أكبر عملية سرقة في تاريخ المسلمين

[بروف انس]

اولا سلام عليكم انا بعترض اولا علي وصف المسلمين بالمغفلين وبعدبن نيجي للرد علي كل حاجه واحده واحده

اولا كروتالشحن والموبايلات :- انا مش شايف اي تبذير بالعكس ده مفيده جدا وبتوفر فلوس كتير ازاي كرت الشحن اقل حاجه بعشره جنيه فلنفرض اننا هنجيب كرتين شحن كل شهر يبقي كده الحساب 20 جنيه ولا لما نشترك في التليفون الثابت وندفع اشتراك 36 جنيه غير الضرايب والمصاريف الاضافيه كمان التليفون الثابت مينفعش في الطوارئ خارج البيت كمان ان شركات المحمول بتوظف مصريين يقي كده في عجله اقتصاد وبالتالي المبذرين وهم قله فلوسهم بتبقي رواتب لناس بتقدم خدمه وبتشتغل مقابلها


ثانيا :- اعلانات التلفزيون زي كرومبو وحبظلم والشاطر هريدي كل الاعلانات دي بتجيب فلوس للقنوات الفضائيه علشان تساعد في تقديم برامج نافعه ولو متوجدتش ممكن منلاقيش برنامج زي العاشره مساء او 90 دقيقه كمان ناخد مثال قناه الرحمه بيجلها دخل من الاعلانات اللي في الشريط كمان الرسايل اللي بيبعتها التواصلين مع القناه بالاضافه لتبرعات اهل الخير

ثالثا :- السجاير :- السجاير مدمره للصحه ولو افترضنا ان 20% من المسلمين مدخنين دي نسبه ضئيله بالاضافه الي ان وزاره الصحه بتقوم بواجبها وبتغلي علبه السجاير وتعمل اعلانات تنفيريه منها يبقي المغفلينهما اللي بيروحوا يدمروا صحتهم بايديهم

رابعا :- دور السينما والمسارح من الدور الترفيهيه والناس بترفه عن نفسها زي اسلافها ما كانوا بيسمعوا للشعراء او يلعبوا بالعصي اما عن الاختلاط وغيره ممكن نمنعه لو في رقابه صح وتربيه صح وفي ناس مبترداش لنفسها كده ولا لاي حد من قرايبها كده