حلقات عمرو خالد ما رأيكم فيها؟؟ جدل حول حلقاته عن ذبح الفراعنة لليهود!!!!!

[maryam.s]

المشاركة الأصلية كتبت بواسطة مستر/ عصام الجاويش

انا فعلا سعيد بالحوارات التى دارت بين الاعضاء ومعظمهم شباب فى هذا الموضوع وبما انى بالنسبه للمتحاورين عجوز شويتين اسمحو لى ان اقول كلام عام يخص الدعوه الاسلاميه وهذا الكلام لايتعلق بشخص او اشخاص معينين لانى لا اميل الى شخصنه الموضوعات :
الداعيه المثالى هو الذى يغير الواقع الى الافضل والافضل هو الالتزام الفعلى بسنه النبى صلى الله عليه وسلم يعنى مثلا واحده متبرجه و انا داعيه غيرتها الى الى متبرجه ايضا بس لابسه ايشارب وقلتلها كده انت تمام وكفايه كده واثبتى على كده انتى زى الفل بلاش بقى الخمار والنقاب بتاع المتطرفين . طبعا هتكون مبسوطه جدا منى لاننى حققت لها اللى هى عاوزاه التزام كده وكده التزام لا يؤثر على رغباتها لم احرمها من شيئ ينفع الكلام ده؟
انا عارفة ان حضرتك قلت انك لا تميل الى الشخصنة بس واضح في ديه ان حضرتك بتتكلم عن فئة او حد معين ممكن حضرتك توضحلنا مين هو بس لحاجة فى نفس يعقوب
مع انا برضه مانعرفش جمهور كل داعية بمعنى اننا ما نعرفش ان اللى قال للفلانةديه ان حجابها تام كده داعية معين
طبعا لا لانى فعليا لم اصل بها الى المطلوب منها . طبعا انا مقتنع بان هناك اولويات وهذا مايعرف بفقه الاولويات والتدرج فى الدعوه مطلوب لكن البعض يريد ان ان يقف عند الخطوه الاولى ولايتخطاها لذلك رأينا الحجاب انتهى عند معظم البنات بالايشارب على جينز وبدى وطبعا ده حجاب بينه وبين الله حجاب او ممكن نسميه الحجاب الحاجز
وده اظن سببه بعد عن الدين وتعاليمه وفساد المجتمع من ناحية تانية مش توجيه معين من دعاة معيينين
ثانيا: الداعيه المثالى يكون على علم ولايكتفى بالمعلومات العامه التى اعرفها انا وانت
معلش برضه ده معناه انك حضرتك مثلا سمعت داعية ولقيته بيقول معلومات حضرتك عارفها وافترضت برضه ان بقية المستمعين عارفينها
انا عاوزة اوضح حاجة بس صغيووووووووووووورة اوى انى من ملاحظتى للدعاة اجد انهم مقسمن للى بيدى فئة اللى ما يعرفش حاجة خالص فالدين بس عايز يعرف يعنى شغال واحدة واحدة باساسيات زى مصطفى حسنى ومعز مسعود مثلا وعمرو خالد شويتين بس لازم نعترف بانه مجدد يعنى بيستوفى مطالب او معلومات المبتدئين والملتزمين كمان ومنهم اللى بيتكلم مثلا فالامور الفقهية قوى وبرضه طرقهم بتختلف
طالما انه تصدر للدعوه العامه واصبحت شغله الحقيقى فعليه ان يدرس العلم الشرعى على يد العلماء الثقات حتى يعى مايقول يحفظ القران ويعرف الناسخ والمنسوخ والمجمل والمفصل ويدرس اللغه العربيه دراسه متقنه لغه القران حتى تعينه على فهم القرأن بشكل صحيح ويدرس تفسيره ويحفظ السنه ويعرف علم الحديث حتى لانفاجئ بالاحاديث الموضوعه التى يقولها البعض فى اثناء دروسهم
اظن الجزئية ديه فيها شخصنة شوية بس اعرف بس المفاجاة سببها حضرتك تعلم الصح وواثق من مصدرك وسمعت كلام مختلف ام كل ما تعرفه هجوم احدهم على اخر او راى احدهم على اخر او ماذا بالضبط انا اتكلم بعفوية تامة ولا اقصد التجريح فى شخص حضرتك بالمرة بس انا حبيت اعرف السبب وبمثال لو ينفع يعنى
لانى بجد ملاحظة ان اغلب الدعاة بيبذلوا مجهود جميييييل اوى يغبطوا عله عشان يريدون الاسصلاح ماستطاعوا وعايزين التوفيق من الله بدليل تفاعل الناس معاهم زكمان كده يبقوا قدموا حاجة وافادوا ولو القليل مش سكتوا وقالول لا احنا مش مؤهلين مش هنعرف نعمل والله اعلم بقصدهم

ثالثا: الداعيه يرتبط بقضايا مجتمعه ويتفاعل معها ويسعى الى الاصلاح بكافه السبل المشروعه دون تقديم تنازلات على حساب الدين
ممكن توضيح للنقطة ديه شوية
رابعا : الداعيه يعلم الناس التوحيد ويحثهم على ترك البدع التى ملئت بلاد المسلمين شوفوا الطواف بالاضرحه والاستغاثه بغير الله والذبح لغير الله وطلب المدد من غير الله كل هذا حرام ولابد للداعيه ان يسعى جاهدا لازاله مظاهر الشرك هذه ولايقول مش عاوزين تصادم مع العوام(ممكن برضه توضيح للجزئية ديه شوية)
انا برضه شايفة ان الداعية مهمته ماشى تصحيح مفاهيم بس بالطريقة والوقت اللى يختارهم فى عرض مادته لانه اكيد دارس ومحضر للى بيعمله وفاهم مهمته ورسالته والا ماكانش قدر يتقدم لمهمة عظيمة زى ديه
خامسا: الداعيه قدوه للناس لذلك لابد ان يحرص على اتباع السنه شكلا وفعلا نحن نرى علماء الدين فى الديانات الاخرى يتميزون فى مظهرهم ويحاولون ان يظهروا بالمظهر الذى كان به عليه نبيهم وهذا المظهر المميز يزيدهم احتراما عند اتباعهم فلماذا ننكر على الدعاه اذا التحوا وارتدوا الجلابيه البيضاء الجميله يااخوانا هذا الشكل الذى كان عليه الرسول صلى الله عليه وسلم وصحابته ومن يكره هذا الشكل لابد ان يراجع نفسه
اظن الحكاية مش كره ولا حاجة يعنى مثلا مثلا حضرتك ترتدى الجلابية البيضاء ؟؟؟؟؟؟؟؟؟؟؟ مثلا
ولو ارتداها الدعاة برضه ماظنش الناس هترتديها مش كره ولا انه مثلا مش ناجح او غلط لانو معرفش يبقى قدوة كويسة ليهم بدليل انهم مالبسوهاش زيه لا اظنها عادة من المجتمع نفسه يعنى المهم العورة تكون مستورة والا ماكانش الرسول حددهاو قال البسوا الجلابية ديه مستوفية الشروط مثلا (معلش التشبيه بعيد بس واللغة كمان)
سادسا: الداعيه لابد ان يتحلى بصفه الاخلاص حتى يصل الى قلوب الناس
فعلا فعلا ديه اهم نقطة يا استاذ
وجزاك الله خيرا ان اضحت لنا او لى علاقل بعض النقاط
وانكنت ارجو المثل على ردى
الذى ماقصد منه تجريحا او اى ذى قط
المهم انا عارفة انى صغيرة وحضرتك اكبر واكثر خبرة وحكمة بس فعلا انا بتعلم من اسئلة زى ديه حاجات كتير
ده كده نا اطولرت انى قدرت اكتب رد زى ده
وفعلا كله بنية ان احنا الشباب اللى هنرفع الامة بعد كده يعنى ان ماتعلمناشدلوقتى امتى هنتعلم
وجزاك الله مرة تانية على ردك لثرى معنى وهدفا

معلش صاحبة الموضوع انا ممكن اكون بعدت عن الموضوع وغرضه بس ياريت الاستاذ يتفضل بالرد على ردى
ونرجو ان يستفيد الجميع
والله على ما اقول شهيد
اللهم استخدمنا ولا تستبدلنا
يارب