كل واحد يدخل يقول رأيه بجد على الجامعة المفتوحة

[اسلام سمسم]

صوما مقبولا وافطارا شهيا

بص يا استاذ
eng--zako
طالب جامعى (إعدادي فنون جميلة عمارة اسكندرية)

مع احترامى الكامل لردك(الاختلاف فى البط لايفسد للوز طبخة؟)

كليتك بتقول انك جايب مجموع انا عن نفسى معرفش انت جايب المجموع دة ازاى بمجهودك ولا غاشش صح؟؟؟

انت ممكن تقولى بمجهودى وانت تكون غاشش؟

شوف يا عزيزى متاخدش الاشياء من ظاهرها

ومتبصش للحاجة من برة كلامك بيقول كدة مع احترامى ليك ولكلامك

انا واحد بعتمد على مجهودى مش على الغش

مثلا انا فى اولى ثانوى كنت جايب 99.8% علشان كان عندى وقت اذاكر وكمان كنت بشتغل بس شغل وقتة

قليل وفلوسه كويسة لكن فى تانية وتالتة لا كان العكس ............... بغض النظر

مش كل الناس معاها فلوس علشان تعد فى البيت وتذاكر

وفى ناس معاها فلوس وفاضيين مبيفتحوش كتاب ودة الغالب وفى ناس العكس بس بتذاكر حتى لو فلوسهم

على قدهم

لاكن فى ناس لو اعدت فى البيت هيشحتوا فاهمنى ودول نادرين

والمفروض اصلا انه التعليم الجامعى عامة مش بالمجموع بس انت فى مصر................. فاهمنى؟؟؟؟؟


وحكاية ان التعليم مختلف دى ممكن تكون عندكوا فى اسكندرية بس فى عين شمس لا ودة كلام من الدكاترة

كل الاختلاف انه المحاضرات يوم الجمعة بس وليك الحق انك تروح الجامعة 3 ايام فى الاسبوع

وهتاخد نفس المقررات

وحكاية اسم الشهادة دى مش مهم اهم حاجة منين وتقديرك ايه......

والاهم انك برضة معاك ليسانس اعلام زيك زى العادى ............ومتستغربش كل واحد واجتهادة فى الكليه هو

دة الفرق.................

وبعدين حكاية التوظيف دى كمان هو فين التوظيف دة اصلا.....................

وبعدين هى مش للقضاء على الجهل

هو انت لحد ثانوى جاهل ولا انت هتخش من غير ثانوية تبقى كملت................

لا انا شايف انها اول خطوة ايجابية انك تدخل الكلية اللى عيزها بقدراتك................صح

وبعدين يا عزيزى مش عجبانى الجملة الاخيرة فى كلامك

و من الأخر كدة الناس اللي بتقول ظروف و كدة تب ما تدخل معاهد خاصة او كلية علي قد مجموعك و ارضي بنصيبك
و ارضي باللي جابيتو ايدك

اسمحلى يا عزيزى دة تخلف وراجعيه وسلبية واى كلمة غلط اخرها ........... ية

ليه ادخل معهد خاص ملوش لزمة ومش هيفيدنى بحاجة واغلى كمان وانا عندى كلية ..........الحكومة اللى عاملهالى وانا حاببها



دى عامة وجهة نظرى بس مفيش زعل