مشاكل الغربية

[بنت. النيل]

السلام عليكم ورحمة الله وبركاته
الحقيقة أنا بتفق مع حضرتك فى شئ وبخالف حضرتك أيضاااا
وبتفق معاك ان التعليم حاليا بقى مش اسمه تعليم دى بقت سلطة
والكلام ده بيعم سواء معاهد أو جامعات أو حتى ابتدائى
يعنى زمان كنا بنقول اللى مش معاه فلوس مايتعلمش لكن دلوقتى الوضع اختلف تماماا بقى اللى معاه واللى معهوش برضه مابيتعلمش
والدليل ع ذلك ان تنسيق الثانوية العامة السنة دى،بسم الله ماشاء الله معظم الطلاب حاصلين على مجاميع كبيرة تدخلهم كليات القمة اللى كانو بيحلموا بيها وسهروا وتعبوا عشان يوصلولها ولكن للأسف يا فرحة ماتمت زى مابنقول
راحوا يقدموا فى الكليات الحكومية قالولهم سورى العدد عندنا كومبليت،،راحوا للجامعات الخاصة اللى بنقول انها بتاعة اللى معاهم فلوس،،قالولهم سورى نشوفكم السنة الجاية ان شاء الله
والمفروض ان يكون منهم طلبة طب وصيدلة وهندسة السنة دى
قدرهم انهم يستنوا للسنة الجاااااااية
،،،،،،،،،،،،،،،،،،،،،،،،،،،،،،،
واللى أنا مش بتفق فيه مع حضرتك ان الكلام ده مش فى المحلة بس أو محافظة الغربية فقط،،المشكلة دى للأسف على مستوى الجمهورية بأكملها
،،،،،،،،،
ولا حياة لمن تنادى،وآسفة على الاطالة بس الموضوع شدني بالفعل
وجزاك الله كل خير