مرحلة التالثة ضد الوزير

[breaker]

يا جماعة السلام عليكم ..

أولا لا داعي للمظاهرات لأن لو هتعملوا مظاهرة المفروض تعملوا مظاهرة على حال البلد ككل لأن التنسيق دا مش بس المشكلة الوحيدة بالنسبة للمصريين ..

يعني حتى في نتايج الكليات الداكترة يروحوا يصيفوا و ينسوا ان في طلبة عملت امتحانات و لازم الورق يتصحح و بييجو على آهر الوقت خالص يبتدوا يصححوا و يتأخروا في إظهار النتيجة متجاهلين شعور الطلبة و آدميتهم ..

الانسان المصري بقى كسول و بقى لا مبالي في كل مجالات حياته و احترام شغله و اتقانه بقى معدوم و آخر ما يفكر فيه الانسان المصري بقى عايز فلوس كتير و شغل قليل ... انتوا جيل جديد المفروض تبتدوا انتوا تصلحوا الغلط دا بكرا هتتخرجوا في كل الأقسام و يبقالكم أماكن في المجتمع عليكم انتوا تتغيروا و أنا عارف اني كلامي على الفاضي لأن الانسان المصري خلاص اتعود على السلبية و لما ياخد اللي هوا عايزه بيبيع مبادئه في أقرب فرصة ممكنة ... إلا من رحم ربي ...

اللي فيكم ما قعدش في مصر كتير سيصدم بواقع أليم .. ألا و هو أن مصر قد وصلت لأحط مراحل و أدناها ... عايزين تعترضوا على الوضع السائد؟؟؟ اللي معدي 21 سنة يا ريت يروح يطلع بطاقة انتخابية و ينتخب أي حد ضد الحزب الوطني و يقول لا للظلم و التسيب و المحسوبية و الفساد كله .. دا أصح طريق للاعتراض و أكثر طريق ثقافي و متحضر للاعتراض .. المظاهرات دي لما نكون شعب متحضر و بيقول لا في الانتخابات الأول ...

لا يغير الله ما بقوم حتى يغيروا ما بأنفسهم .. صدق الله العظيم