ماتت بس عايشه معايا

[**(elktra)**]

المشاركة الأصلية كتبت بواسطة بنوتة زملكاوية

السلام عليكم ورحمه الله وبركاته

انا هدخل فى لموضوع علطول جدتى اتوفت من حوالى 5 شهور وطبعا انا مؤمنه بان دى اعمار وربنا كاتب كدة ومعنديش اعتراض على كده
بس هى مبتغيبش عن بالى يمكن عشان وفاتها جت فجأه وجت وهى بتعمل عمره
وعيت فجأه وكانت فى مستشفى لوحدها فى دوله تانيه وماتت
مش قادره انساها بكلم صورتها كانها عايشه
بحس انها بترد عليا طبعا مش بصوت بس الرد دة فى خيالى
بكتب كلام موجه ليها وابقى متيقنه انها هتقراه
بزعل لما بلاقى الناس اللى حواليا مش زعلانين عليها
انا الحمد لله عايشه كويس بذاكر بتكلم بندمج مع الناس
عايشه زى اى حد بس اول مابفتكرها بكتئب مش قادرة انساها ومش هنساها
وفى نفس الوقت كل اخواتى وبابا بيقولولى انتى اتجننتى انك تكلمى واحدة ميته
مش عارفه اعمل ايه كل يوم بدعيلها بالرحمه ومملكش اكتر من كده اعمله ليها
بس انا خايفه فعلا اكون عندى مرض نفسى ممكن يكبر معايا

انا كلامى مش مترتب بس ان شاء الله هحاول اكتب بنظام فى رد تانى

اولا البقاء لله وحده
وحاسة بيكي فعلا
انا جدتي الله يرحمها توفت من اسبوع
وبجد مش متخيلى حياتي من غيرها
الوحيدة الي كانت فهماني بجد
لكن ده قضاء الله وقدره
مش تزعلي ابدا
ربنا يرحمها ويرحم جميع المسلمين الاحياء منهم والاموات
ولكن ده مش مرض نفسي يمكن انك متعلقة بيها بس مش اكتر
اتمنالك التوفيق

[انهار الجنة]

اولا البقاء لله
بصى يا اختى فى الله الموت قضاء الله كما انك تعلمين فارضى بذلك انا بجد حاسة بيكى جدا لانى حاصل لى نفس الحالة لكن الوقت كل ما هيمر هتنسى احنا كلنا بنزعل قوى اثناء الدراسة اننا بننسى المذاكرة لكن مبنعرفش ان النسيان دا كتير بيكون له فائدة وعلشان كده ربنا خلقه جوانا وصدقينى احسن حاجة انك كل ما تفتكريها تدعيلها لعل الله يرحمها بدعائك لها عارفه انا كتير قوى باحلم بيها واحس انها عايشة معايا لكن هافرح بجد لما اشوفها يوم القيامة من اهل الجنة بسبب دعاء منى لها معلش اصل انا لخمة ومش باعرف اتكلم اصلا بس بجد هو دا اللى بيصبرنى على بعادها
واهم حاجة اقراى لها سورة*يس*