|
||||||
| ركن العائلة منتدى يهتم بكل ما يخص الأسرة ( زوج - زوجة - أبناء ) |
 |
|
|
أدوات الموضوع | انواع عرض الموضوع |
|
#1
05-09-2009, 11:29 AM
|
||||
|
||||
لكل محبى الكشرى المصرى
  *¤ô§ô¤*~'طبق كشرى متميز ~*¤ô§ô¤*~  أهلا أخواتى ، كلنا طبعا عارفين الكشرى المصرى وبنحب ناكله بس من المطعم لأن اللى بنعمله فى البيت مش بيطلع نفس الطعم و ده بسبب ان احنا فاكرين ان الكشرى شوية مكرونات على حبوب وخلاص. عشان كدة جايبالكم طريقة الكشرى من مطبخى وان شاء الله يطلع كأنه من المطعم وكمان تكونى مطمنة انك هتأكلى أسرتك كشرى نضيف وصحى وموفر جدا. مكونات الطبق: (هذه الكمية تكفى لعمل 8 أطباق) 300جرام أرز مصرى أو 2كوب شاى أرز + 125جرام عدس أصفر 250جم عدس بجبة(عدس أسود وهو العدس الأصفر ولكن بقشرته) 250جم مكرونة اسباجتى 250جم مكرونة صغيرة 125جم حمص شامى أو كوب شاى حمص 250جم شعرية ملفوفة ، ان لم تتوفر لديكى فاستخدمى الشعرية المكسرة مكونات السلطة: 2حبة طماطم + كوب صغير كسبرة خضراء مقطعة قطعا صغيرة +3 ونصف كوب ماء +2 ملعقة كبيرة خل + حلقات شطة خضراء أو شطة حمراء مجففة ناعمة أويمكن الاستغناء عن الشطة حسب الرغبة + ملح مكونات دأة الكمون:2 فص ثوم مفروم + 1ملعقة صغيرة كمون + ربع كوب خل وباقى الكوب ماء + 1ملعقة صغيرة ملح مكونات الصلصة: 4كوب عصير طماطم + 5فص ثوم مفروم + ملح مكونات التقلية(الورد): 3بصلة متوسطة+ ملعقة صغيرة ملح + زيت الطريقة: · حمص الشام والعدس الأسود(بجبة) أولا يفضل نقع حمص الشام والعدس الأسود(بجبة)فى الماء قبل الطهى لمدة 12ساعة وذلك للتسهيل ثم قومى بتغيير الماء لكل منهم قبل الطهى . قومى بوضع كل منهم على النار مع متابعة عملية النضج وقبل إطفاء النار عليهم بدقيقتين ضعى عليهم مقدار مناسب من الملح للتمليح. قومى بتصفية كل منهم فى مصفاة واشطفيهم بقليل من الماء وهم فى المصفاة ثم ضعى كل واحد منهم فى اناء خاص به واتركيهم لوقت الإستخدام.  العدس  الحمص · التقلية(الورد) احضرى قلاية وخرطى البصل فيها قطع صغيرة وضعى عليه الملح وقلبيهم ثم ضعى كمية زيت مناسبة وارفعى القلاية على نار هادئة وضعى عليها غطاء لينضج البصل على البخار وقلبيه من آن لآخر.  البصل عندما تشعرين أن البصل نضج ارفعى الغطاء واتركى النار هادئة واستمرى فى التقليب حتى تحصلى على تقلية لونها بنى ذهبى واحترسى من حرقها. صفى التقلية (الورد) من الزيت واتركيها تبرد ستجدى ان قطع البصل أصبحت خفيفة ومقرمشة مثل بتلات الورد المجففة والفضل فى ذلك يرجع للملح. يمكنك وضعها على منديل ورقى للتخلص من الزيت نهائيا.  التقلية(الورد) أصبح لدينا الآن زيت بصل وهو الناتج من التقلية وسنستخدمه فى طهى الأرز والصلصة. · الأرز اغسلى الأرز وانقعيه 10دقائق ثم صفيه وضيفى عليه العدس الأصفر المغسول والمصفى واخلطيهم معا. فى اناء طهى (حلة) ضعى كمية زيت بصل مناسبة وسخنيه (تقريبا 3 ملاعق كبيرة زيت)،ثم ضعى عليه خليط الأرز والعدس الأصفر وقلبيهم جيدا مع الزيت ثم ضعى مقدار مناسب من الملح والماء يكفى للنضج.  الأرز · الشعرية ضعى الشعرية فى اناء واسع وعميق وفككيها قليلا اذا كانت ملفوفة وهذا هو شكلها وضعى عليها كمية زيت تكفى لتحميرها  الشعرية الملفوفة بعد التحمير سيتقلص حجمها ضعى عليها ملح و ماء يغمرها واتركيها تنضج/تسلق على نار هادئة ثم صفيها واغسليها بقليل من الماء وبعد تصفيتها تماما ضعيها فى إناء واتركيها للإستخدام.  الشعرية
قطعى الطماطم مكعبات صغيرة وضيفى عليها الكسبرة أما الشطة فهى حسب الرغبة،عن نفسى أفضل وضع نصف ملعقة صغيرة شطة مجففة ، وضيفى الماء والخل والملح.  السلطة · الصلصة ضعى الثوم المفروم وعليه قليل من زيت البصل فى اناء على النار وعندما تفوح رائحة الثوم ويصفر لونه ضيفى له عصير الطماطم والملح.  الصلصة قبل 5 دقائق من الغليان ان أردتى وضع توابل لها فلتكن شطة جافة غير ذلك لا تضعى أي توابل أخرى، فالتفنن فى استخدام توابل غير الشطة يغير طعم الطبق كليا. اتركيها تغلى 5 دقائق أو أكثر لكن لا تتركيها تتسبك(ينفصل الزيت عن الطماطم) وان وجدتى قوامها كثيف جدا فضيفى لها بعض الماء واتركيها حتى تغلى . ضعى ملحها ثم ارفعيها من على النار .  الصلصة بعد الانتهاء من طهيها
 الدأة · المكرونة اسلقى المكرونة فى الماء المغلى كالمعتاد المضاف له قليل من الزيت. اسلقى الاسباجتى فى اناء والصغيرة فى اناء آخر، أو يمكنك سلقهما معا ولكن ضعى الاسباجتى فى ماء السلق قبل الصغيرة بثلاث دقائق. قومى بتمليحها قبل رفعها من على النار بدقيقتين ثم صفيها واشطفيها بالماء وضعيها فى إناء وضعى عليها ملعقة صغيرة زيت ،حتى لاتلتصق ببعضها وتضطرى لغسلها مرة أخرى ،وقلبيها برفق. أسفة نسيت أصورها لكن كلنا عارفين شكلها وهى واضحة فى الطبق
· إعداد الطبق ضعى مكونات الكشرى فى الطبق بالترتيب التالى: o الأرز، يكفى أن تضعى منه ثلاث ملاعق o المكرونة الإسباجتى o المكرونة الصغيرة o الشعرية o العدس الأسود o التقلية(الورد) o الحمص فى أطباق صغيرة ضعى سلطة وصلصلة ودأة واستعدى لألذ طبق كشرى من صنع إيديكى. ويا سلام لو تقدمى الكشرى فى أطباق استانلس مثل مطاعم الكشرى،ولو حطيتى شوية دأة على طبق الصلصة وطبق السلطة هتلاقى طعمهم ألذ. أتمنى أن أكون وفقت فى تقديم الطبق, والصينية دى لأول واحدة هترد عليا.  وبالهنا والشفاء
|
|
#3
05-09-2009, 12:53 PM
|
||||
|
||||
شكرا يا ميس على الوصفة
__________________
الحمد لله على كل شئ
|
|
#4
05-09-2009, 02:38 PM
|
||||
|
||||
|
اقتباس:
اقتباس:
الشكر لوجودك بالتوبيك .
|
|
#5
05-09-2009, 04:29 PM
|
||||
|
||||
|
موضوع جميل ...بس الواحد صايم
على فكرة انا عندى خبرة 11 سنة فى محلات الكشرى بدأتها من اصغر المحلات وغسيل الاطباق ...الى اكبرها المحلات كصانيعى كبير سر الكشرى للاسف لم يذكر فى هذا الموضوع بالرغم من جمال الوصف والطريقة الا انه لن يصبح بنفس طعم كشرى الشارع الموضوع ان كل جزء من عناصر الشكرى اثناء اعداده فيه جزء مفقود لا يعلمه الا من عمل داخل هذا المطبخ واشتغل بايديه تحياتى لمجهود حضرتك ....والف هنا
__________________
تمنيت أن أسجد لله سجدة لا أنهض بعدها أبدا" إلا لأرى ربى  اقتباس:
لو دخلتوا الجنة ومالقتونيش ... إسألوا على واشفعولى عند ربى
|
|
#6
05-09-2009, 04:47 PM
|
||||
|
||||
|
شكرا على الكشرى
قصدى شكرا على الموضوع بالهنا والشفا ان شاء الله  اقتباس:
وهو من حضرتك نستفيد ومتقلقش الشاى اللى بعد الكشرى عندى
__________________
 ......استودعكم الله الذى لاتضيع ودائعه.... ....closed 4 ever
|
|
#7
05-09-2009, 06:12 PM
|
||||
|
||||
|
وصفة رائعة
استاذ محمد سر الوصفة بعد اذتك ولا دى سر المهنة
__________________
NO SAFTEY FOR HUMANS
SHREEF SHOMAN د خ و ل م ت ق ط ع
|
|
#8
06-09-2009, 10:22 AM
|
||||
|
||||
|
اقتباس:
اقتباس:
اقتباس:
|
|
#9
06-09-2009, 11:10 AM
|
||||
|
||||
|
شكراً مس فاتن روعة
وطريقة جديدة للكشرى مستر محمد أين سر الخلطة ؟؟؟؟؟؟؟ مشكورين الجميع
|
|
#10
07-09-2009, 02:17 AM
|
||||
|
||||
|
بسم الله الرحمن الرحيم
السر علشان خاطر أ فاتن والاعضاء .بس لو حد فتح محل ..انا لى نسبة او اقعد على الكيس اولا التقلية لازم البصل يبقى قديم والزيت يغلى لدرجة عالية جدا ونحط البصل فيه على شكل حلقان مش مبشور مع الزيت المغلى البصل هياخد لون وينشف بعد فترة قصيرة وبعدين البصل هيدى من غليان الزيت ناخد البص وهو حلقان ونهوية فى مصفة فى الهوا ونفرده ونحط تحتيه حلة بحجم المصفة حتى ينشف .لما ينشف ناخد ونكسره باقعر كوباية لان الكماية مش كبيرة طبعا ثانيا العدس يتم وضعه فى مصفى على حلة كبيرة ملئية بالماء بحيث لايلمس الماء العدس ....يستوى على بخار الماء وعندما يصل الى 3/4 سوى نرفعه من على النار وهو بالمصفى ونضعه فى حله نظيفة ونظيف اليه كمون وبهرات وبعض الملح البسيط جدا ونقوم بهرسه هرس خفيف بكوباية بعد تقليبه مع العطارة ثالثا الحمص يتم غلى الحمص فى ماء به ملح ونفس توبل العدس مع وضع حبة طماطم عليه + بصله سليمة لكن يتم تجريحها بالسكين ليصل الماء داخلها ..او تقطيعا اربع تربع وبعد ذلك يصفى الحمص من الماء او يقدم بمائه ومعه ليمون رابعا الشعرية توضع الشعرية فى صنية فى الفرن دون اى اضافات حتى تتحمص زى العيش ويصبح لونها بنى فقط خامسا الارز يتم سلق الارز فى ماء يزيد حجمه عن حجم الارز مرتيين على الاقل حتى لايشرب الارز الماء..زى المكرونة بالظبط فى طريقة السلق .ويضاف اليه الملح والشعرية المحمصة مكمن تزود الشعرية هيدى طعم جميل بعدما يصل لنصف سوى ..وبعدما يصل الى قرب التسوية بقليل يصفى الاز والشعرية فى مصفى ويتم تهويته ثم يرش عليه زيت التقلية البارد بمقدار قليل لا يظهر ان الارز عليه زيت ويقلب جيدا .وهو فى المصفى سادسا المكرونة تسلق المكرونة بالطريقةالعادية ...ثم يضاف الملح ...ثم تصفى فى مصفى ويوضع عليها زيت التقلية وتقلب زى الارز بالظبط برجاء وضع كميات زيت صغيره بارده سابعا الصلصة فى ناس تحبها بالبصل وناس تحبها بالثوم ..ولكن المناسب للكشرى هى بالبصل ..وايضا يضاف اليها جزء من زيت التقليه بعد الغليان علشان تعمل وش لو عايزين تبقى بشطه تضاف الشطة بعد ما تنزل من على النار وفى طريقة لعمل الشطة ولكنها خطيرة ..فلن يستطيع ان يتقنها الا صانيعى خبير بالمهنة حتى لا يؤذى نفسه ومن حوله ثامنا الدقة يفرم الثوم فى مفرمة او الخلاط ثم يضاف اليه الماء ويضرب فى الخلاط ثم الملح والكمون والخل او الليمون وممكن بعض الشطة الناشفة ويضرب كل هذا فى الخلاط وبالهنا والشفا اثناء الغرف فى الاطباق يوضع الارز بالشعرية ثم المكرونة ثم العدس الاسود ثم التقلية ثم الحمص + يتم تقديم كوباية حمص اضافية بالماء بتاعها مع الليمون والتوابل طبعا لان دة بيرجع لمزاج كل واحد ملحوظة الخبرة فى عمل الكشرى بهذه الطريقة لها عامل كبير فى الطعم...وهذا ما نلاحظه فى اختلاف الطعم بين محلات الكشرى نفسها وهذا يتوقف على خبرة الطباخ
__________________
تمنيت أن أسجد لله سجدة لا أنهض بعدها أبدا" إلا لأرى ربى اقتباس:
لو دخلتوا الجنة ومالقتونيش ... إسألوا على واشفعولى عند ربى
آخر تعديل بواسطة الاستاذ محمد سرور ، 07-09-2009 الساعة 02:20 AM
|
|
#11
07-09-2009, 02:22 AM
|
||||
|
||||
|
اقتباس:
الطريقة جميلة و الشراء أسهل مشكوووووووووووووور على الوصفة
__________________
 دخول متقطع أرجو الدعـــــاء بظاهـــــــــر الغيب
|
|
#12
07-09-2009, 02:34 PM
|
||||
|
||||
|
جوعتونا احنا صايمين
شكرا عالموضوع
__________________
|
|
#13
07-09-2009, 08:34 PM
|
||||
|
||||
|
شكرا لكل من شرفنى بالمشاركة .
وشكرا جزيلا للأستاذ الفاضل محمد سرور لتكرمه بالرد والاستجابة لطلب الأعضاء الكرام .
|
|
#14
12-09-2009, 06:20 AM
|
||||
|
||||
|
كفاااااااااااياااااااا بس الصور تجووووووووووع
شكرا ع المجهود و الطعم الرااااائع
__________________
w a5ern w l2owl Mara Ensan Msh Shayfk Mn Bara Ensan 7ass B2lbek 2bl Ma 3yno Tshofek Ya Malaky ... Manta wa7shny aywa wa7shny Wa 23esh ezaaay .. W May7rmnesh Mnk Wala Yb3dnesh 3nk 7beby ya 3omry Matsbnesh w7yat a8la 7aga 3ndk .. Tab 5aly el Donya Tday2k Yom Wshof ana Ha3ml aa Fel Donya
|
|
#15
08-10-2009, 03:31 PM
|
||||
|
||||
|
اقتباس:
شكرا لمرور حضرتك .
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:05 PM.
