|
||||||
| كليات المجموعة الرياضية (الهندسة - الحاسبات والمعلومات - التجارة & التجارة إنجلش - الفنون التطبيقية والجميلة) |
|
|
أدوات الموضوع | انواع عرض الموضوع |
|
#29
30-09-2009, 11:56 AM
|
|||
|
|||
يا جماعة بجد العمارة من أجمل أقسام الهندسة ... و من أرقى الأقسام ...
بس طبعاً للي بيحب الرسم و التصميم .... ---- و كفاية إسمها و إسمك لما تتخرج : مهندس معماري .... الاسم فيه نغم كلاسيكي ... ---- انا طبعاً بقول كدا , علشان في ناس هنا في المنتدى بتقول ان المهندس المعماري ما هوا إلا رسام لا بيدي و لا بياخد ... و اللي يقول لك مدني هوا التوب ... و الكلام دا غير صحيح بالمرة .. - لو المدني هوا التوب , مكنش بقى بياخد مقبول . و مكنش المعماري اخد جيد بقدرات كمان . - لو المدني هوا التوب , مكنش معماري اخد شغل مدني ... خرسانة و مساحة و خواص مواد و غيره و غيره ... المدني زي الفل , بس منقلش انه يمكن الاستغناء عن المعماري .... علشان ده كلام نابع من جهل و تخلف و عدم تفكير ... و دا كلام من عضو معانا في المنتدى اسمه dando-255 : انا احترم بتاع مدنى و اتصالات و حاسبات .. دول اللى أقدر اسميهم مهندسين لكن الباقى ملهمش اى علاقة بكلمة مهندس .. الهندسة فى رأيى هى التفكير العلمى الذى يولد ابداع و ابتكارات معلومة ليك .. انا حاسبات و معلومات مجاتليش حظ او مجموع زى ما انت بتقول انا مجموعى يدخلنى هندسة مستريح .. بس انا مبجريش ورا لقب بقى سواقين الميكروباص و السباكين بيتقالهم اللقب دا .. بالنسبة لمدنى و عمارة .. انت متعرفش اللى بيحصل دلوقتى اى مالك لما بيحب يبنى عمارة .. بيجيب مقاول و مهندس مدنى الحاجة الوحيدة اللى بيحتاجوكوا فيها هى اللمسة الجمالية فى التصميم و مش كل المالكين بيحتاجوا لمسة جمالية .. فى ناس عاوزة تنجز انت بتقوللى احنا اللى بنصمم العمارة .. و بتاع مدنى اللى بينفذها أرعبك و أقولك ان بتوع مدنى بياخدوا مواد رسم و تصميم و يقدروا يصمموا شغلك و بشوية كورسات يصمموا أحسن منك كمان .. اذا كانوا بيرسموا إنتيرنال و اكستيرنال و كبارى .. مش هيقدروا يعملوا تصميم لحتة عمارة لا راحت ولا جت بالنسبة لشغلهم ؟!! طب أرعبك أكتر و أقولك ان في تصميمات ستاندارد و فى تصميمات مشهورة و تصميمات جاهزة بيستخدموها بتوع مدنى يعنى حتى لو مش بيعرف يصمم هيجيب اى ماكيت او تصميم من المشهورين و ينفذوا و فى كل الحالات هو هيشتغل بيكو او منغيركوا .. هو يقدر يستغنى عنكم و يعمل أحلى شغل من غيركوا لكن انتو متقدروش تستغنوا عنه هو دا الفرق بينه و بينكم .. انتو أداة مكملة يمكن الاستغناء عنها .. و لما بتشتغلوا صعب جدا تلاقوا مكان فى شركة فبتضطروا للعمل قطاعى .. يوم فى شغل و 10 لأ .. زى الصنايعية بالنسبة للتقديرات .. التنسيق دا بيبقى على حسب العرض و الطلب ملوش علاقة برقى القسم او المهنة تحبوا نسكت للجهل دا ؟ و لا نتكلم ؟ انا حبيت بس اقول لكم ان في ناس بتحبط .... و الناس دي احنا مش عاوزينهم .... ---- عاوزينكم يا باشمهندسين تقفوا معايا .... علشان نرد على الأخ دا ... جزاكم الله كل خير |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 03:46 PM.
