اقتباس:
المشاركة الأصلية كتبت بواسطة هبه محمود
لو سمحتوا هوه السكاشن الاسبوع الجاى هيبدا بالمظلل ولا غير المظلل وياريت حد يعرفنى بنفسه فى جروب ج لانى مش عارفه حد برده وماشيه اضحك وخلاص من كتر التوهان اللى انا فيه وانا كان بالمرة مش فهمت حاجه خالص وزعلان اوى على الرغم انى اللى اخت اكبر منى فى الكليه وبتطمنى نوعا ما بس انا خايفه وقلقانه مووووووووووووووووت
|
انا محمد معاكوا فى مجموعه ج وعلى ايه القلق ده كله ده الكليه لذيذه جداً وتشجع على الدراسه بس مشكله التوهان دى عاديه جداً كلنا بنحس بيها علشان نظام الجامعه والكلام ده لسه جديد علينا مش متعودين عليه بس المجموعه بتاعتنا ضايعه خالص يعنى خدنا ساعتين اول الاسبوع ودول ميتحسبوشعلشان كله دخل يعرفنا بنفسه و يوم الاحد والاتنين ضايعين اول اسبوع علشان مفيش سكاشن وكمان يوم التلات اجازه 6 اكتوبر يعنى مش عارف المحاضرات اللى هتروح علينا يوم التلات دى نقضيها مع المجموعات التانيه اللى عليهم نفس المحاضرات فى ايام تانيه وانا كمان فى يوم السبت خلصت كلمه العميد وروحت علشان مكنش فى المجموعه ج مع ان فى ناس حضروا علشان كان اول يوم وكله كان مع بعضه فانا مش عارف نظامنا ايه الوقتى
وعلى فكره يا جماعه الجدول بتاع اتحاد الطلبه اللى هو بالالوان وعليه من ورا مكتبه doctors ده الجدول ده غلط هو وبتاع اسره الحياه الصغير انما الجدول الصح اللى هو مكتوب عليه من ورا اسره شباب مصر وحتى هتلاحظوها فى فرق التوقيت اللى فوق فى الجداول الغلط يعنى مثلاً دوروا فى الجدول بتاع اتحاد الطلبه ده وبتاع اسره شباب مصر فى نفس الوقت على لغه انجليزيه محاضره ( ا ) اللى هى يوم الاحد هتلاقوها فى جدول اسره شباب مصر بتبدا الساعه 2 لحد الساعه 6 وفى الجداول الغلط هتلاقوها بتبدا الساعه 3 لحد الساعه 7 ونص
وده راجع لغلط حساب التوقيت فى الجداول الغلط من فوق يعنى المفروض كل شرطه بنص ساعه لكن هتلاقوها فى الطباعه تقريباً النص ساعه ضمت على الساعه والمواعيد اتلخبطت يعنى
تحياتى
04-10-2009, 06:14 PM
العرض المتطور
