصيد والحمد للة

وكانت دي اول مغامراتي مع نت فودافون ولو عايزين تاي فأنا عندي مغامرات كتييييييييير جدا مع الشركة ال(........)

ورمضان كريم[b]

[BaNZeR]

المشاركة الأصلية كتبت بواسطة ا/احمد عبد المنعم

[/b]قالولي الكمبيوتر حصل فية عطل وبدل مايوقف دخولك علي النت اول الرصيد ميقل عن ال5جنية خلاك تدخل ويتسحب رصيدك بالسالب قلت لهم يعني اية بالسالب انا ضعيف في الرياضة ويالريت تفهموني قالولي اني عليا لشركة فودافون 90جنية بالسالب.......طبعا حسيت اني (....)علي رأي عادل امام ومن الصدمة قفلت من غير اي محاولت ولكني بعد استجماع قواي العقلية اتصلت تاني وتالت ورابع وكان كل مرة نفس الرد[b]

انا لو منك بصراحة حقولهم مش عايزه حتبرعلهم بالخط كله

حروح اشتري خط جديد لو بـ20 جنيه
ادفع 90 جنيه ليه يعني
بتكلم 30 ساعة في اليوم

كويس إنك لقيت اللى يتعاطف معاك وإلا كنت رحت في خبر كان

[ا/احمد عبد المنعم]

المشاركة الأصلية كتبت بواسطة banzer

انا لو منك بصراحة حقولهم مش عايزه حتبرعلهم بالخط كله

حروح اشتري خط جديد لو بـ20 جنيه
ادفع 90 جنيه ليه يعني
بتكلم 30 ساعة في اليوم

كويس إنك لقيت اللى يتعاطف معاك وإلا كنت رحت في خبر كان

اخي العزيز بقولك الموضوع دة حصل معايا من حوالي 5سنين ووقتها كان الخط بحوالي 100 او150 جنية لانة كان يجي علية دقايق المفروض انها مجانية ولكنك تروح تشتري الخط تلاقية ضايفهم علي فلوس الخط ولما تيجي تدفع فتدفع الاتنين