""""((دليل الطالب المستجد ))""""""

[Dr..Ahmed]

احمد : كلامك ده مش مظبوط قوي يا ابوعلي ليه بقى .... معايا بحث فيه دراستين في الموضوع ده كنت لسه قاريه و عجبني جدا , استنوا اطلعه من الشنطة ..... ااااهه ...

شوفوا بقى .... اقرا لكم ؟

حسن و رامي و هما ينظران لبعضهما : قول ...سمعنا

احمد : الدراسة الاولى : قامت الباحثة فاطمة محمد رجاء مناصرة بدراسة أثر مشكلة الاختلاط على تعليم الفتاة المسلمة في الجامعات الأردنية فخرجت بالنتائج التالية

السؤال الأول : هل يعد الاختلاط في الدراسة بنظرك مشكلة ؟

ـ أجاب 77 % من الطلاب والطالبات بنعم .

السؤال الثاني : إذا كان الاختلاط مشكلة ، أذكر أهم السلبيات التي تعانيها بسببه ؟

فذكرت المشكلات التالية :

أ ـ مشكلات أخلاقية :

1ـ إثارة الفتنة .

2ـ التصنع في التصرفات من قبل الجنسين .

3ـ تعرض الفتيات لمضايقات الشباب .

4ـ ضعف الوازع الديني بسبب تعود الطلبة على الممارسات الخاطئة واستباحة المنكرات لكثرة تكرارها .

5 ـ انتشار ظاهرة السفور ، بسبب تبرج الطالبات ولباسهن المخالف للزي الإسلامي ، فطالبات الجامعة اللاتي يرحن ويرجعن بين البيت والجامعة سافرات متبرجات يلبسن ثياب رقيقة قصيرة ..

6 ـ انتشار الجرائم الأخلاقية مثل الزنا ، فإن كثرة المخالطة مع وجود عوامل الفتنة تؤدي إلى ارتكاب الفاحشة
7ـ فساد الأخلاق عند الطرفين .

ب ـ مشكلات أكاديمية :

1 ـ عدم الحرية في النقاش أثناء المحاضرات ، وهذا يظهر في عدم رغبة الطلاب والطالبات بالمشاركة في الدرس خيفة أن يخطئ أحدهم فيخرج أمام الجنس الآخر ، فتشوه صورته أمام من يود كسب رضاه من الجنس الآخر .

2 ـ تعاطف المدرسين مع الطالبات وذلك على حساب الطلاب.

3 ـ التغيب عن المحاضرات وعدم الالتزام بحضورها بسبب انشغال كل جنس مع الآخر .

4 ـ صعوبة ممارسة النشاطات الجادة والفاعلة وخاصة التي تمارس في ساحات الجامعة .

5 ـ تحويل الجامعة عن الغاية الأساسية التي وجدت من أجلها .

6 ـ فيه قتل للوقت لكثرة التفكير بالجنس الآخر .

6 ـ ضعف التحصيل العلمي .

ج ـ مشكلات اقتصادية

وقد حددها الطلبة بما يلي :

1 ـ محاولة إظهار كل من الجنسين كرمة وسخاءه أمام الجنس الآخر ، وبذلك يتحمل كل منهما مسؤوليات مادية كثيرة قد تضطره لإرهاق نفسه بالديون ، أو اللجوء إلى تصرفات غير مرغوب بها لتحصيل المال .

2 ـ المبالغة في النفقات على اللباس والمظهر الخارجي من قبل الجنسين وخاصة الطالبات .

د ـ مشكلات اجتماعية :

وتتلخص آراء الطلبة فيما يلي :

1 ـ التقليل من قدر المرأة في المجتمع حيث تصبح عارضة أزياء تلفت الأنظار ، فتعتبر نفسها كسلعة قابلة للعرض .

2 ـ له آثار سلبية في الحياة الأسرية للطلاب والطالبات المتزوجين ، فقد يكون سببا في دمار هذه الأسرة وتشتيت شملها بسبب تعرف الشاب على فتاة أخرى غير متزوجة مثلا !

3 ـ عزوف الشباب عن الزواج والاكتفاء بالعلاقات غير المشروعة .

وهذه المشكلات هي جزء من معاناة الشباب ، والضغوطات التي يسببها الاختلاط لهم والمآسي التي تترتب على ذلك .

هـ مشكلات نفسية :

ولقد ذكر الطلبة بعضاً من المشكلات النفسية منها :

1 ـ القلق والاضطراب والخوف من الجنس الآخر نتيجة ما يرى من ممارسات خاطئة .

2 ـ الصراع الداخلي في نفس الشاب .

السؤال الثالث : اذكر أهم المعوقات التي يسببها الاختلاط على تحصيلك العلمي ؟

هناك من اعتبر أن للاختلاط معوقات ، ومنهم من يرى أن ليس للاختلاط معوقات وكانت النسب على النحو التالي :

ـ أجاب 75 %بأن للاختلاط معوقات .

ـ وأجاب 25 % ليس للاختلاط معوقات .

ويبدو أن أهم المعوقات في نظر هذه المجموعة التي تعتبر أن للاختلاط معوقات هي :

1ـ الخوف من السؤال بصراحة خوفاً من التعرض لسخرية الآخرين واستهزائهم .

2 ـ تكرار التغيب عن المحاضرات للانشغال بالجنس الآخر .

3 ـ عدم المشاركة في المحاضرة خوفا من الوقوع في الخطأ.

4 ـ تعرض الأستاذ للحرج وعدم توضيح الكثير من القضايا لوجود الطالبات .

5 ـ إعطاء الأستاذ أكبر قدر من الاهتمام للطالبات على حساب الطلاب .

6 ـ إذا كان المعلم أنثى ، فهذا يؤثر على نفسية الطلاب ولا يقبلون تلقي العلم من امرأة .

وبالتالي فإن كل هذا يؤدي إلى انخفاض مستوى التحصيل العلمي عند الطلبة .

السؤال الرابع : يدعي البعض أن العلاقة التي تنشأ بين الجنسين تحفز على زيادة التحصيل العلمي لكونها باعثاً للتعلم ، فما رأيك في ذلك ؟

ـ فأجاب 90 % : ليس للاختلاط حافز على التعليم.

ـ أجاب 10 % : الاختلاط يشكل حافزاً باعثاً على التعليم

السؤال الخامس : هل وجود الجنسين في قاعة واحدة يعيق حرية الأستاذ في إيضاح عناصر الموضوع ؟

ـ أجاب 86 % يعيق .

ـ أجاب 14 % لا يعيق .

السؤال السادس : ما الآثار التي يسببها الاختلاط على حياتك الاجتماعية ؟ أذكرها ؟

ـ أجاب 86%أن له آثارها سلبية .

فمن تلك الآثار :

1 ـ عدم الثقة الشباب بالفتيات وبالتالي العزوف عن الزواج .

2 ـ تفكك الروابط الاجتماعية وبروز المشكلات الأسرية.

3 ـ عدم قدرة الشباب على الزواج وبالتالي يتعرضوا للانحراف والفساد .

4 ـ كثرة التفكير في الجنس الآخر وإثارة الشهوة في النفس وتحررها من القيود التي يجب أن يلتزم بها .

5 ـ البعض يحبذ عند ذلك الانعزال والوحدة والابتعاد عن الآخرين حتى من بني جنسه لقلة ثقته بهم .

6 ـ قد يؤدي إلى الخجل والخوف من التعامل مع الجنس الآخر.

7 ـ آثار سلبية على علاقاتهم مع أهلهم في البيت ومع الآخرين في المجتمع .



الدراسة الثانية : قام عبد الحليم محمود السيد وآخرون بدراسة المشكلات النفسية والاجتماعية لدى عينة من طلاب جامعة القاهرة حجمها( 3987) طالباً وطالبة ، وكشفت نتائج هذه الدراسة فيما يتعلق بالمشكلات مع الزملاء من الجنس الآخر عن أن أكثر مشكلات الطلبة أهمية مع زميلاتهم تتمثل :

ـ المبالغة في الملبس .

ـ عدم الالتزام بتعاليم الدين .

ـ والتحرر من السلوك .

ـ والاختلاط الزائد عن الحد بين الجنسين .

ـ والخروج عن العادات والتقاليد .

أما بالنسبة إلى المشكلات التي تعاني منها الطالبات في علاقتهن بزملائهن من الطلبة الذكور فتتمثل في :

ـ عدم الالتزام بتعاليم الدين .

ـ والتحرر في السلوك .

ـ والاختلاط الزائد عن الحد بين الجنسين .

ـ وعدم مراعاة مشاعر الزملاء .

ـ وسوء الفهم المتبادل

احمد : ايه رايكم بقى ؟؟؟؟؟

حسن : معنى الكلام ده يا احمد ان كل الاختلاط حرام ؟؟؟؟؟

-----------------------------------------------------------------
إن شاء الله خلينا نعرف رد احمد الحلقة القادمة و الاخيرة

[Dr..Ahmed]

احمد : لا يا حسن , لو اضطررت اضطرار كبير جدا ممكن بس يكون الموضوع مش حينفع الا بالاختلاط و الحاجة ضرورية جدا , فلازم تسال قبلها مش انت اللي تقول انها ضرورة فعلا و لو لزم يبقى

يشترط لجواز الاختلاط على هذا النحو شروط:

* ان تكون المرأة مستترة بالحجاب الشرعي .

* ان لايكون هناك خلوة بين الرجل والمرأة.

* الابتعاد عن الرجال مهما أمكن الا اذا دعت الحاجة الى ذلك

* ان يكون حضور المرأة لحاجة يشق عليها تركها وتكون الحاجة طارئة ينتهي بزوالها.

و اذا اضطررت لمحادثة امراة غير محرم لها الضوابط الشرعية لذلك :

ألا يستطيع توصيل الكلام إليها عبر محرمها أو عبر امرأة من محارمه

أن يكون بدون خلوة

ألا يكون خارجًا عن الموضوع المباح

أن تؤمن الفتنة فلو تحركت شهوته بالكلام أو صار يتلذذ به حرم عليه

ألا يكون من المرأة خضوع بالقول (ترقيق صوت)

أن تكون المرأة بكامل الحجاب و الحشمة أو يخاطبها من وراء الباب و الأحسن أن يكون بالهاتف و أحسن منه أن يكون برسالة مكتوبة أو بالبريد ال‘لكتروني مثلًا

ألا يزيد على قدر الحاجة .... يعني الحاجة اللي تتقال في كلمة ماتقولهاش في كلمتين

حسن : طيب يا احمد انا كتير مش بلاقي مكان اقعد فيه الا جنب بنت .... اعمل ايه

احمد : بص يا حسن , انت لو تعبان و الدكتور قال لك لو قعدت في مكان فيه سجاير ممكن يضرك , حتعمل ايه ؟

حسن : اكيد مش حقعد

احمد : طيب قعودك في المحاضرة جنب واحدة ده مضر جدا ليه لان ربنا امرنا بغض البصر و غض البصر في الحال ده حيكون صعب جدا و بعدين في صحيح مسلم عن أبي سعيد الخدري رضي الله عنه عن النبي صلى الله عليه وسلم قال: "إنَّ الدنيا حلوة خضرة وإنَّ الله مستخلفكم فيها فناظر كيف تعملون، فاتقوا الله واتقوا النساء فإنَّ أول فتنة بني إسرائيل في النساء".

يعني ده اعظم فتنة فالمفروض ماتعرضش نفسك لها عشان ما تهلكش و تقع في الحرام و من وقع في الشبهات وقع في الحرام

رامي : بجد يا احمد ..... جزاك الله كل خير , انت فهمتني كل حاجة و انا من النهاردة مش حعمل الموضوع ده ابدا و حمسح كل ارقام النليفونات
بتاعت البنات و حشيلهم كمان من الفايس بوك

حسن : الفطير يا جدعان , زمانه برد

احمد و رامي مبتسمين : هههه , تسلم ايدك يا ابو على , و تسلم العزومة
--------------------------------------------------------------------------
و بعد فقد انهينا الموضوع ... و لمن له /لها اي سؤال يتفضل

جزاكم الله خيرا

[Dr..Ahmed]

هام جدا :-

حضور المحاضرات مهم ام مضيعة للوقت ؟؟

بسم الله الرحمن الرحيم

بالنسبة لحضور المحاضرات ياترى نحضر ولا نكبر ؟؟؟ حيتقال علينا دحيحة بقى وكده ؟؟؟؟ فارقة يعنى ولا مش فارقة ؟؟؟

نشوف يا شباب مع بعض اجابات الاسئلة دى وان شاء الله لو فيه اى اسئلة تانية تخص هذا الموضوع نرجو منكم طرحها بلا تردد

# أولا نحضر ولا نكبر؟؟؟؟

مش حقولك طبعاااااااا احضر
لكن حقول بامانة على حسب المحاضر او الدكتور لو بتفهم منه او بتحصل ولو كلمة واحدة فعلا احضر واتأكد ان الكلمة دى حتنفعك ف يوم ما اما لو الدكتور كان بيقرأ من ورق مثلا او من على الباوربوينت مجرد قراءة مبتستفيدش منها اى حاجة على الاطلاق بل بالعكس ممكن لو فريت المحاضرة لوحدك تحس انها اسهل من كده يبقى احسن انك متحضرش ولا توجع دماغك
فالامر يحتاج لموازنة عاقلة وحاول قدر الامكان ماتاخدش فى الحتة دى بخبرة اللى اكبر منك

مااخدش؟؟؟؟؟؟!!!!!! طب لييييييه؟

عشان ممكن دكتور حد ميفهمش منه وانت تفهم منه او العكس فخلى حكمك منك وبسسسس ودى بالفعل حصلت قدامى كذا مرة ان تكون الاراء مختلفة تماما


# ثانيا شكلنا بقى حنبقى عيال دحيحة وبتاع؟؟

مبدأيا الناس اللى عاملة نفسها ايزى (او كما يعتقدون فى انفسهم) وبيتفاخروا ان هم مش بيحضروا على انهم كده بقى الناس اللى مش معقدة دول من جواهم بيكونوا نفسهم يحضروا لكن معندهمش صبر مثلا او لاى سبب مبيحضروش واللى يدعو حد انه ميحضرش معاه محاضرة مفيدة بجد يبقى تعرف انه بجد غيران منه مش اكتر وربنا يبعدنا عن امثال هؤلاء : ) فمن الاخر سيبك من شكلك قدام اى حد لان محدش حينفعك اطلاقا واللى بتعمله فقط هو اللى حينفعك ان شاء الله لو كان صح

# فارقة يعنى ولا مش فارقة؟؟

هى طبعا حتفرق معاك ف الفهم ومواكبة المنهج جدا واقل فائدة ممكن تاخدها من حضور المحاضرات هى انك تبقى كأنك قريت المنهج مرة فلو مادة حتى مفتحتهاش لاخر السنة حتكون عارف الدنيا فيها ماشية ازاى تمام؟؟

لكن لما تفتح حاجة وانت لسة اول مرة ف الاخر فعلا شئ مفججججججججججع جدااا ومتحاولش نصيحة لوجه الله تعمله لانى لما عملته مرة فى حياتى ....... الله المستعان وربنا ستار بقى على اللى حصل .........المهم ان حضور المحاضرات بيكون من الحاجات اللى بتنجز معاك فى الاخر ايام الزنقة الجامدة والامتحانات حتى لو كانت متعبة شوية طول السنة لكن حتحس بمتعة التعب ده اخر السنة وانت الحمد لله مذاكر او ع الاقل عارف المادة فيها ايه ومش قلقان اوى وساعتها اقولك بقلب قوى ان الامتحانات مش حتبقى زنقة فظيعة عليك بجد والله عن تجربة لان فيه مواد حضرت فيها وفيه مواد محضرتش وشفت الفرق بين الاتنين وشفت الفرق بينى وبين صحابى اللى حضروا اللى انا محضرتوش وازاى هم استريحوا واطمنوا ف الاخر اكتر منى

ربنا يوفقكم يا شباب ونصيحة اخيرة ف الحتة دى

حاولوا تنشطوا عقولكم وقت المحاضرات بانكم تسترخوا خمس دقايق والدكتور مثلا بيعمل حاجة او تطلعوا بره المدرج بين المحاضرات وبعضها يعنى بلاش التثبيت فى مكان واحد طووووول اليوم بحيث تملوا حتى من المحاضرات المفيدة

هاتوا معاكم عصير يوصل الدموية كويس عشان التركيز

يعنى ابتكروا طرق تنشطوا بيها عقولكم وتكسروا بيها الملل بين المحاضرات عشان تكملوا بأعلى تركيز ممكن

وفقكم الله تعالى


إعداد د. أمنية عبد الرحمن

[Dr..Ahmed]

كيف نذاكر طرق عملية وواقعية

كيف أذاكر ( د. محمد فهمي )

ملاحظة هامة
طرق المذاكرة المذكورة هنا هى طرق عامة تصلح لأى مادة ولأى فرقة و لأى كلية وأنصح القارئ بقراءة الصفحة كلها لاستيعاب الطرق المختلفة

أفضل طرق للمذاكرة :

للمذاكرة طريقتان :
1-طريقة رئيسية ( طريقة الألوان والمسح الشامل ) .
2-طريقتان ابتكاريتان تكميليتان ( الكومودينو + جسر الحمار )

وهذه الطرق ليست بديلة لبعضها البعض ولكنها مكملة لبعضها البعض بهدف السيطرة الكاملة على المعلومات بمجهود أقل ووقت أيسر .

1-المسح الشامل : عن طريق قراءة المحاضرة بالكامل كقراءة الجرنال بدون تركيز أو محاولة للحفظ – يعنى مثلا المحاضرة المكونة من 30 صفحة تقرأ فى 10 دقائق . والغرض من هذا الجزء من الطريقة احداث ألفة بين القارىء والأوراق وهذا فى غاية الأهمية من الناحية النفسية .


2-مرحلة التلوين : عن طريق تلوين العناوين الرئيسية والفرعية وتحت الفرعية والكلمات الهامة فى بعض الفقرات . وهذه المرحلة تعرف الطالب بالإطار العام للمحاضرة وتعطية شىء من السيطرة على المحاضرة وفى نفس الوقت تضاعف الألفة بينه وبين الأوراق . وهذه المرحلة تستغرق حوالى 10 دقائق أيضا .


3-مرحلة الإستيعاب السريع : فى هذه المرحلة يقرأ الطالب المحاضرة ببطء نسبيا ولكن ليس معنى هذا أن يقرأ الصفحة فى ساعة أو حتى نصف ساعة ولكن تقريبا 4- 7 دقائق تقريبا للصفحة ( بعيدا عن السرحان أو تخيل ماوراء السطور ولو وصل الأمر الى تأجيل فهم بعض النقاط حيث أنه بالتقدم فى المنهج يفك غموض الأجزاء القديمة المجملة ) .


4-المسح الشامل : مثل الخطوة رقم 1 تماما .



5- بعد ذلك تترك المحاضرة تماما . وبعد 4- 5 أيام تعمل مسح سريع مرة أخرى فى 10 دقائق وتكرره كل

عدة أيام

ملاحظات :

مدمنو الطريقة الكلاسيكية المستخدمة فى الثانوية العامة وهى طريقة " الحفظ التام أو الموت الزؤام " ومذاكرة الصفحة فى ساعة وعدم الإنتقال من الصفحة إلا بعد القضاء عليها حفظا - يظنون عدم جدوى طريقه التلوين والمسح الشامل ولكن يقول علماء النفس أن المعلومات التى يحصلها الإنسان ينساها خلال 10 أيام تقريبا حسب منحنى النسيان وهذا طبيعى عند كل البشر مهما كان مستوى حفظك لهذه المحاضرة .


ولكن طريقة التلوين والمسح الشامل توفر بقليل من المجهود والوقت الإحتفاظ بالمعلومة لوقت طويل جدا وتجديدها من خلال المسح الشامل وقد أثبتت الإحصائيات أن الطلاب والطالبات الذين يستعملون هذه الطريقة لا يقلون عن تقدير ممتاز خصوصا مع الكم الهائل من المعلومات الموجودة فى المحاضرات والمطلوب قراءتها كلها ليلة الإمتحان .


وحتى تغير طريقتك التقليدية الى هذه الطريقة لابد أن تتغير تدريجيا بتجربتها وتكرر وتصبر ولا تيأس حتى تتعود عليها وتصير أسلوب مذاكرة لديك .

طريقة الكومودينو :

تخصص هذه الطريقة التكميلية الإبتكارية للسيطرة على الرسومات ( مثل دورات الحياة فى علم الطفيليات ، وعلم الحيوان ورسومات النبات والعقاقير ورسومات التحليل الآلى والعقاقير التطبيقى مثل ال uv, ir ) وصور الأجهزة ( مثل أجهزة الصيدلانيات والصيدلة الصناعية والكروماتوجرافى فى العقاقير التطبيقى ) والصيغ الجزيئية للمركبات الكيميائية ( مثل الكيمياء العضوية والحيوية والفيتو والكيمياء الصيدلية ... الخ )

تتلخص هذه الطريقة فى إعداد مجموعة من الأوراق البيضاء ثم نرسم محتويات كل محاضرة من الصيغ الجزيئية للمركبات ( مثلا ) فى الورق ونضع كود لكل مركب وفى آخر ورقة نكتب مفتاح الحل ونضع هذا الورق على الكومودينو . وعند النوم بعد الإستعداد للنوم والإستلقاء فى وضع النوم ننظر نظرة عابرة فى الأوراق ونحاول التعرف على الصور ثم نراجع تخميننا بمفتاح الإجابة فى الورقة الأخيرة ثم بعد ذلك نروح فى ثبات عميق . ونكرر ذلك يوميا أو يوم بعد يوم . بعد عدة مرات تجد نفسك قد حفظت تلك الرسومات بشكل غير عادى . ملحوظة : تعتمد هذه الطريقة على وقت ماقبل النوم حيث تكون الذاكرة والإستيعاب أعلى مايمكن ولو لم يتم بذل مجهود كبير فى التركيز كما يقول علماء النفس .



طريقة جسر الحمار :

تعالج هذه الطريقة ضعف حفظ العناصر الكثيرة عندما يطلب استظهارها يعنى مثلا ما هى العوامل التى تؤثر على ظاهرة معينة ؟ وتكون الإجابة 25 نقطة – كيف تذكرها دون أن تغفل نقطة واحدة . ( مثل مادة الصيدلانيات والصحة العامة والصيدلة الصناعية والميكروبيولوجى والمعلومات الدوائية والعلاج الدوائى والفارماكولوجى والسموم ) تتلخص هذه الطريقة فى تحديد كلمات المفاتيح ( أى الكلمات المميزة ) فى كل عنصر . ثم أخذ الحرف الأول من كل كلمة من هذه الكلمات المفاتيح وتكوين جسر الحمار ( كلمة مميزة ذات معنى فكاهى أو مرتبطة بشىء مميز ) حيث يشير كل حرف لكلمة مفتاح وكل كلمة مفتاح توصل الى العنصر بكاملة

[Dr..Ahmed]

امتحان الشفوى

امتحان الشفوي هوأحد سمات الكليات العملية و خاصة كليات الطب والصيدلة و يمثل حوالي 15% من مجموع الدرجات وعلى الرغم من أن كثير من الطلبة في أحيان كثيرة يعتبرونه تعويض عن صعوبة امتحان النظري إلا أن البعض لا يزال يعتبره بمثابة الكابوس الثقيل.

امتحان الشفوي يتشابه إلى حد كبير مع المقابلات الشخصية ( الانتر فيو ( فهو إلى جانب اعتماده على مذاكرة الطالب و قدرته على استرجاع المعلومات و فهم المادة العلمية، يعتمد أيضا على ذكاء الطالب و قدرته على أن يقنع الدكتور الممتحن بقدراته العلمية و تمتعه بمقومات شخصية تكفل له الحصول على درجات عالية ...


كيف تحصل على درجات عالية في امتحان الشفوي:

1- المذاكرة الجيدة و الفهم الجيد للمادة و ترتيبها في الذهن جيداً قبل الدخول للامتحان حيث يحدث أحيانا أن يسأل الدكتور سؤالا و الطالب يعرف الاجابة ولكنه غير قادر على ترتيب أفكاره وكلماته فتخرج الاجابة مبعثرة و غير منظمة.


2-متنساش الدعاء "رب اشرح لى صدرى ويسر لى أمرى واحلل عقدة من لسانى يفقهوا قولى" و"اللهم لا سهل إلا ما جعلته سهلا وان شئت ى جعلت الصعب سهلا او جعلت الحزن سهلا"

الدعاء قبل الشفوى له مفعول رائع فى تهدئة النفس والثبات وخليك موقن بالله انه حيكرمك مادمت اخذت بالاسباب ووالله ما خيبت معى هذه الوصفة مرة

ممكن نقول باختصار

الاخذ بالأسباب
اليقين بالله
الدعاء

3- ريح أعصابك قبل ماتدخل يعنى يفضل تروح تتمشى وتشرب عصير ولا حاجة على ما الزحمة تخف وتبقى فى المتوسط كده وبعدين تقرالك كلمتين وتطمن قلبك وتتوكل على الله وتدخل


4- الهدوء وعدم الارتباك والثقة بالنفس أمام الدكتور و تذكر أن الذي يسألك هو بشر مثلك و ليست نهاية العالم كونك لم توفق في الاجابة و تذكر أيضا أن هذا الهدوء هو الذي يسساعدك على الاجابة

5- حاول في البداية أن تحدد ما شكل الاجابة التي يريدها الدكتور منك ؛ بمعنى أن هناك دكتور يسألك لتكون اجابتك كلمة واحدة فلا تسهب في اجابتك لتبين له أنك مذاكر .. وهناك بعض الدكاترة يقول للطالب تكلم عن كذا ... في هذه الحالة حاول أن تذكر كل ما تعرفه بطريقة مرتبة و يا حبذا لو كانت في صورة نقاط و إياك ثم إياك أن تورط نفسك بنفسك .. بمعنى أوضح : أحذر أن تذكر معلومة أن غير متأكد منها أو غير ملم بتفاصيلها.

6- إياك أن تقول مثلا إن هذا الجزء لم يُشرح أو أنه أُلغي وهو غير ذلك فإن المؤمن لا يكذب و الكذب أية من أيات المنافق كما أخبر النبي

7- اياك أن تنافق الدكتور و أن تتملقه وتكثر من مدحه أو أن تحاول المزاح معه و التلطف المبالغ فيه معه في الكلام بغرض أن يمنحك درجة عالية.

8- أنصت جيداً للاسئلة الموجهة لزملائك و فكر في اجابتها استعداداً للاجابة عليها إذا وجهت إليك ولا تجيب على أي سؤال يوجهة الدكتور إلى زملائك إذا تلعثم أحدهم أو أخطأ في الاجابة

9- حاول أن تدخل لامتحان الشفوي برفقة زملاء صالحين مستواهم العلمي جيد


10-تجنب انك تقول للدكتور بكل ثقه انا مش مذاكر الجزء ده او اسالنى فى جزء الدكتور فلان اصلى مذاكره كويس اعتبر الصفر المتين هيشرف على طول.

11-أيضا من الحاجات المهمه انك متدخلش فى الاول فى امتحان الشفوى ياريت لو تستنى شوية عشان تعرف الدكتور بيسال فى ايه وعموما الاسئله بتكرر .وف نفس الوقت متدخلش متأخر علشان الدكتور ميلحقش يشوف مستوى الطلبة الدحيحة اللى يحسسوه ان مستوى الدفعة دى موس بالذات لو كان اكسترنال.


12-حاول لو انت سايب جزء مش مذاكره انك تقراه مجرد قرايه مره واحده عشان لو اتسالت فى الشفوى فيه تعرف تقول حاجه .


13- فيه بعض الطلبه اللى بيطلع من الامتحان مش حالل كويس لما يدخل الشفوى يعيط ويقول للدكتور ادينى درجه حلوة اصلى محلتش كويس ويفتكر انه كده هيصعب عالدكتور بالعكس الصفر المتين هيشرف على طول .
لوالدكتور externalوسالك ايه اخبار الامتحان بدون تردد تقوله: كان كويس جدا والحمد لله وحتي لو سالك سؤال فيه جاوب اللي تعرفه بس المهم متقولش ان الامتحان كان زي الزفت او وحش او او.... علشان الدكتور ممكن يتضايق .

14-بعد الدكتور يقول لكم اتفضلوا امشوا متفضلش تبص عليه وهو بيكتب الدرجه وتروح يمين وشمال عشان تشوف الدرجه طبعا الدكتور بيتنرفز جدا وينقص من الدرجات .


15- مهم جدا حل ورقة الامتحان كلها قبل دخول الشفوى لأن بعض الدكاترة وخاصة الاكسترنال بيسألوا من ورقة الامتحان


16- ركز في الاسئله و حاول دايما انك تكون مركز مع الدكتور ومش مشغول عنه بحاجه تانيه يعني ما تقعدش تبص للورق اللي معاه او ورقة الدرجات او اي حاجه في الاوضه


17-ما تسمعش لكلام الزملاء عن ان الدكتور ده صعب او اندرجاته مش كويسه ،ده بيخليك داخل خايف منه وممكن ياثر في نفسيتك ويخليك تنسي الاجابات ولما الدكتور يحس انك خايف منه ممكن يستعرض عضلاته عليك في الاسئله .

18- دايما قبل الامتحان خليك مع نفسك وحاول تركز المعلومات اللي في دماغك ولو حاجه مش فاكرها بص عليها بصه سريعه ،وما تحاولش تسمع كلام الناس اللي حواليك عن ان الامتحان كان صعب وابعد تماما عن الناس اللي بتعيط واللي بيغمي عليها
لان دول بيشتتوا التفكير و عادة في الآخر بيكونوا جايبين درجات كويسه.


19-حذاري ثم حذاري من كلمة الدكتور ما شرحهاش بالتفصيل او قال العناوين بس لان المفروض انك طالب جامعي يعني تاخد العناوين وتشوف الماده العلميه في المكتبه( ده رأي الدكاتره مش رأيي خالص )

20- الجدال
إياك والجدال يعني لو قالك غلط خلاص يبقي غلط ما فيش داعي (للفزلكة( و لا دانا لسه قريها اوالدكتور قالهالنا كده ، الحاجات دي بتنرفز الدكتوروده بينعكس طبعا علي الدرجه


21-احذر من إدراج عنواين او مواضيع في اجاباتك تجر بيها الدكتور لاسئله ما تعرفش تجاوب عليها يعني لوفيه جزء انت مش عارفه او مش مذاكره كويس اوعي تجيب سيرته من الاول علشان الدكتور ما يسألكش فيه.(يعني بلاااااااااااااااا ااااش الفزلكه خاااااااااااااااااااااااا ااالص وحاول تجاوب علي قد السؤال بسسس)