...*رابطة طلاب هندسة اسكندرية*.....

[abdelrahmanblacktiger10]

المشاركة الأصلية كتبت بواسطة titto19991

السلام عليكم ورحمة الله وبركاته
طبعا أنا قلتلكم المواد اللى هتاخدوها فى اعدادى
المشاركة دى هكلمكوا شوية عن المواد اللى هتمتحنوا فيها ميد تيرم التيرم الأول وهم:-
1-رياضة(جبر-تفاضل)
2-فيزياء
3-انتاج
4-استاتيكا
5-الرسم الهندسى

بس الأول أحب أقولكم على حاجة عن الأمتحانات

احنا عندنا فى اعدادى امتحانات غير امتحانات التيرم
يعنى هتمتحنوا حاجة اسمها امتحانات الميد تيرم(يعنى نصف التيرم)
وشفوى وعملى
وهكلمكم على كل أمتحان ومواده بالتفصيل
وهتقولوا أشمعنى أخترت امتحان الميد تيرم الأول
بمنتهى البساطة علشان ده أول أمتحان هتقابلوا فى الكلية

ندخل بقى فى المهم
1-رياضة
الرياضة عندنا متقسمة لفرعين زى ثانوى كنتوا بتاخدوا جبر وهندسة تحليلية وميكانيكا وتفاضل وتكامل
بس عندنا الجبر ليه دكتور (ياأما د.شريف ربيع ياأما د.حسين طبلية)والأتنين كويسين
والتفاضل ليه دكتور(ياأما د.ميرفت كوجك ياأما د. اعتدال)والأتنين برضه كويسين بس انت لو بتحب الشرح اللى واحدة واحدة وبراحة يبقى عليك ب د.اعتدال
انما لو بتقعد صاحى ومركز يبقى د.ميرفت هتلاقيها ممتااااااازة

هتاخدوا فىالجبر لغاية الميد تيرم
*الكسور الجزئية
*نظرية ذات الحدين
وفى
*المصفوفات
*المعادلات الخطية
بس اخر اتنين دول مش داخلين فى الميدتيرم غالبا
.................................................. ........................................
وهتاخدوا فى التفاضل
*الدوال المثلثية ومشتقاتها
*الدوال العكسية ومشتقاتها
*الدوال الأسية ومشتقاتها
*التفاضل اللوغاريتمى
وفى
*الدوال الزائديةومشتقاتها
*الدوال الزائدية العكسية ومشتقاتها
*التفاضل الضمنى والبارامترى
*مفكوك ماكلورين وتايلور
واخر اربعة دول مش بيدخلوا فى الميدتيرم

نيجى بقى لشوية حاجات عاوز أقولهالكم
*لازم تحضروا المحاضرات وتركزوا فيها لأن الأمتحان مش بيخرج عنها
*فى حاجة أسمها شيت (ورقة أو ورقتين فيهم مسائل)
ده بقى تجيبوا تحلوا كله هوه فى جزء كبير من المسائل بيتحل معاك سواء فى المحاضرة أو السيكشن واللى مايتحلش وانت مش عارف تحله اسأل محدش هيقولك حاجة
*كتاب التفاضل والتكامل مالهوش لازمة محدش كان بيحتاجه
انما كتاب الجبر كويس وممكن تفهم منه لوحده
والكتابين عاوز تجيبهم هاتهم مش عاوز محدش هيقولك حاجة
*فى ورق معيدين عاملينه بيبقى موجود فى المكاتب اللى جنب الكلية وناس كتير بتذاكر منه

أخيرا وليس أخرا الرياضة من أجمل المواد اللى فى اعدادى
وسهلة ومفيهاش أى تعقيدات خاااااااااالص يعنى على بلاطة كده مادة تقدير



انتظروا حديثنا عن الفيزياء

السلام عليكم ورحمة الله وبركاته

فى المشاركة دى زى ماقولتلكم انى هكلمك عن الفيزيا
قبل ما أبدأ كلامى أحب أقولكم ان الفيزيا دى أحلى مادة انا درستها فى اعدادى ممكن يكون فى اختلاف من ناس على كده بس ده رأيى
ندخل بقى فى المهم
أحنا عندنا الفيزيا متقسمه لجزئين كل جزء ليه دكتور ومحاضرة

*الجزء الاول
بيدرسه 2 دكاترة ياأما د.سمير غانم ياأما د.يحيى منير انا رأيى ان د.يحيى أحسن حاولوا
تظبطوا جدولكم معاه ده فى التيرم الاول طبعا فى التيرم التانى فى د.كمال محمود ده ممتااااااااااز
طب احنا هناخد ايه فى الجزء ده؟؟
1-المرونة
2-الحركة الدورانية
3-انسياب الموائع
4-اللزوجة
الميدتيرم غالبا هيكون لجزء المرونة بس

*الجزء التانى
أنا كنت بحضر ل د.مايسة أمين ومش عارف حد غيرها
بس هيه طيبة جدااااااااااااا وهتحس انها مامتك


فى الجزء ده بقى هتدرسوا
1-الوحدات والأبعاد
2-الحرارة
والديناميكا الحرارية
فى الغالب الوحدات والأبعاد وجزء بسيط من الحرارة اللى هتمتحنوا فيه ميدتيرم

الجزء ده لذيذ وسهل جداااااااااااااا
وعلى فكرة الجزء الأول برضه لذيذ
يعنى أنا قلتلكم ان الفيزيا مادة جميلة جدا
ولوكنت مش بتحبها من أيام ثانوى
فأطمن الفيزيا عندنا مختلفة عن فيزيا ثانوى
ومش معنى انى قلت ان الفيزيا سهلة انك تكبر دماغك منها
لأطبعا شد حيلك فيها وانت تحس بسهولتها

**حاجات عاوز اقولكم عليها
1-المحاضرات المحاضرات المحاضرات لازم ومهم جدا تحضرها
والسكاشن نفس الحكاية
2-الكتاب محدش هيجبرك انك تشتريه بس نصيحة هاتوا أنا ماكنتش بعرف أذاكر من غيره
3-فى ورق بينزل فى المكتبات بتاع معيدين أنصحك بورق م.محمد صلاح
وده هاتوا علشان فى مسائل محلولة مهمة من الكتاب يعنى الأمتحان بيجى منها
4-ماتفوش سكاشن العملى نهائى علشان هتعمل فيها تجارب هتمتحن فيها
وعلى فكرة سيكشن أى مادة بيبقى كل أسبوع
الفيزيا اسبوع سيكشن نظرى اسبوع سيكشن عملى

انتظروا الحديث عن مادة
الأنتاج

شكرا يا بشمهندس تيتو على المعلومات المهمة جدا دى
والله مجهود رائع بل اكتر من رائع

وبصراحة يا جماعة الرابطة بقت مشعللة

hi ya gma3a ana (m 1225)wld tb3n lsa mkmltsh el 17 w da5l e3dadi hndsa . Tb3n sni so3"ir bs mesh moshkla w shkrn ya 3mad 3la el nsai7 bt3tk w akid 7n3ml biha

منور يا بشمهندس مؤمن معانا فى الرابطة وانا انك هتستفاد معانا

ومش عايزك تقلق من اي حاجة الامور سهلة وبسيطة

بصوا يا جماعة ايه رأيكوا لو عملنا اسرة لينا في الكلية علشان نقدر نساعد بعض بشكل اكبر في المحاضرات وكده ولو حد محتاج حاجة او مش فاهم حاجة في محاضرة او سيكشن نساعده ونشرحاله وبصو لو اي حد عنده اي سؤال ازاي حنعملها وايه شروطها .....الخ انا نقلتلكوا من الدليل الكلام ده


نشاط الاسر:
تستطيع الانضمام إلى إحدى أسر الكلية أو تكوين أسرة صغيرة جديد حيث تمارس كافة الأنشطة الثقافية والرياضية والاجتماعية داخل إطار الأسرى ومع أسرة أخرى
وتقوم لجنة الأسر بتنظيم الأنشطة التالية:
مشروع التبرع بشيكات الدم -رحلات طويلة ةقصيرة_إفطار رمضان _شطرنج_ندوات ثقافيه ودينية- زيارات علمية_نشرات غير دورية- يوم العطاء- مهرجانات رياضية- مسابقات ثقافية ودينية _حملات تبرع نقدي -حملات توعية.
(ديه طبعا انشطة جانبية يعني حاجة كده جنب االهدف الاساسي)

كيفية تكوين أسرة:
1- تقدم طلبات تكوين الاسرة في الفترة من منتتصف نوفمبر إلى آخر العام من كل عام.
2- اختيار رائد الاسرة لأحد السادة أعضاء هيئة التدريس لريادة الاسرة.
3- موافقة رائد الأسرة على الاشراف عليها.
4- موافقة نائب رائد الأسرة على كونه نائب لها ومشرفها المالي .
5- طلب لموافقة الأستاذ الدكتور رائد الاتحاد ورائد لجنة الأسر على تكوين الأسرة موضح به اسم الأسرة ورائدها ونائبه ومقررها.
6- تقديم برنامج الأسرة خلال العام الدراسي معتمدا من رائد الأسرة.
7- بيان بمقرري الأسرة معتمدا من رائد الأسرة.
8- كشف بتسديد أعضاء الأسرة لرسم قيد الاشتراك وقيمته 2.65 جنيها لكل طالب.
9- يبدأ نشاط الأسرة عقب اعتماد الأستاذ الدكتور رائد الاتحاد لتشكيل الأسرة.

وعلى فكرة يا جماعة ديه مش فكرتي لوحدي ديه فكر البشمهندسين عماد وبلال وإيمي
وعايزاينكوا تقولوا رأيكم في الموضوع ده و يا ريت تشاركوا معانا لان الموضوع ده مش حينجح الا بيكم مستنين ردودكم
ومن الاخر اللي مش حيشترك هو حر

حلوة اوى فكرة دى يا بشمهندسة بينكى
بس فى حاجتين مهمين
-اولا: زى ما البشمهندس عماد بيقول لازم نتأكد من عدد المشتركين فى الاسرة
-ثانيا:الرائد لازم نشوف حد من الكلية يكون كويس علشان يقود اسرتنا العزيزة

وبأعيد شكرى مرة تانية لكل عضو مشترك معنا فى هذه الرابطة الرائعة و لكل من ساهم فيها بمجهودات جميلة جدا