نحن وهم - الصفحة 7

E/GOGO · #91 22-09-2009, 02:25 AM

بص هو حلو اوى بس احنا عاوزين نوضح اكتر ان فى شوارع جميييلة اوى عاوزين بلدنا تبقى زيها

sympathique · #92 22-09-2009, 02:26 AM

احم

طب كويس انكم اتفقتوا على كل حاجة

بس انا ليا اقتراح بدل المواضيع اللى هتعملوها فى كل المحافظات ونقدر كمان نخلى الاعضاء تشوف الموضوع

ان موضوع يتعمل جديد هنا فى القسم العام تحت اى مسمى انتوا تختاروه

توضحكوا فيه الفكرة والهدف وكمان تكون فيه صورة مرفقة للبوستر اللى تريكة هيعملوه ( وعلى فكرة تريكة ممتاز جدا*)

وبعد كده انا اوعدكم ان اخلى الادارة تعمل عنه اعلان هنا فى المنتدى بحيث ان الكل يشوف الموضوع ده

شوفوا الفكرة دى

ونتفق على الموضوع الاول ونشوف النقاط اللى هتنكتب فيه ايه

وبعد كده نعمل موضوع جديد فى القسم بيها

واخلى الادارة تعمل اعلان للحملة

يلا بقى دلوقتى اهم حاجة

اسم الموضوع ايه

محتوى الموضوع ( من فكرة واهداف ونقاط منظمة وصورة البوستر المرفقة )

اتفقوا وانزل الموضوع علطول

riham_eg · #93 22-09-2009, 02:27 AM

هو حلو بس هدفنا مش اننا ننضف بالمعنى ده المعنى اننا نغير جوا الناس فكرة الشارع ده او وسيلة المواصلات مش باسكت كبير عشان ترمى فيه اى حاجه
حلو طبعا يا تريكه واقدرش اقول غير كده بس منتظرين منك افضل من كده

sympathique · #94 22-09-2009, 02:29 AM

تريكة فيه احسن من كده

خلينا من موضوع البوستر دلوقتى وقولولى علشان انزل الموضوع الجديد والكل يشارك فيه مباشرة

riham_eg · #95 22-09-2009, 02:30 AM

فكرتك حلوه يا شريف نعمل اعلان
بس محدش هنا بيدى اوردر كلنا هنا بنفكر مع بعض ونختار احسن حاجه
وانت مشترك معانا يعنى فكر معانا

treka_100 · #96 22-09-2009, 02:31 AM

طيب بصوا قولولي انتوا عايزين ايه وانا هعمله بس قولولي الفكرة بالظبط ؟؟؟

E/GOGO · #97 22-09-2009, 02:32 AM

ريهام عندها حق ان احنا فى الموضوع دة نفكر ونخطط كل حاجة للحملة وبعدين نعمل الموضوع

sympathique · #98 22-09-2009, 02:33 AM

سيبك من البوستر خالص ياتريكة دلوقتى

انساه مؤقتا

دلوقتى عاوين اسم للموضوع حالا

riham_eg · #99 22-09-2009, 02:33 AM

الموضوع انا شايفه اننا نغير اسمه من نحن وهم
لاسم مشوق شويه بعد ما نعمل البوستر
ممكن يبقى كده هنبقى للاحسن
او حاجه بنفس المعنى

riham_eg · #**100** 22-09-2009, 02:35 AM

طيب سيبوا البوستر دلوقتى وكل واحد يحاول يطرح اكسمبل بعدين
ودلوقتى نحاول نحدد الاهداف واسم الحمله

E/GOGO · #**101** 22-09-2009, 02:37 AM

بس اهم حاجة البوستر يوضح الفرق بين شورعنا وبين الشوارع النظيفة زى اللى فى طوكيو ونكتب( يالانخلى شورعنا تتحول من كدة لكدة) مثلا وبالنسبة لأسم الموضوع ممكن نقول(معا لشوارع انظف وبلد ارقى )

riham_eg · #**102** 22-09-2009, 02:37 AM

انا شايفه ان اول هدف او اول مبدا

ابدا بنفسك

E/GOGO · #**103** 22-09-2009, 02:38 AM

اوكى ونخلى تانى هدف انصح من حولك وتعاون معهم

riham_eg · #**104** 22-09-2009, 02:42 AM

بصوا ياجماعه احنا فاهمين طبعا احنا عايزين ايه وهنعمل ايه
بس خدوا بالكم اننا عايزين نعمل حاجه حلوه وفى نفس الوقت بسيطه عشان مش كل اللى هيقراها او يشوفها فى نفس المستوى الثقافى والاجتماعى ومش عايزين نقارنلهم بحاجه من خارج مصر ابدا لان هما دايما شايفين ان هما مختلفين فى حاجات كتير عشان عندهم حاجات كتير اوى فلما يشوفوا ده هيقولوا يعنى هى ديه بس
ده رايى

sympathique · #**105** 22-09-2009, 02:42 AM

ايه ياشباب

مفيش عنوان

ايه رايكم

بحبك يابلدى

نحو بلد افضل

او

معا يد بيد لجعل بلدنا افضل