|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#46
04-10-2009, 12:45 PM
|
||||
|
||||
خلاص يا جماعة حصل خير
خلاص يا استاذ زيزو حضرتك عرفت السبب حصل خيرا ان شاء الله والاخت شرين قالت وجهة نظرها والمفروض يا جماعة ننبية اى عضو اتنفل موضوعة او اتحذف لان دة حقة لان العضو تعب فى الموضوع واكيد ميعرفش انو مكرر لازم نبلغة حتى احتراما لة وتقديرا لة وخلاص المشكلة اعتقد انها خلصت خلاص حصل خير كل عام وانتم بخير
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. |
|
#47
05-10-2009, 12:44 AM
|
||||
|
||||
|
بجد المنتدى ده بقى غير طبيعى
اعتراضات على اشياء غير طبيعية و ردود غير منطقيه و الحلول موجوده لمشاكل كثيره لكن مفيش حد عاوز يحل اى مشكله كفايه
__________________
 || Be Creative Or Die || |
![الصورة الرمزية :: [ K A B B O W ] ::](image.php?u=193817&dateline=1255128557)
|
#48
05-10-2009, 01:11 AM
|
||||
|
||||
|
السلام عليكم ورحمة الله وبركاته
صحيح يا جماعة الموضوع مكرر انا مش بتكلم عن موضوع زيزو الى مكرر انا بتكلم عن المشكلة دى هى نفسها مكررة انا تعرضت كتير للحكاية دى وبسببها بطلت اكتب موضوعات رغم ان موضوعاتى التى تم حذفها ونقلها لم تكنن مكررة لانها ببساطة كانت من كتاباتى الخاصة ازاى تبقا مكررة؟؟؟؟ وبسبب الحكاية دى بطلت ادخل المنتدى من الاساس وشاهد على كلامى الاستاذ اسلام والاستاذ عصام صوت الحق من قبل وان زيزو هو السبب الرئيسى فى رجوعى المنتدى ولكن لما وافقت عرفته انى راجع بس مش زى الاول يعنى مافيش موضوعات ولا مشاركات حتى لا اتعرض للمسألة دى مرة تانية تجنبا للمشاكل خصوصا ان فعلا لو شاهدتم الموضوعات المنقولة من العام والموضوعات الموجودة حاليا فى العام ستجدون فارق كبير فى معانى الموضوعات وفى مضمونها وانه كان يجب ان يحدث العكس **اما الاخوة الذين سبقونى فى الرد وقالوا ان للمشرف انه يعمل الى هو شايفة صح اقول لهم انتم على خطأ كبير لانه من الاساس ومن الواضح عدم التفاهم بين المشرفين حيث ان المشرف الفلانى يرى ان المكان الطبيعى للموضوع هو الركن( س) بينما يرى المشرف العلانى ان مكانه المناسب هو الركن( ص) وهكذا لذلك تجدون بعض الموضوعات حائرة بين اركان المنتدى كله وهذا دليل على صحة كلامى ولو كان لاحدكم تفسر منطقى لزيارة الموضوعات جنبات المنتدى فــ ياريت يفهمنى ينوبة ثواب !!!!!! ** واذا كان كما يقول البعض ان اماكن المنتدى اصبحت اكتر ويجب ان نضع كل موضوع فى مكانه السليم اقول لهم انتم تبحثون فى موضوعات كُتبت فى عام 2005/2005 يعنى مرَ عليها اكثر 3/4 اعوام ومر عليها ما يقرب من 150/180 صفحة فهل حضرات المشرفين قاموا بفرز كل الصفحات دى؟؟ والله ده مجهود فظيع منهم / ن وهل ياترى تم ضبط 40 موضوع راكنين فى الممنوع للعضو زيزو مرة واحده كده؟؟ والله انا شايف ان معظم الابواب الجديدة كثيرة على الفاضى ** كان الاول مجموع اركان المنتدى 20/25 كنا نتحرك بكل بساطة وسهولة ويسر بين جنبات الاركان اما الان فزادت لما يقرب من 200/250 مين يقدر يتابع كل الاركان دى انا بطلت اتحرك بينها لانها كتيرة جداااااااا وبدون لازمة يعنى لكل فصل دراسى ركن ولكل محافظة ركن ولكل كلية ركن ولكل نتيجة ركن ولكل مرحلة دراسية ركن ولكل ترم ركن ولكل مادة ركن ولكل ركن عدة فروع ولكل فرع عدة اوراااق شيئ صعب جداااا ناقص نعمل لكل طالب ركن !!!!!!! يمكن اكون خرجت عن الموضوع لكن انا قولت اقول رئيى بالمرة فى الزيادة الكبيرة فى الاركان دى كلها ارجع للاخوة والاخوات المشرفين منهم والمشرفات واقول احنا مش ضد النظام ابدا لكن ياريت نسيب الموضوعات التى مر عليها سنوات ونبدأ من الجديد يعنى مش معقول اروح على 180 صفحة وانقل منها موضوعات واترك الصفحات الاولى !!!! للحديث بقية ان شاء الله
__________________
 آخر تعديل بواسطة بورسعيدى ، 05-10-2009 الساعة 02:15 AM |
|
#49
05-10-2009, 02:58 AM
|
|||
|
|||
|
السلام عليكم ورحمة الله وبركاته
انا بصراحة مش عارف ابدا منين بس اولا انا بتاسف انى ارد في موضوع ملييش دخل بيه نهائي بس انا اتكلم في نقطة تانية بعيدة شوية دلوقتى لو نظرنا للموضوع عامة انلاقى اننا بنتكلم في حاجة تقريبا في الفراغ واكيد كمان بتسحب جامد من تفكيرنا ومن حياتنا العامة وبنفكر فيها كتير وبنتكلم عنها كتير انا بقالى فترة كبيرة مش بدخل المنتدى ومش متابع اي مواضيع فيه لانى انا شغال اكتر من 14 ساعة المهم بالنسبة للموضوع ده مش عاوزين نكبر الموضوع على كلام فاضي وموضوع اتنقل وموضوع مكرر وموضوع محذوف وممكن حد يخسر صاحبه علشان حاجة فاضية زى كدة وواحد يقول انت بتتكلم بطريقة غير محترمة وواحد يقول وواحد يقول ويقول مش عاوزين حد يضحك علينا احنا كلنا مسلمين والمفروض اننا مؤمنين بالله وبنخاف على بعض مش عاوزين حد يقرا الموضوع ويقول شوف عقل الناس دى وحتى لو الموضوع ده فعلا في خطا او مفيش خطا لازم عقولنا تكبر شوية ولو في اي مشكلة موجهة لشخص معين يرد الشخص المسئول فقط ويقول سبب اكيد ومقنع ويتم قفل الموضوع مباشرة بعد الانتهاء منه انا مش عارف ازاي الباش مهندس عبد العظيم كاتب عنوان الموضوع الى المشرفة شيرين والموضوع تعدى ال45 رد ومفيش غير رد واحد من الاستاذة شيرين يا ترى اي عضو او مشرف او ادارى من الى ردوا ليهم اي علاقة بالموضوع ؟؟ وكمان عاوز اقول حاجة معلش طولت عليكم شوية انا مش عاوز موضوع المنتدى ياخد كل تفكيرك بالمنظر ده لانه مهما ان كان مش اتاخد منه حياة دينية كاملة او حياة اجتماعية مناسبة لك أو ... أو .... أو ... واحب كمان اتاسف الى كل شخص غلط فيه او عاملته باسلوب غير لائق وتذكير بسيط ( اعمل لدنياك كانك تعيش ابدا واعمل لاخرتك كانك تموت غدا ) والكلام ده كله فعلا من داخلى ويا ريت الكل يفكر ايه الفايدة الى تنفعه في اخرته اكتر من حياته وانا اسف مرة تانية انى دخلت في كذا موضوع وانى رديت على الموضوع وطولت عليكم والسلام خير الختام السلام عليكم ورحمة الله وبركاته اخوكم في الله / أحمد |
|
#50
05-10-2009, 03:12 AM
|
||||
|
||||
|
اقتباس:
لا تعليق على اسلوب كان اكثر من رائع من مشرفة المفترض انها تكون قدورة ومثال للاعضاء
__________________
 آخر تعديل بواسطة zizo2_2 ، 05-10-2009 الساعة 03:27 AM |
|
#51
05-10-2009, 03:29 AM
|
||||
|
||||
|
اقتباس:
اشكرك بشدة على كلامك والذي ساسعى جاهدا لان اعمل به
__________________
|
|
#52
05-10-2009, 04:44 AM
|
||||
|
||||
|
طيب بما إنه الموضوع وصل للمرحلة ده فمفيش داعي للموضوع اللى كنت ححطه في حجرة المشرفين إني أرى - وأعوذ بالله من كلمة إني  - إننا نغير شكل القسم العام بتاتاً سيبكو من كوني مشرف دلوقتي وحتكلم عني بصفة عامة استاذ مجدي او استاذ بورسعيدي ناقش حتة مهمة جداً كان نفسي اتكلم فيها من زمان تعدد الاقسام بشكل رهيب يعني مثلاً قسم التنمية البشرية ده انا مدخلتوش غير مرتين بس من وجودي في المنتدى حتى الآن مرة زمان افتكرت القسم ده حاجة غير اللى في دماغي بس طلع مواضيعه عادية ومرة عشان الموضوع ده لما اتنقل موضوع استاذ زيزو في اقسام كتير شايف إنها ملهاش لازمة او ممكن ندمجها كلها مع بعض مثلاً القضية العربية وملفات مصرية ياما يتشالو هما الاتنين يا اما يندمجو وفي منهم بعض المواضيع النقاشية كنت معترض على وجودها هناك بعد ما كانت في العام بس برده كنت بلقى الاجابة امال الاقسام ده فايدتها ايه دنا مفيش مرة شفت قسم ملفات مصرية ده في اكتر من زائرين اصلاً قسم التنمية البشرية ممكن يفضل وممكن يتشال بس ممكن متلاقوش مكان كويس لمواضيعه فممكن تخلوه لو اقتصرت ردوده على الشكر والثناء ماشي سيبوه هناك لو كان في نقاش بأي نوع او وجهات نظر يبقى مكانه العام ده حتى القسم الرياضي لما باجي انقل موضوع ليه بحتار انقله لأي قسم يعني مثلاً الاهلي والزمالك دول موجودين ليه عشان دول يشتمو في دول ودول يشتمو في دول معملتوش الاسماعيلي ليه بالمرة !!! ايه لازمة تعملو دوري عربي في قسم ودوري اجنبي في قسم هو كثرة اقسام وخلاص ؟ والمشكلة إنه القسم الرياضي كله حتلاقيه ما بين 300 لـ400 موضوع بس متفرقين على 5 او 6 اقسام !!! وغيره وغيره لسه عايز اتكلم عنهم بس عارف إني ححيد عن مسار الموضوع كثيراً لأنه بيتناقش حول العام بس ومن هنا نستنتج ما يأتي المشرفين بصراحة غصب عنهم بينفذو القانون وبيشغلو الاقسام التانية يبقى المشكلة هنا مش في المشرفين المشكلة في القوانين انا عايزكو تغيرو تركيبة القسم العام تماماً سيبكو من موضوع تنشيط المواضيع القديمة ومش عارف ايه والكلام ده كله اول حاجة تلغو مبدأ امال الاقسام التانية تنشط ازاي حاولو انتو تنشطو العام بس في الاول تاني حاجة قسم زي القسم العام بحجمه وشحمه ولحمه مينفعش يبقى لبواقي الموضوع لأنه قسم المواضيع التي ليس لها قسم المواضيع اللى بتمشي منه بيبقى هدفها محدد ومكانها معروف بينما اللى مكانه مش معروف بيبقى مكانه العام وبكده لازم نضيف قانون يخصص او يخصخص مواضيع العام بأنها كل المواضيع النقاشية يبقى أي موضوع نقاشي سياسي (ملفات مصرية او قضايا عربية) - ديني (الركن الديني) - اجتماعي (لقاءات او اجتماعيات ) - الخ كل الحاجات ده تفضل في موقعها الجديد القسم العام وبكده يبقى المشرفين مش حيحتاجو يبقو في حيرة بعد كده حول المواضيع اللى المفروض ينقلوها ويخلوها وفي نفس الوقت نلاقي مواضيع للنقاش اما الاقسام التانية اللى عايزين تنشطوها شيلوها احسن فهي كده كده مش نشيطة اما ما يتعلق بالمواضيع المكررة والقديمة قلتلكو قبل كده مليون مرة كل فترة جيل المنتدى بيتغير يعني نفس الموضوع حيبقى فيه نقاشات جديدة ووجهات نظر جديدة حتى لو حتتكرر هي هي فالشيء الوحيد الذي سيتكرر هو منظر الموضوع قدام المشرف القديم في حين ان المتناقشين جدد وبالنسبالهم ده جديد عايزين تشيلو القديم تخلو القديم تحذفو القديم المهم ميبقاش المواضيع اللى في 2005 و 2006 تغطي على المواضيع اللى عايزين نحطها في 2009 و 2010 اكيد جيل المنتدى بيكون اتغير ومش حيتفرج عالمواضيع القديمة ده تنشيط المواضيع القديمة ممكن يكون كويس في حالة واحدة لو النقاش اللى فيها كان قليل مش واخد صفحتين وتلاتة واربعة او ممكن نتفادى المشكلة ده ونكتب الموضوع مرة تانية مع حفظ حقوق ملكية كاتبه او إنه نفس العضو اللى يكرر موضوعه وبكده ممكن نشيل القديم وفي نفس الوقت حيعتبر موضوع جديد وحنلاقي مناقشات جديدة هذا ما لدي وأتمنى مكنش طولت كتير
وكويس إني اتشجعت وكتبت اصلاً لأنه الواحد بيكسل يعمل موضوع جديد اصلاً
__________________
It was over 3 years since my last visit  آخر تعديل بواسطة BaNZeR ، 05-10-2009 الساعة 04:47 AM |
|
#53
05-10-2009, 06:03 AM
|
||||
|
||||
|
اقتباس:
اشكرك على احترامك واسلوبك الراقي في الحوار والذي اجبرني ان ارد عليه وانا على استحياء جزاكم الله خير
__________________
آخر تعديل بواسطة zizo2_2 ، 05-10-2009 الساعة 06:17 AM |
|
#54
05-10-2009, 06:46 AM
|
|||||||||
|
|||||||||
|
بما إننا متفقين في بعض الحاجات فحعلق على نقط الاعتراض او الحياد اقتباس:
مادام كده يبقى لازم ان شاء الله يتعمل دراسة جديدة بين الاداريين لكل قسم ونشوف مواضيعه وزواره ومشرفه ونقيم القسم يا يفضل يا يتشال حتى لو كان زمان كويس يمكن دلوقتي الموضوع اختلف اقتباس:
قلنا الكلام ده قبل واتقال جاري المناقشة محنا عارفين انه كل حاجة في المنتدى ده تحت المناقشة بس التنفيذ بتاعكو ده امتى بس ممكن نغلي الاتنين خالص ونعتبر المواضيع السياسية نقاشية وتفضل في العام حسب نوعية المواضيع اللى تتشاف في التقييم بعدين اقتباس:
على الأقل خلينا في العام دلوقتي لأنه لب المشكلة ولو اتكلمنا في باقي الاقسام حنطلع مشاكل لا حصر لها اقتباس:
بس حاجات من وجهة نظري بحس إنها مش في الصالح العام مش بطبق عليها القانون والقوانين بغيرها حسب مزاجي بما يناسب مصلحة القسم ومش من مصلحتي انقل مواضيع كتير لبره اقتباس:
اقتباس:
ممكن برده انا مقلتش نقتصر على النقاشية فقط في حاجات فعلاً مش نقاشية المفروض يبقى مكانها العام بس انا قلت اخدها خطوة خطوة عشان مضربش على طول اقتباس:
لو كل واحد اعتبر نفسه قائد ليه وجهة نظره الخاصة يبقى وجهات النظر حتتعارض وده طبيعة بشرية واحنا معظمنا صغير ومش بقدر من الحكمة لتنسيق الامور بيننا لذا عند وجود قانون مظبوط وحاسم مش حيبقى فيه تعارض في الآراء ولا اختلاف وجهات نظر بعد كده يعني مثلاً قسم جرس الفسحة اللى لغوه كان بيهتم بنوعية فكاهية من المواضيع ملهاش مكان دلوقتي فطبيعي اي موضوع فكاهي حيحتار فيه جميع المشرفين زي ما حصل من اسبوع مثال تاني قسم لقاءات وحوارات ومسابقات عايزين يلغوه مع بداية الدراسة يعني حنقفل كل موضوع ترفيهي يتحط في المنتدى على الرغم من نشاط القسم يبقى كده حيفضل المنتدى قاصر فقط على المواضيع التعليمية والثقافية وانا شايف إنه ده برده مش في المصلحة بس رأي الاغلبية كان هو الغالب فانا حسكت اقتباس:
يمكن بعدها حكون فسرت جميع النقط اللى فوق ده خلينا نكون متفقين على حاجتين الموضوع اللى تعدى الصفحتين او التلاتة بيفقد لذته وموضوعيته انا واحد لو دخلت موضوع في الصفحة الاولى برد في الصفحة التانية حسب اهمية الموضوع في الصفحة التالتة بيبقى في الحالات الحرجة فقط الحاجة التانية إنه بحكم إننا بقينا في عصر السرعة والواحد بقى عايز يخش ياخد المعلومة ويطير فقد أصبحت الموضوعات الكبيرة منبوذة او يندر الاهتمام بها فعشان تقولي ندمج ثقافتين والقدام بالجداد والكلام ده معتقدش إنه سهل التنفيذ الحاجة الوحيدة اللى ممكن تدمج بيها الثقافتين هي باختلاط أعضاء تلك الفترة بأعضاء هذه الفترة ولما يكون النقاش بينهم في نفس اللقاء ساعتها حتتحقق الفايدة اما بخصوص النقطة اللى بتقولي فيها مينفعش نرمي الثقافات السابقة او نضيع مجهودات السابقين فخلاص خليها موجودة واعمل الموضوع الجديد برده بس هي هي كده كده محدش حيروح للمواضيع ده لكن اهم حاجة تحط الموضوع مرة تاني بشكل جديد اقل حجماً لو كان طويلاً بدون مشاركات ليفتح نقاش جديد واقبال عالي كده اظن فسرت قصدي في الكلام اللى كان فوق انا واحد بمل من المواضيع الدينية بسرعة مثلاً لإنها بتكون كلها تقليدية وطويلة جداً ونصها آيات وأحاديث وكلهم بيوصلو لمعنى واحد برده المواضيع السياسية والتاريخية الطويلة نفس الاحساس بينطبق على المواضيع القديمة اللى ردودها كتير انا واحد من عادتي مش برد على موضوع إلا لما اكون قريت كل ردوده إلا نادراً جداً على الأقل عشان مكررش وجهة نظري في الموضوع ويبقى الموضوع كإنه عمال يعيد نفسه شكلي انا اللى طولت وبقيتو عايزين تضربوني كفاية النهاردة لحد ما تقرو اللى اتكتب وعشان اجهز للكلية اقتباس:
وكلانا يقول ما يراه في مصلحة المنتدى
__________________
It was over 3 years since my last visit |
|
#55
05-10-2009, 07:30 AM
|
||||
|
||||
|
اقتباس:
جزاكم الله خيرا
__________________
|
|
#56
05-10-2009, 02:07 PM
|
||||
|
||||
|
اقتباس:
لكن انا علشان شفت الموضوع ده قبل كده لدعاء فا بحثت عنه و وضحت إن موضوع أستاذ عبد العظيم مكرر و بعيداً عن كل ده يستحيل مجموعة مشرفين يتفقوا مع بعض فى كل آراءهم .. كل واحد ليه وجهة نظره .. و إحنا أصلاً أغلب المواضيع اللى ممكن يكون ليها أكتر من قسم مناسب بناخد رأى بعض فيها .. بصراحة أنا ماشفتش مجموعة مشرفين على العام متعاونين زينا و لله الحمد اقتباس:
!!! اقتباس:
و بعدين إحنا مش بنترك الصفحات الأولى ولا حاجة يا أستاذ مجدى .. إحنا فى الأجازة كنا بنبدل مع بعض واحدة تشتغل فى القديم شوية و التانية تشوف الصفحة الأولى و يمكن ساعات كنا كل واحدة فينا بتتابع القديم مع الجديد حضراتكم دلوقتى بتتهمونا إننا مش بنشتغل و شوية تتهمونا إننا بننقل مواضيع غلط و أنا شايفة إننا بنشتغل كويس و على قد ما نقدر و مش بننقل مواضيع فى أماكن غلط اقتباس:
لما المخالفات بتبقى قليلة و فى موضوع كويس بنسيبه فى العام شوية و بعدين بننقله لكن لو المخالفات كتير و إننا نسيب المواضيع فى العام شوية ده هيجهدنا جداً لإن هيتراكم علينا شغل كتير بعد يوم أو اتنين يا ريت الموضوع مايكبرش اكتر من كده لإنه أخد حجم أكبر منه بكتير.. كل مشرفين العام ردوا و كل واحد فيهم قال وجهة نظره
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#57
05-10-2009, 08:48 PM
|
||||
|
||||
|
لا حول ولا قوة إلا بالله ! انا ملاحظ ان فيه ناس مخدوعة في عقلها جداً وواثقين في نفسهم زيادة عن اللزوم بالرغم من ان الواحد لو قاس اللي يعرفه باللي ميعرفوش ( سواء بصفة عامة او اللي غيره يعرفه ) هيحط وشه في الارض للأبد وهيتعامل احسن من كدا  أولاً : القسم العام مش للموضوعات اللي فيها فكرة نتناقش حوليها وبس .. يعني مثلاً لو واحد نزل موضوع دلوقتي عن العادة السرية وكيفية الإقلاع عنها وحاطط رؤية واقعية وشاملة تتحط في الركن العام بلا شك ولا لوم عليه ولا هم يحزنون لإن زي ما قال الباشمهندس عبد العظيم الهدف من أي موضوع هو المصلحة العامة يعني مثلاً لو موضوع فيه نصيحة ومهم ويستدعي وجوده في العام فمفيش اي مشكلة يتساب يومين وينتقل لمكانه الأساسي .. وتبقي المسألة مسألة تفاعل ... وأرشفة بمعني إننا عندنا مشكلة قائمة بالفعل وهي ضمور بعد الأقسام او أغلبها .. يبقي انا اتعامل مع العيب طالما مش عارف أصلحه .. من أد ايه واحنا بنقول ان الاقسام دي لازم تتنشط ؟ من قرن وتلت شهور .. إذن يبقي انا اتعامل مع العيب بشكل واقعي ومنطقي ويُرضي جميع الأطراف طيب س : الحكاية دي تتم إزاي ؟ ج : تتم عن طريق ترك الموضوع يوم او يومين علي الاكثر في الركن العام ( في حالة انه لا ينتمي للقسم العام ) وده الجانب بتاع ( التفاعل ) اما بالنسبة للجزء بتاع ( الأرشفة ) فيتم بعد ذلك نقل الموضوع للركن المُناسب له علي سبيل إنه يبقي أرشيف للموضوعات .. زي مثلاً الندوات الأدبية لو حد ربنا بيهديه كدا وبيحضر حاجة .. بتبقي ندوة لمُناقشة كتاب مثلاً ( كدا كسب العمومية والتفاعل ) وبعد ذلك بيتخصص حسب القسم الخاص بيه وبيرجع لمكانه علي الرف تاني ولو واحد من اللي مخدوع في عقله هيقول ( دي اسمها مُناقشة كتاب ) فمثلاً موضوع عن ( إنفلوانزا الخنازيز مهو نصايح ) ويستأهل البقاء في العام مش هناقشك انف في منديل من طبقة ولا طبقتين احسن ؟ ولا احط جيل مطهر اربع مرات ولا خمس مرات في اليوم دي مناقشة سخيفة ! ثانياً : نقطة مهمه جداً للمُشرفات والمُشرفين في البداية انا مش داخل اقول نصيحة عشان محدش ينقلها التنمية البشرية ولا حاجة .. لالا أبداً دول كلمتين والسلام بس انظروا نظرة أعمق للموضوع .. لإن التعامل بالسطحية درب من دروب الضعف والضعف درب من دروب السذاجة والسذاجة حماقة ده طقم بيتوزع ف الأفراح .. العضو اللي بيحط موضوع بيتقسم عده أشكال :- عضو عايز يزود عدد مُشاركاته عضو عايز يوري للناس نفسه عضو عايز يفيد الناس بعلومة عضو فاضــــــــي كدا وخلاص طبعاً هما مُختلفين لكن بينهم عامل مُشترك إن كلهم عندهم دم يعني لما بيحس إن المُشرف بيفرض عليه حاجة بدون مُناقشة بيحس بالعجز ويقول في نفسه هو عشان مُشرف يعني فرحانلي بأم الصلاحيات ويدخل يقولي السبب : إن حموكشه كان حطه قبل كدا وهيتنقل عافية زي موظف الحكومة لما تقدمله ورقة مش عجباه ولا يبص ف وشك ويكتبلها علي ضهرها مش نافعه هات واحدة تانيه من جهه كذا ! لو انا تعبت نفسي وبعت رساله صغيرة جداً قولتله فيها " معلش تم نقل الموضوع لقسم كذا لإنه مُكرر وكتبت في آخرها ربنا يبارك فيك ولو فيه حاجة احنا تحت امرك " ياسلام انابتخيل نفسي قصاد اللي موضوعه اتحذف ده ده انا احب المشرف ده حب ولو مشرفه احتمال اروح اخطبها وعلي فكرة ياجماعة والله الكلام ده انا كنت بعمله مؤخراً بعد ما عرفت مدي فاعليته عموماً عشان انا طولت هقول الخُلاصة
الله يبارك فيكم اتكلموا مع الباشمهندس بإسلوب افضل من كدا ولا نزكي علي الله احدا ده من الأشخاص اللي فعلاً بذلوا بحب والله العظيم وفيه حاجات لولا اني خايف ان ثوابها يضيع لما اقولها في حقه لكنت قولتها بس خليها في الخفاء ويكفي اني اقولكم ان الراجل ده بيسعي لمصلحة البوابة حتي آخر لحظة دلوقتي ( مادياً ومعنويا وكل شئ ) حتي الآن والله علي ما أقول شهيد ومتعملوش حساب إن كل واحد بيتفرج علي ردكم يبقي الواد عايز يضحكلي بنت ولا يجاملها ويقولها بس وقفتهولك عند حده ولا يقولها شوفتيني وانا بعطس ف الموضوع وانا بعرفهم قيمتي وتقوله اسد طول عمرك وجامد وعسل اسود علي دماغه ولا بنت رايحه لصاحبتها تقولها اسكتي ياختي رصتهومله بيحصل وربنا الراجل حتي الآن مغلطش ثار ( ومن حقه ) بس مغلطش لكن الحق أحق ان يُتبع إسلوبك مينفعش خالص ياياسمين وخصوصاً اقتباس:
هنلاقي قدر الناس اللي بتبص صح 1 او 2 ولا انتي ولا انا منهم متقلقيش من الموضوع ده لان فيه حاجات كتير غلط في إسلوبنا وادي الواحد بدأ يغير بعد ما خسر ناس كتير ابعتلك رساله فيها شوية كلام مينفعش يتقالوا جهراً لخوفي علي مصلحة اختي ليس اكثر شكراً واسف للإطالة
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 05-10-2009 الساعة 08:59 PM |
|
#58
05-10-2009, 09:21 PM
|
|||||||
|
|||||||
|
معلش كدا م اولها ردى هيكون طويل
 بص يا بشمهندس انا معاك ان فكرة نقل القديم مش كويسة اوك يتنشطوا ماشى يبقى افضل انما حذفهم ونقلهم لأ حتى ولو كانوا مخالفين بس مش بصورة موضحة انه مخالفين ف مواضيع تعارف ومسابقات دى معروفة ف حذفها ونقلها وبتكون تستحق كدا لان اصلا العام مش ناقص حذف ونقل مواضيع بسبب حكاية تقسيم القسم دى خلّت مفيش مواضيع وهى هى مبتتغيرش .. والمشرفين عمالين ورا الاقسام يحذفوا يعنى المواضيع مبتتحركش وكمان عمالة تقل بكدا هيبقى العام ركن مواضيعه قليلة ونادرة دا غير انه هيبقى مش م الاقسام المميزة وهتقل نسبة دخوله وهيبقى ركن مهجور زيه زى فلاسفة زى التنمية تنشيط المواضيع هيكون افضل م حذفها ونقلها وبرضو لما العضو يكتب الموضوع ويتعب فيه باسلوبه رغم ان فكرته مكررها مينفعش تتحذف اقتباس:
فعلا كدا دا اسلوبه هو الخاص بيه مش جايبه كوبى م حتة تانية ولو اتطبقت الفكرة دى ع طول يبقى مفيش ولا موضوع جديد هينزل لو تم دمج المواضيع اللى بتنزل دى ع انها ردود ف الموضوع القديم اللى له نفس الفكرة هتكون افضل وبكدا هتكسبوا تنشيط للمواضيع القديمة زى م انتوا عاوزين وكمان الاعضاء هتنزل براحتها كل حاجة وهينشط القسم م تانى اقتباس:
لان انا واحدة كنت بعانى م نفس الكلام اللى حضرتك بتقوله دا ع المشرفات لو اتساب موضوع مخالف الدنيا بتقوم وتقعد ومليون موضوع ينزل فين مشرفين العام فين الاهتمام وفين وفين وفين مهما اتعمل وساعة لما يتحذف او يتنقل حاجة يبقى كاننا كنا متراهنين اللى يحذف اكتر ياخد كارت شحن ونظام كل م الحذف يزيد نسبه المكسب تزيد المبدا مش كدا يا بشمهندس خالص واعتقد ان حضرتك كنت مشرف قبل كدا وادارى كمان اقتباس:
دا غير الاستفسارات اللى بيردوا عليها غير الاقتراحات او المواضيع اللى بتنزل ف المشرفين غير اللى بينزل ف قسم/صوت الاعضاء يعنى هما بيعملوا اكتر م العضو اقتباس:
ان مفيش ادارة اصلا ولو ف ادارة ف الادارة متشتتة الاراء ومش متفقة اقتباس:
انما اتغير الوضع واتشال الهاك دا وكتير اوى اشتكى م الموضوع دا والادمن قال مينفعش يتركب يبقى بكدة العيب مش م المشرف اقتباس:
ودا غلط يا موها وانتى عارفة تاثير تقسيم القسم وكمان يتقلب نقاشى فقط هيكون ازاى ! بما ان العام بقى قسمين خلوا واحد نقاشى والتانى مواضيعه نقاشية وعادية والمميز اسحبوه ف قسم العام لحد دلوقت القوانين اللى فيه مش مكتوب فيها ان المواضيع تنزل نقاشية فقط لو ف موضوع تقدرى تستفيدى منه م فكرة او معلومة هيبقى كويس وهو دا اساس القسم اصلا زى موضوع النمل اللى اتكرر مليون مرة قدامنا لازالت نسخته الاصلية موجودة ف العام رغم ان كل الردود فيه جزاكى الله خير وشكرا اقتباس:
افتحى الميل 
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#59
05-10-2009, 09:48 PM
|
||||
|
||||
اقتباس:
اقتباس:
كان نفسى اعلق على الرد كله بس اخدت الجزء اللى يخصنى دلوقتى وجهة نظرك برده لازم أحترمها رغم إختلافى معاك ( أنا قلت اخرتك معايا مش لطيفة .. ربنا يستر عليك  )عايزة بس أوضح نقطة .. ماينفعش الأقسام دى تتحذف لإنها هتسبب مشكلة كبية و خصوصاً فى العام .. هيبقى مظهره وحش و ساعتها هحس إن اللى عملناه كله إتهد فى لحظة أنا كنت قلت قبل كده لو ملفات مصرية يندمج فى القضية أو يتعمل قسم سياسى و يدخل فيه الاتنين مع العلم إن أيام إشراف شموخ كان القسم كويس و طبعاً فى فترات بيكون فيها القضية العربية شغال أحسن من العام زى اللى حصل فى غزة ربنا ما يرجعها أيام .. بس يعتبر مساهمة بسيطة مننا و تعبير عن إهتمامنا بإخواتنا الرياضى يمكن عمرى ما دخلته إلا أيام مشكلة أديب و كاس افريقيا فا مش هتكلم عليه التنمية البشرية قسم كويس و كان جميل فى فترة وجود جيهاد كمشرفة عليه يمكن ساعات مش بعرف اميز بينه و بين فلاسفة تحت التمرين بس مش عندى حل مفيد ليهم كفاية كده علشان النت بيستظرف كتير أوى معايا
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#60
05-10-2009, 10:10 PM
|
||||
|
||||
|
اقتباس:
مكنش فى طريقة نمنع بيها الحكاية دى غير كده لإن الناس كانت بتكسل تتناقش و تكتب كلمتين و خلاص و بعدين فى مواضيع كويسة بتفرض نفسها على القسم حتى لو كانت مفيش فيها نقاش إبن الحاج رضا منور على الآخر .. ربنا يعدى الموضوع ده على خير
__________________
إذا فقدت كل شىء و بقيت ثقتك بالله فإنك لم تفقد شيئاً
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:14 AM.
